حبيبي ليه هاللحظه تجيني

تجيني بعد ما حبيت غيرك
حبيبي ليه هاللحظه تجيني

حسايف توك تغير مسيرك
تجي يوم انطفت شمعت حنيني

صبرت سنين ابي صحوت ظميرك
ولا فكرت فاللي صار فيني

زرعتك ورد واشتقت لعبيرك
خساره مالقيتك في يميني

بكيت من العطش وانا بغديرك
شربت من الظمى دمعات عيني

عشقتك صوت واحياني اثيرك
وضاع الصوت ما بينك وبيني

سقى الله ما مضى وايام خيرك
على قلبك واعرف انك تبيني

اكيد اللي تخيلته عشيرك
نساك وجيت مكسور وحزيني

تحسب انى مثل اول اسيرك
علي تغلط بلحظه تحتويني

تذكر يوم قلبي مثل طيرك
على كيفك ورأيك كل حيني

عطيتك كل ما يملا نظيرك
وعز اللي تمنى من سنيني

تذكرليله القمرى سميرك
تعرف قدرحبك يا ضنيني

عيون الشمس تعرفني سهيرك
بقايا الليل نجمه في جبيني

حبيبي بالعتب ما احب اثيرك
ظلام ما ضيك في قلبي وعيني

أنا بالعكس يزعلني مصيرك
انا جربت جرح العاشقيني

هويت انسان عوضني كثيرك
عطاني كل عمره في يميني

ولو تفرش الى بيتي حريرك
انا مابيع واحد مشتريني