تخيلوا العكس الحرمه تقوم بنفس اعمال الرجال والرجال يقومون بنفس اعمال
الحرمه......علشان تعرفون ان الرجال مقصرين في حق الحرمه..

1)

سعد عمره26سنه خلص دراستة وقاعد ينتظر بنت الحلال اللي تضفه(والله من واحد بيقعد لو
بالوضع كذا...)
سعد تعبان نفسيا كل ماجو ناس يخطبونه لبنتهم وشافته بنتهم راحوا وماعاد رجعوا(وجه
واحد رايح فيه خراييط)...وآخر وحده جتهم ام فهد تبي تخطب سعد لبنتها نوره...نوره
شارطه انها لازم تشوف سعد (الحمدلله على النعمه اللي حنا فيها)...جت نوره وقعدت في
المجلس ودخل عليها سعد ومعه عصير ...وحط العصير عند نوره ....وطلع يركض لغرفته
.....صك باب الغرفه وتسند عليه وخدوده حمر وهو يدعي يارب اعجبها وتأخذني.....وراحت
نوره تشوف غيره...وجلس سعد اسابيع ينتظر رد نوره؟؟؟؟؟......
.................................................. .......................
2)

.....ابو محمد يقوم من الساعه6الصباح....ويسعى في فطور ام محمد واذا زهب الفطور راح
لام محمد يصحيها

...ابو محمد /قومي ياام محمد....قومي يابعد عمري افطري وروحي الدوام

.....وبعد ربع ساعه من التدليع والتخقيق قامت ام محمد

التفت عليها ابو محمد وقال /صباح الخير
ام محمد/ ردت برومنسيتها المعتاده كل يوم اي خير اللي يشوف وجهك يشوف خير زهبت
الفطوروالشاهي...يالدبشه والا لا
....ابو محمد / يرد ويقول نعم ياحبيبتي كل شي زاهب
...ام محمد/ طيب اقلب وجهك عني واجي افطر الحين
ابومحمد/ شوفي ياام محمد هذي وريقه فيها بعض المقاضي للبيت
ام محمد/ هذا اللي انت فالح فيه يالثور
ابو محمد/ الله يسامحتس ياام محمد ويخليتس لي ولعييلتس...وش حنا بدونتس..
ام محمد/ المهم بكره انا عندي مشويرقريب وبوديك عند اهلك يومين
ابومحمد/ وين بتروحين.....(خايف تعرس عليه)
ام محمد/ ابروح لجهنم...هماني اقولك لا تسألني وين ابروح وين بجي...وان عاد سمعت
كلمه وين رايح منك...ترىوالله مايردك الا بيت اهلك...والا والله لاصك لك جار او ضر
اعصر به قلبك...
ابومحمد/ العذر والسموحه طال عمرتس...وش تبين اصلح لتس على الغدا طال عمرتس
ام محمد/ صلح سم........طرقع(لطخت بالباب واطلعت)؟؟؟؟
.................................................. .................................

3)ناصر قاعد في غرفته........ ومنسدح على بطنه يقرا مجله سيدي ولك انت....وفجأه
التليفون تررررررررررررررررررررررررررن

ناصر/الو مين
ساره/هلا ومرحبا بها الصوت....انا ساره
ناصر/عفوا من تبغين
ساره/ابغاك انت
ناصر/قله حيا.......مالتس اخوان تخافين عليهم وعلى سمعتهم بعدين ترضين وحده تكلم
اخوانتس ياقليله الادب
طوط طوط طوط طوط
ترررررررررن تررررررررررن
ساره/اسمع لا تسكر السماعه انا اعرفك واعرف كل شي عنك....وانت بعد تعرفني زين
ناصر/انا مااعرفتس ولا ابغى اعرفتس طوط طوط طوط
تررررررررررررن ترررررررررن
ساره/الو اسمع انت تتذكر رسايلك الي عندي وصورك ايام الثانوي......تراها موجوده لحد
الان عندي محتفظه بها كل هالسنين
ناصر/ارجوتس انا اعرفتس هالحين ارجوتس انا كبرت وعقلت وذيك الحركات كانت ايام
المراهقه.....ارجوتس.رجعي صوري ورسايلي ارجوتس والله لو يدرون خواتي ان يقطعون راسي
ساره/انا بعطيك كل شي بس ابغاك تواعدني في محل اعطيك فيه الصور.....والا والله
لانشرها في كل مكان
ناصر/ارجوتس لاتفضحيني...ارجوتس....وين طيب اواعدتس علشان تعطيني الصور والرسايل
ساره/اسمع انا اعرف ان عندكم زواج الخميس الجاي بتروحون له....سونفسك مريض ولاتروح
معهم وانا اجيب الصور والرسايل لك
ناصر/طيب خلاص الخميس(مكسور الجناح)
وفي يوم الخميس ماراح ناصر مع اهله للزواج تعذر ان هدومه خربها الخياط....وقعدناصر
لوحده في المنزل..........وفي تمام الساعه 10 واذا بجرس الباب
ترررررررررررررررررررررررررررن
وناصربخطوات متثاقله وبصوت يشوبه الخوف من المجهول يرد ويقول/مين
ساره/انا ساره افتح الباب
ناصر/لا استطيع لايوجد بالمنزل سواي...وادخلي الصورورسايل من تحت الباب
ساره/اذا لم تفتح الباب فستندم طول عمرك وبتصير سمعتك على كل لسان هذا اذا ماذبوحك
خواتك
فتح ناصر الباب....ودفعته ساره بقوه.....ودخلت المنزل لتستفرد بهذا الضعيف المسكين
اللذي لاحول له ولاقوه اخذ ناصريرجع للخلفوهو خائف من ساره حتى دخل الي داخل المنزل
هربا منها ولكنها لم تتركه في حاله.......وبعد ان اخذت مبتغاها.....همت
بالخروج......وقال لها ناصر والدموع ملىء عينيه لماذا لماذا انهيت حياتي ماذا تردين
مني ارجوك اخرجي اخرجي ولكن قبل ان تخرجين اعطيني الصور والرسايل
ساره/اي صور واي رسايل........هل جننت حتى اعطيك اياها؟؟؟؟
لقد اصبح ناصر ضحيه استهتاره ايام المراهقه؟؟؟؟؟
.................................................. .....................
4)
الساعه 3من الليل....وابو محمد سهران ماجاه النوم......محمد مريض مرتفعه حرارته
وملتهبه لوزه.........والصغيره حصه جوعانه ولكن ثمها منفر وماتقدر
ترضع.........وابومحمدضام بزرانه لصدره ويصيح معهم مايقدر يسوي لهم
شي.............يوم جت3.15الين الباب تفتح ام محمد توها جايه من الاستراحه
ام محمد/ اسمع انت وجهك ضف بزرانك......ورح نام انت وياهم في الغرفه الثانيه انا
تعبانه وواصله معي...مافزت بالورقه ولا مره....ابغى النوم وماابغى احد يزعجني
ابومحمد/سمي طال عمرتس مالتس الا طيبة الخاطر
وخذا ابومحمد بزرانه رواح للغرفه الثانيه.....وهو يبكي بحرقه على حاله وحال
اطفاله........ووضع الصغيره حصه في حضنه واخذ يهزها عليها لما تنام....وفي يده
منديل مبلل يضعه على راس محمد لخفض الحراره..............ام محمد قبل لاينام اخذ
يتحدث مع ام راشد في التليفون......اسمعي ياام راشد بكره تكفين لا يفوزون
علينا..........واستمرت المكالمه اكثر من 20دقيقه كانت الضحكات تتعالى وكأن المرضى
الموجودين في البيت لا يعنونه بشيء؟؟؟؟؟؟؟
.................................................. .......................
5)

لطيفه توها ماخذة لها واحد اسمه صالح
اليوم يوم الخميس ليله الجمعه الساعه وحده بعد منتصف الليل.........صالح يبغى يتزين
للطيفه قبل ماتجي........لبس سرواله الطويل المشقق.......وفانيلا ام
دلاع.......وعدساته الفسفوريه.......وطفى اللمبات وولع الشمع وقعد على
السرير.....وفجأه سمع صوت الباب.......وفرح وانبسط
وقال/اكيد بتشوفني متزين لها بتنبسط
دخلت لطيفه يوم فتحت غرفه النوم صرخت وقالت اعوذ بالله روعتني انت وهالعيون صاير
كنك قطو؟؟؟؟؟؟؟؟
.................................................. ...............

6)ابوخالد يترجى ام خالد انها توديه لاهله.......يشوف اخوه مصخن......وام خالد
رافضه.......تقول انا تعبانه وماني فاضيه لك .......وفجأه رن التلفيون
تررررررررررررررن ترررررررررررن
ام خالد/الو مين
ام حمد/هلا ام خالدانا شاريه نخلتين خلاص من الحسا وابغى نروح انا وياتس نجيبها
بكره على سيارتس
ام خالد/ابشري والله لو تبين للقمر؟؟؟؟؟؟؟
.................................................. ..........................
7)
ام عبدالله جايه من عمل.....حطت شيلتها على الكنب.....وقعدت تقرا الجريده.......ثم
اصرخت.......ابو عبدالله......ابوعبدالله......ابو عبدالله وينك فوجع يوجع بطنك
وراك ماترد علي
ابوعبدالله/هلا ام عبدالله كنت في الحمام افرك ركيباتي ........مادريت انتس جيتي
ام عبدالله/وش تفرك يارامي عياش
ابوعبدالله / الله يكرمتس ياام عبدالله تقارنيني بذولي الي مايخافون الله
ام عبدالله/ اقول احمد ربك بس انهم مانعين الزواج من الخارج؟؟؟؟؟
.................................................. .................



الحرمه كرمها الاسلام لكن متى نكرمها نحن

المهم يوصل المضمون...





منقوووووووووووووووووووول



مع حبي.................

شموووووووووووووسه..........