اول صبـــــــــــــــــر

**القلـق** · 08-26-2003, 01:43 AM

يعلم الله كل شي فيني ذاب

مابقى عندي مثل اول صبر

ياخساره الّمنى اصبح سراب

وانكشف لي ما اخفى عني الدهر

العبي ماعمني كثر العذاب

حتى طيفك ماعلى بالي خطر

صدقيني ما ابي اقرأ جواب

ياسحابه خاليه مابك مطر

اعذريني يوم ضيعت الشباب

سامحيني كان لك راح العمر

كيف ينزل راس عالي للتراب

لاجل واحد مايقدر له عذر

انتهينا مانبي منك عتاب

حبنا يابنت ولّى وانتحر

كان اول غيرك بقلبي سراب

بس هذي حكمه الله والقدر

ويشهد الله كل شي فيني ذاب

مابقى عندي مثل اول صبـــر

وسلالالالالالالالالالالالالالامتكم

**شمالي** · 08-26-2003, 02:10 AM

صح لسانك وأحساسك أخوي القلق..
أقلقتني بهالقصيده يا غالي :)

قصيده وافيه طال عمرك بس عندي سؤال

العبي ماعمني كثر العذاب

حتى طيفك ماعلى بالي خطر

ممكن توضح لي هالبيت هذا وخصوصا ما عمني؟؟

تحياتي

شمالي..

**بنت دبي** · 08-26-2003, 12:03 PM

مرحبا اخويه القلق..

صح لسانك اخويه ...

أظن أول مره تنشر قصيدة من كلماتك ..

وهالشي يبشر بالخير ...

فلا تحرمنا من قصايدك والخواطر ...

بانتظار جديدك...

واعتقد تساؤلك اخويه شمالي غالبا خطأ مطبعي ...

يمكن الكلمه ما همني .. وانكتبت سهوا ما عمني ..

هذا رأيي .. وعالعموم القلق بيوضحها ..

أرق تحيه ~~ بنت دبي ~~

**القلـق** · 08-26-2003, 02:56 PM

شمالي شمالي

يعني لازم التحطيم........ياخي شجعني مايسير

شوف هوه خطأ مطبعي زي ماقالت الغاليه ينت دبي

وترى اذا ما شجعتني راح احذف اي موضوع لك في منتدى الزحف حقي....فاهم

بنت دبي الله يستر عليك........واشكرك على التشجيع الحلوووووو

وانتظروا القادم.........

**عاشق الليل** · 08-26-2003, 07:37 PM

.....يا هلا والله بالغالي القلق.....

.....اخي العزيز.....

.....اتحفتنا بهذه القصيده الرائعة.....

.....قوية الكلمات.....

.....عميقة المعنى.....

.....جميلة المضمون.....

.....مليئة بالحب.....

.....والشعور بالعتاب.....

.....والندم.....

.....اخي القلق.....

.....اعلم انه ليس هناك ما يستحق العذاب في هذه الدنيا.....

.....وانت ما زلت في عز شبابك فلم تضيع شيء.....

.....ما راح راح.....

.....والغد امامك.....

.....سنكون بانتظار جديدك انشاءالله على احر من الجمر.....

.....فلا تحرمنا منه ابداً.....

.....أخوكم عاشق الليل.....

**القلـق** · 08-27-2003, 11:07 AM

هلا بيك عاشق الليل.................

ان كان هذي حكمه الله والقدر انا راضي بطول بعدك والهجر........

تسلم عيوني لك محبيك.........

**رحالــــــــــه** · 08-29-2003, 05:07 PM

ويشهد الله كل شي فيني ذاب

مابقى عندي مثل اول صبـــر..

تسلم اخوي القلق..على هذه الكلمات الرائعه..

وننتظر جديدك.. وموفق باذن الله..

أحترامي وتحياتي

أختك رحالــــــــــه..

**شمالي** · 08-29-2003, 05:23 PM

ههههههههههههههههه

الله يرجك رجا عنيفا مبرحا بقوة حيل وايد يالقلق

من جاب طاري التحطيم؟؟ بالعكس أنا سعيد جدا بمشاركتك وعجبتني كثير ولو ما همتني ما سألتك عن اللي ما فهمته وكان رديت كأي رد عادي فقط للمجامله

تحياتي لك وأشوفك بس تفكر أنك تحذفلي موضوع عشان أرسلك فايروس يلزق في جهازك شهر ما يطلعه من جهازك أعتى الخبراء حتى ولد الخبر ما يطلعه خخخخخخخ

تحياتي لك حبوب :)

**القلـق** · 08-30-2003, 05:06 AM

رحاله

القادم احلا انشاالله

بس

احتاج دعمكم المااادي

اقصد المعنـــــــوي

انته يا شماااااااالي

لن اسامحك

خلاص اعلنت الحرب

الويل لك يا ابن ابي شفلعه .....

وتراني هكر كبييييييييير

انتبه لنفسك

امزح لا تصدق