اوعى تسمع كلام اللي يقول لك بطل سجاير , ده يبقى واد توتو وما يعرفش فوايد التدخين .!
1- التدخين يظفي عليك مظهر الرجولة
اذا كنت حاس انك عيل و منظرك ما يجيبش راجل ابدا , امسك سيجارة و انفخ في وش الخلق . حيفتكروك راجل على طول !........... " الله يعينهم على ريحة حلجك "
2- التدخين ببطىء و بتركيز يعطي ايحاء بأهميتك و عمق تفكيرك
اذا كانوا الناس مستهيفين شخصيتك و منتش مالي عينهم , ولع سيجارة اسحب كل نفس منها ببطىء جدا وانفخه لفوق بعنطزة , الناس حيفتكروا انك عقلية علمية معملية فذة ! و حيبقى شكلك ولا لاكي لوك في زمانه !
3- تدخين السجاير علاج ممتاز لبطىء التفكير
اذا اتزنقت و ذكائك مش ساعفك , بتصرف سريع , ولع سيجارة ! على ما تولع و تشد و تنفخ , بيكون ربنا فرجها و حتة الدهنة اللي جوة الجمجمة طلعت رد ! و ما حدش يلحق يحس انك موحوس !
4- التدخين يجمع البنات الحلوة حواليك
و يحوطو سريرك كمان ! و يقعدو يتغزلو فيك و يقولو لبعض : يا سلام لو كل العيانين اللي بيدخلو لنا قسم الأمراض الصدرية حلوين كده !
5- التدخين يحافظ على صحتك من الأمراض المعدية
طبعا , ما الدبان نفسه مش حيهوب ناحيتك و حيقرف من ريحة بقك !............... " اففففففففففف"
6- التدخين يحافظ على مظهرك و يحميك من مشاكل الشيخوخة !
ما هو حيموتك بدري قبل ما تلحق تشيب او تصلع !!
7- السيجارة ممكن ان تنقذ مستقبلك
اسرق الخزنة و ارمي السيجارة على الارض قبل ما تخرج , إن الله حليم ستااار !
ملحوظة : استعمل سجاير غير اللي انت متعود عليها , علشان عقب السيجارة ما يجيبش رجلك !
8- التدخين يجعلك شخصا مميزا
طبعا ما هو دونا عن مخاليق ربنا انت الوحيد اللي بتطلع الغازات ..... من بقك !
9- السيجارة تجعل منك رجلا ذو بصمة لا تمحى من ذاكرة الناس
اي حته تدخلها , الناس مش ممكن ينسوا انك شرفتها , و حتى اللي دخلوا بعد خروجك حيعرفوا انك كنت موجود , من الريحة الـ...........!
10- السيجارة تكسبك الإحترام
اول ما تدخل حته الناس تقوم واقفة على حيلها ! و يروحوا جري يفتحوا الشبابيك!
11- التدخين يضفي عليك سيما الوقار و الهدوء
لو انت بتدخن من زمان و حاولت تمشي بسرعة او تجري و تنط السلم زي العيال , حتنهج و نفسك يتكرش و حا تبقى حالتك تصعب على الكافر !
12- السيجارة بتهدي اعصابك لما تكون متغاظ
هي صحيح في حاجات كتير ممكن تهدي الاعصاب زي الينسون او الكركديه , بس شكلك بالسيجارة بيحسس الناس انك فعلا شايط و بتطلع دخان !
13- السيجارة تساعدك على تجاوز المحن و الفرفشة
دايما في الافلام العربية البطل اول ما تحصل له مصيبة, يطلع عالكباريه , السيجارة في ايد و الكاس في ايد و في آخر الفيلم يتجوز الرقاصة !
14- السيجارة تقوم سلوكك و تحميك من الإنزلاق في الرذيلة
ما انت بس لو حاولت تقرب من وحدة حتقرف من ريحة بقك و تهشك فورا !
15- التدخين يحسن علاقتك بزوجتك
انت بتفقد حاسة التذوق تدريجيا , فمش حتاخد بالك من طعم العك اللي مراتك بتطبخة , و توفر على نفسك البهدلة لو تريقت على طبيخها !
16- لو كنتي بنت , السيجارة بتكتر المعجبين بيكي
منظر السيجارة في ايد البنت بيوحي انها بنت مودرن و متحررة و ايزي , فيتلم حواليها كل الشباب اللي بيدوروا على بنت ايزي !
17- السيجارة ممكن تفتح لك باب مكسب كبير
لو استعملتيها مع مبسم طويل و شوية ماكياج بيلمع حا تديلك مظهر المحترفات , و البزنس يفرق معاه كتير الفيرست امبرشن!
.
.
لا تصدقوووووووووووووووووووووووووووون

اتمنى اني ما اكون ثقلت عليكم اعزائي

^^^^^^^^^^ مع تحيات الـ العاشق ــحر ^^^^^^^^^^