انحراف كتكوتي

مؤخره ......<<< اللي هذا أوله ينعاف تاليه


معاني الكلمات :

بربتوز = اللي يلبسونه البزارين ويصير علاق من فوق وفيه طقطق من تحت بين الفخوذ .
عسكريم = آيس كريم بس قلتها بالقصمنجي وكتبت الترجمه للإخوه من خارج البلاد .


من هنا نبدأ ::.

مرتن من المرات كنت طالع الدوام وتعرفون انتم اجواء جده
الربيعيه ..... المهم الدنيا حر ومكيف السياره مايوكل عيش ... كنت راكب البيجو وماشي في امان الله على طريق الامير سلطان حفظه الله ورعاه .... وقفت في محطه وفصخت فنيلتي عشان اعصر العرق همن ركبت وفتحت الازارير وعلقت شماغي على الدريشه عشان يحجب ضوء الشمس ( لاحظو يحجب ) وطاقيتي حطيتها جنبي عشان اطفي فيها التتن وحطيت رجل على الطبلون قدام المكيف عشان يدخل الهواء من تحت السروال ويبرد على سيقاني وفخوذي ...... والرجل الثانيه جلست احاول افتح فيها درج السياره عشان ادور شريط !!

جلست اقلب برجلي الاشرطه لين ماطاحت عيني على شريط اسود مكتوب عليه
(( حب اييييييه اللي انت قاي تئول عليه )) طلعت الشريط برجلي طبعا وحطيته بالمسجل برضه برجلي ....... لاتسألوني وين يدينك ( صورة واحد ينغف ) يعني لاتحرجونن .

المهم اشتغل الشريط وكان فيه اغنيه اجنبيه وانا مسوي فاهم وقاعد اطق اصبع واهز واحرك القذله على بالي طربان ..... دقيقتين بس الا وتنقطع الاغنيه ويطلع صوت بزارين !!!!

طولت الصوت عشان اسمع زين واحاول استوعب وش السالفه الا واسمع صوتي وانا صغير ومعي نوره بنت جيراننا !!!!!!!! صكيت الدرايش عشان اركز اكثر واسمع وش كنا نقول انا ونوره بنت الجيران ....... الا طلعت فضايح ناسيها من زمان الله يستر علينا بس .

<<<< معشم بنت الجيران بالزواج من ايام ماكان يلبس حفايظ الحفايظ الله يصلحه

كانت تقول لي بالشريط احبك يا كتكوت لاتخليني ..... وانا خاق وفاتح فمي واطالع في سيقانها

<< الله ابوك بزر سياقنها تقول مساويك وانت تطالع يالمشفوح

تذكرت ايام الطفوله ***** يوم كنت اباشر عليها بسيريلاك باالقمح واوكلها بالملعقه بيدي مسوي اني راعي اتيكيت واذا خلصت امحش خشتها بطرف البربتوز حقي خخخخخخخخخـ

<<< كان يقابلها وهو لابس بربتوز مسوي يغريها

تصدقون ياجماعة الخير كنت احبها لدرجة اني البسها حفايظ واغير لها ملابسها وكنت احيانا اسطح سياراتي الصغار والعابي في بيتهم عشان اقدر اروح اشوفها واختلق ( لاحظو اختلق ) الاعذار وكانت اذا شافتني على طول نحضن بعض ونعيش في جو من الرومنسيه والبراءه ..


-=-=-=-=-=-=-=-=-=-=-=-=-][ فاصل ][-=-=-=-=-=-=-=-=-=-=-=-
التنغيف !! هو نوع من انواع التفكير الفردي ... وهو مفيد وقت الانتظار وخصوصاً عند اشارات المرور ... ومنه تأسس فـن التكوير ....
مع تحيات الهيئه الوطنيه لحماية الحياة الفطريه .
-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-



نرجع لموضوع الشريط <<< ياكثرك بعد ...... في نهاية الشريط سمعت صوت واحد يقول وش عندك مستفرد في بنتي ؟؟؟
واسمع صوت ضرب << انجلد ..... والبنت كانت واقفه بالزاويه وتقول افديك بروحي ياكتكوت ..... تحمّـل .... دايم الحب يصير فيه معوقات وتبدا تتفلسف وابوها للحين يضرب فيني لدرجة انه من قوة الحقد فتح البربتوز من تحت وطلع البلاوي والبنت للحين تحاول تشد من أزري وترفع معنوياتي وانا اطلع راسي من تحت ابط ابوها واقول احبك يانوره ...... وكل ماقلت لها شي انجلد اكثر .... اخر شي قفلت معي وارتفع ضغطي ليش انا انفرش واصيح وهي بالزاويه محد لمس منها شعره ؟؟؟؟؟ قلت لابوها تبي تفكني ولا وربي افضحك انت وبنتك !!! تراي ماسك عليها صور معي في وضع غير لائق لاتخليني باتسر اوزعها على شيبان الحاره واخلي سمعتكم على كل لسان !!!!!

الشايب خاف وحس اني بجيب فيهم العيد هو وبنته ..... لبسني البربتوز وقال خلاص ياكتكوت انت رح بيتكم واستر علينا الله يستر عليك ..... انا بصراحه انتهازي واستغلالي ومايصير افوت هالفرصه !!! قلت اسمع ياوجه الكنغر
<<< قام يمون ......

عطن عسكريم ومستعد اعطيك الصور وماعاد تشوف وجهي بعدها ‍‍‍!!

<<< على باله طلب فديه .... قال عسكريم قال
عطاني العسكريم لانه يبي يستر على بنته وانا اخذت سياراتي والالعاب اللي جبتها وحلاو البقر اللي جبتها لنوره والمصاص ورحت بيتنا وانا حاس بطعم الانتصار !!

ومن يومها نقلو عن الحاره حفاظاً على شرف العائله ..... وفكه من وجهي .... ومن ذاك اليوم ماشفت نوره .

بس اللي قهرني ...... ابي اعرف من اللي سجل الشريط ؟؟؟؟؟؟ ومن له مصلحه في نشر مذكرات شاب طموح مثلي ؟؟؟

ترسل الاجابات على فاكس بقالتنا ::
عناية السيد مختار اكرم << راعي البقاله ....... والفائز راح اعطيه جائزه عباره عن شباصة لنوره ولونها برتقالي مميز يولع بالليل كانت تحطها على فلافلها يوم كنا نتقابل .


مايستفاد من القصه :

(*) لاعمرك تركز مع شريط وانت بالسياره لاني يوم انتهى الشريط هذا لقيت نفسي داخل بسيارة بلديه وفوق راسي قشور طماط .
(*) اذا بغيت تقابل حبيبتك لاتلبس بربتوز وحاول تروح لابس بنطلون فيه حزام قوي عشان مايفصخك الشايب قدام حبيبتك وتتفشل .
(*) اذا سألك احد وقال تعرف كتكوت؟؟؟ على طول قل بصوت عالي (( لا )) حفاظا على سمعتك .

مع حبي و صياعتي الكتكوتيه