قصه كتكوت المسكين مع ام منصوووور

مساااء الليل بعد الفجر يا صراقيع

هذي قصه ارويها لكم من ايام الطفوله او بالاصح بداية ايام المراهقه يعني بالعربي ثاني او اول متوسط

يوم كنت صغير كنت شخص محبوب من الحريم الكبار اللي من سن الوالده تقريبا والعجايز على وجه التحديد وذلك نظرا لأني ملكع ومطلع ريحتهم والظاهر الحريم يحبون ذا النوعيه من البزران ,,, كان عندنا وحده من حريم الجيران تقدرني وتموت فيني ومن يوم تدخل البيت عينك ماتشوف الا الفيشار والبساكيت والحلويات وتحطني بحظنها وتبوس فيني وانا صغير مدري وش الطبخه بس الوضع عاجبني يعني من يحصل له حلويات وتبويس وحظن دافي خخخخخـ

<< من يوم هو صغير وهو في شوية عربجه

المهم دارت الايام ( درات الايام ولا دروب الشك ماعلينا ) دارت الايام وعلى ماقالو العيال كبرت وصرت ما اقدر ادخل مثل اول عند الحريم وصارو يتغطون عني وانحرمت من الحنان تهئ تهئ تهئ ( صورة واحد يصيح )

المهم جارتنا ام منصور نقلت عن الحاره وصار لها يمكن ثلاث سنوات ماشفتهاولاشافتني بس الكل منا محتفظ بذكريات حلوه ,,,,

يوم من الايام زارتنا ام منصور وزي العاده تتبيثر مع امي وانواع الحش واسترجاع الذاكره والشذب في خليقة الله
( الشذب = التقطيع والحش بالقصمنجي )

ام منصور مانستني وعلى طول سألت امي !!! وين كتكوتي ؟؟؟؟؟؟
امي بحسن نيه قالت كتكوت بالغرفه يذاكر وماشالله الحين صار رجال وصارو الحريم يتغطون عنه وامي طايره فيني بحكم اني البكر وعلى بالها اني برفع راس العائله خخخخخخخخخخخخخخخخخخخخخخخخخخخخخ
<<< امحق رفعة راس من ورا ذي الاشكال

ام منصور مسكت معها تشوفني وقالت لازم لازم اشوف كتكوت والله ولهانه عليه ودي اشوفه شكله تغير ولا لا :::::: امي طارت عيونها وصار وجهها علامة استفهام وقالت يا ام منصور الرجال كبر الحين ومايصير تشوفينه ام منصور عنيده وراسها وستين سيف الا تشوفني ....... امي بعد هذا الاصرار الكبير رضخت <<< قويه ذي الكلمه ومتعوب عليها رضخت لطلبات ام منصور وقالت لحظه اناديه !!!!!!!!!!!!!!!!!!!!!!!!

جتني امي الغرفه وقالت ياوليدي ياحبيبي من تتوقع يبي يشوفك ؟؟
انا بكل انواع التفاؤل : اتوقع امي نوره ( جدتي )
قالت لا ...... هذي وحده كانت تحبك وتجيبلك حلويات وانت صغير وتلعبك ومن ذا الكلام : انا عرفت انها تقصد ام منصور بس ما ادري ليش طلبت ذا الطلب وهي تدري اني خلاص صرت كبير ومايصير اشوف الحريم ... امي قالت الحرمه ملزمه الا تشوفك .......... وانا وامي نتجاذب اطراف الحديث وامي تسحبني مع الدرج تقول سلم عليها ورح على طول لاتطول معها بالهرج !!!!!!

مامداني احط رجلي على آخر درجه من درج البيت الا لقيت ام منصور واقفه عند الدرج ومير تاخذني بالاحضان وترصني رصه عرفت بعدها ان الله حق ..... طبعا هي تمطخني وتقول ماشالله كبرت ياكتكوت وصرت رجال ياحليلك وقامت تذكرني بايام الطفوله ....... وانا مطلع راسي من ورا كتفها واقول لأمي شوفي لها صرفه يابنت الحلال ....... ام منصور لازالت تمطخ وتبوس وتقول ياحليلك وياحبيلك وانا مفهي ما اقدر اسوي شي لاني استحيت وماتوقعت انها وسيعة وجه وتسوي مثل كذا يعني لو زوجتي مامطختني ذاك التمطيخ ...... ماعلينا نكمل

بكل ما اعطاني الله من قوه سحبت نفسي ( وتملصت ) <<< وربي متعوب عليها
ورحت عنها وانا وجهي يصب عرق ( اكيد يصب عرق يعني بيصب زنجبيل )
خخخخخخخخخخخخخخخخخخخخخخخخخخخخخخخخخخخخخخخخخخخخخ

قلت عن اذنك يا ام منصور انا بروح اذاكر فوق بغرفتي وسلميلي على عيالك ..... قلت لها برررب وطلعت فوق ..... وانا طالع قالت لي تووووت ياروحي
خخخخخخخخخخخخخخخخخخخخخخخخخخخخخخخخخخخخخخخخخخخخ

طلعت ام منصور راعية شات خخخخخخخخخخخخخخخخخخخخخخخخخ

المهم وانا في غمرة المذاكره ( لاحظو غمرة ) مادريت الا الباب ينطق ؟؟؟؟؟؟
ام منصور راسها وستين سيف الا تشوف غرفتي وامي تسحبها تقول مايصير يابنت الحلال وام منصور عنيده وتقول لازم اشوف غرفته واطالع دروسه
امي اصابها اليأس ونزلت تحت وتركتني وحيدا مع ام منصور ؟؟؟؟؟؟؟
انا قمت وفتحت الباب على بالي الخدامه جايبتلي عصير عشان اذاكر بضمير ......مادريت الا جدايل ام منصور تهفهف ورا الباب ...... انا في هذه اللحظه شغلت مخي وقلت الحرمه هذي فيها ريح وبديت اشك في وضعها ........ طبعا لاتلوموني لاني توني بادي في سن المراهقه وشفت شي ماشفته قبل كذا ... ام منصور تبي تدخل وانا ادف الباب من ورا مابيها تدخل بس الكثره تغلب الشجاعه وهي دبيه عن ثلاث حريم وانا لحالي وعصقول .......... دخلت الغرفه وسكرت الباب وجلست وتربعت على سريري ........... انا في هذي اللحظه قلت من قلب ياليل الليل وبعدين معك انتي ؟؟؟؟؟؟؟

ام منصور تضحك هي وسنونها الخضراء ( تأثير الكراث ) وتقول تعال ياوليدي اجلس عندي ..... انا قلت ياولد يابحر ليش ماتصير مثلها وسيع وجه وتخلي عنك الحيا ........ جيت وجلست قدامها وهي متربعه طالعه سيقانها !!!!!!!!!!!!!!!

كتكوت ماصدق خبر قام يقزقز السيقان ويشوف من تحت وهي حست اني بديت اخور قامت سترت روحها .......... جيت انا بكل وقاحه وثقالة دم ومن زود الميانه قلت ارفعي تنورتك زي قبل شوي خخخخخخخخخخخخخخخخخخخخخخخخخ

ام منصور حست اني خربتها ......... وعينكم ماتشوف الا النور

محطتني بمخمس ( مخمس = كف ) دار راسي ثلاث دورات واستقر في مكانه عند الدوره الرابعه وعيني صارت في رقبتي لانها بيني وبينكم عليها يد تقول زبيريه ............... ثانيا قامت تسوي فيني جميع انواع حركات المصارعه بدايةً من سوبلكس خلفي نقزتني فيه من فوق السرير وطحت رأسا على عقب ,,,,,, بعدين طلعت فوق الدولاب وهي تقول ( سنوووووكا الطائر ) وهي مسويه باصابعها حركة سنوكا وطبت علي وكوعها في بطني ,,,,,,,,,, بعدين طفا نور الغرفه تدرون ليش ؟؟؟؟؟؟؟؟؟

دخل اندر تيكر ( الحانوتي ) وهي طبعا منزله الجدايل على وجهها على بال امها الحانوتي ومايخلى الموضوع من الفرش والترفيع

ومادريت الا هي تسوي حركه باصابعها
( عييييب ) <<<< حركة ستيف اوستن

وقامت تشوتني ولعنت الطيب فيني لين عرفت ان الله حق .

ام منصور يوم شافت ان قواي خارت واستسلمت بطحتني ارضا وطبت علي من فوق الماصه ( الطاوله ) وثبتت كتوفي على الارض والجماهير تصفق وهي فاقه خشتها وتحيي الجمهور ........... فجأه دخلت امي وعدت ثلاث عدات وفازت ام منصور وانتصر الحق على الطغيان ومن يومها صرت اذا شفت حرمه اروح للشارع الثاني ...... لان ام منصور لقنتني درس لن انساه ماحييت .





مع حبي الكتكوتي