اكتب الشاعر واللي بعدك يكتب قصيده له !!

غروك وغيروك · 07-01-2009, 09:27 AM

خلونا نبتعد شوي عن المجال اللي نحن فيه

نجيب شعر وتقرونه وبعدين تكتبون ردودكم ونحن نرد عليها

طيب وبعدين ؟؟

اليوم جا يب لكم موضوع

للمهتمين با الشعر والقصيد وهو

عبارة عن عضو يكتب اسم شاعر واللي بعده يكتب مقطع من قصيدة له

راح ابدا انا

الشاعر \ احمد الصانع

**ضاميه** · 07-01-2009, 08:35 PM

من اجمل ماقرات للمبدع احمد الصانع

هذه الايام

-

*

/

لعبهـ جديدهــ

جديدهـ [ لعبتك ] هذي ..
رجُوعك , ليه أبي أفهم ؟!
ترى ما جيت فـي وقتِك / أنا مُو حاسِب حسابك

نسيتك أو تناسيتك .. ( دخيل اللـه ) لا تهتم
وأبشرك .. وجه أحزاني ضحك لي , وإنقفل بابك

وبسيطه جات مِن صالح حياتي .. طعنتك , للعلم
قريتـك وإستفد قلبي مِـن المضمون .. بكتابك

تَعَلَّم قلبي مِنْ إيدك علـى كِـل ما مضى [ يندم ]
زرعتِك شُوق .. أتحرى حضورك , وأثمر غيابك

تِحَمَّلتِك / ولكنـه .. جُبرنـي الجـرح : أتكلم
خيانـه شِفتهـا مِنِّك .. عِطِـرهَا , تارس ثيابك

[ بنيتِك ] حُب في قلبي وإنتَ .. حضرتِك .. تهدم
كرهتِك حيـل صدقنـي .. وكِل هـذا مِن أسبابك

تقول : آسف ..؟! يا خلف الله !!
بقى بـ ( وجه ) التسامح / دم ...؟
أسامح كِل شي إلا الخيانــه , ونشوة إعجابك

أنا .. يا لِكْ أجـي واحد يساوي في عيونك كم
وإلا ما أجـي عنـدك وأغيِّـر , ناتِج أحبابك

تجيني .. والندم واضح ولا أقدر أقولك : سم
لأن الجرح من شافك تضايق قال : وش جابك

وإذا تحسبني برجـع لِك .. بلاش تفكِّر وتحلم
لأنـي مُـو مثـل أوَّل أحقق , رغبـة أهدابك

قديمه لعبتك هذي .. وكفايـه .. ما أبي أفهم
[ رجاءاً ] ..
إبتعِد عنَّي أنا مُـو ناقص ألعابك

.
.
~

والقصيدة المطلوبه

للشاعر

محمد ابن فطيس المري

**لزيزا** · 07-01-2009, 10:17 PM

سولفوا تكفون لا عاد تسكتون ..
. . قبل لا أهوجس وياتيني بلاي

السكات يزود طعوني طعون ..
.. وتنكسر لا جا على راسي عصاي

سولفوا لو ما بغيتوا اتسولفون ..
.. قبل لا اقعد في الحزن رايح .. وجاي

واضحكوا لو بالعماله تضحكون ..
.. وجاملوني لو يضايقكم حكاي

لي وليفٍ راح جعله ما يهون ..
.. هو دواي وداي .. أو داي ودواي

راح لكن طيف زوله في العيون ..
. . مرةٍ قدامي ومرة وراي

وإن سكتوا جا وهو طيفه يمون ..
. . رحت أهوجس له وأبين له ولاي

مكسب عيوني من الفرقا مزووون ..
. . تمطر لطاريه .. والبرق ؟ أصدقاي

كل ما طروه لو هم يمزحون ..
.. احرموني من غداي ومن عشاي

أدري إنه ما تناسى الود كون ..
.. تسمع إذنه في قفاي اللسن عداي

وكانهم قالوا نسيته يكذبون ..
. . وإلا أنا فيه أمتلك نظرة وراي

كان حبه لي على خبري مصون ..
. . والله ان كني بقدري .. وبغلاي

ذي بقايا الحب وأطلال الجنون ..
. . والله أعلم في ضميره وش بقاي

غير طيعوني ولا عاد تسكتون ..
. . ولا والله إن أسمعكم بكاااي

مره احب هالقصيده احسها من جد من قلب

اللي بعدي

الشاعر المبدع حامد زيد

غروك وغيروك · 07-02-2009, 02:03 AM

الحلم :

بـوقـت مــن الـبطا،وبليل تـترقص شـياطينه"
"بـعد شـفت الـضيا يـنزع مـن ثياب المسا ثلثين
تـحـايلت الـمـنام الـلي مـثل بـيتك تـمرينه "
"وانـا الـلي مـن تـفارقنا وأنـا ماغمضت لي عين
غـريـبة!!كل حـلـم يـمـر بـرقادي تـزورينه"
"والاغـرب..كيف أحـلم الحلم،وارجع واحلمه بعدين؟
قـبـل يـومين،شفتك بـالمنام..وقمت مـن حـينه!"
"ونـمت أمـس،ورجع نـفس الـمنام اللي قبل يومين
أنـا الـلي قـبل اسـافر شـلت قـلبي من شرايينه"
"تـركـته فــي يــدك الأمـانه،واحفظيها زيـن
تــرى حـفـظ الأمـانه ديـن..مجبورة تـردينه"
" أجـل ، مـافيه أحـد قال لك((حفظ الأمانة دين))؟!
مــرد الـمـقفي بـيـلفي..ويستوفي ،وتـوفـينه"
"بـعـدلـيـلـه،ثـلاثـه،أربعه،عشره،شهر،شهرين
إذا انـتـي ،مـاانتي بـقد الـكلام الـلي تـقولينه"
"حـرام...استامنك حـاجة،وإذا جـيت اطلبك تنسين
تـخونين،وتبين أرضـى!..واحد يـرضى تخونينه!"
"أنـا لاجـيت أخـونك،مع حبيبة ثانيه،((ترضين))!
مـن أول مـارجعت مـن الـسفر ماشفت لك بينه؟"
"وأنا اللي كنت أحسبك قبل ادوس ارض المطار..تجين
تـكونين أنـتي أول شـخص عـيني تحتضن عينه"
"وكـنت أتـخيلك مـن زود فـرحة رجـعتي..تبكين
وأشـوف بـدمعتك حـكيك..وأعرفه قـبل تـحكينه"
"واجـيب أحـلى مـن الـلي بتحكينه،وأتركك تحكين
تـقـولـيـن:الوطن نـور..وأقـول:بـنورمضوينه"
"تـقولي لـي:غديت أحـلى،وأقول:عيونك الـحلوين
كـــلام نــام بـشـفاهك..وخفتي لاتـصـحينه"
"ذخـرتـيه لـغـرام لـلي يـنام...ويترك تـصحين
تـغـانمتي غـيـابي..لين رجـحـتي مـوازيـنه"
"تـعلم مـن يـدك لـمس الـكفوف وعـلمك تجفين
ولـيـتك لاقـيـه بــه شـي...فيني مـاتلاقينه!"
"مـهو بـغرور..لكن خـابرك مـالك أمـل تـلقين
تـغـافلك بـغلا..والإ الـحلا مـهو بـمن زيـنه!!"
"تزينه الصور ..بس الصحيح ابن الحلال((زوين))!!
وأنــا مـاني بـنقاص عـنه يـوم أنـك تـبدينه"
"نـصيبي..هو نـصيبي لـو يـسددها من الصوبين
قـنـوع بـمـظهري،والسم مـايـذبح ثـعـابينه "
"عـلى قـول الـمثل((ماني حلو..لكني ماني شين))!
إذا أهــداك الـزهر مـره،فأنا اهـديتك بـساتينه"
" وإذا ألـهاك بـفرح لـيله، فـانا تـهت لبكاك سنين
وإذا اسـتـضعفتك أمـلاكـه...وشتتك مـلايـينه "
" أنـا حـتى فـتات الـخبزة أقـسمها مـعك نصين
طـموحي ،بـس أجـي وأظـفر بـشي تـستحقينه"
"تـديـنـتـه،تـسلفته،سرقته،مومهم مــنــيـن؟
كـأني مـن كـثر مـاارضى بـكل الـلي تـمنينه "
" لـو انـك تـطلبين الله ..يـعنيني، بـقول آمـين
أنـا مـاالعب عـلى الـحبلين،وقت الطيش وسنينه"
"تـبين الـحين يـوم أني كبرت العب على الحبلين؟!
تـرى عـند الـبدو بـالذات((عيب اللي تسوينه))!!"
"حـلاتـك لاعـشـقتي..تعشقيني لـيـوم الـديـن
غـرامٍ نـسكن ضـلوعه...حشيمه مـن مـجانينه "
"جـفـا،يجمع مـعـزتنا...ولاعشق يــذل أثـنين
كـثـار الـلـي تـحـدوني وقـالـولي :تـحبينه"
"امـانـه..لاتخليني صـغـير بـعينهم ((تـكفين))!!
لانـــي كــل مـاقـالوا((تخون))..اقول:مسكينه"
"عـلـيك الله وأمـانـه..علميهم مـنـهو الـمسكين
أنــا خـايف((لياطاح الـجمل تـكثر سـكاكينه))"
"وأنـا مـاعاد بـضلوعي مـكان لـطعنة الـسكين
مـثل مـاقالوا(المكتوب واضـح مـن عـناوينه))"
"لـو ارحـل مـنك للغربه..بسافر من ظلامك وين؟!
كـفـايه..كل حـلـم يـمـر بـرقـادي تـزورينه"
"كـفاية...من تـفارقنا..وأنا مـاغمضت لـي عـين
قـبل يـومين شـفتك بـالمنام وقـمت مـن حـينه"
"ونـمت أمـس،ورجع نـفس الـمنام اللي قبل يومين

اختار الشاعر فهد الشهراني

دمتو بود ..!!!

ضئ القمر · 07-02-2009, 03:54 PM

عمر المحبـه ماتجافـي الحبايـب
بس الحبايـب للمحبـه يجافـون

وعمر الهجر ماكان وصل القرايب
واهل القطيعه بالمعيبات يطـرون

أبشتكي همٍ عـن النـاس غايـب
وأقول فزّوا ياهل العـون بالعـون

إن كان حبي له يجي بالمصايـب
بلاااااااش من حبه على مايقولون

((صدّيت خوفي لا تزيد النشايـب
وأخذت في جنبي وأنا كلي طعون))

مااضّرني برد الشتـاء ياهبايـب
الصيف في قلبي من العام مسجون

ماشفت قلبي بين الاضلاع ذاايـب
لأني احـس وغيرنـا مايحسـون

ودموع عيني كنها دمـوع تاايـب
تذرف دموعه كل ما جو يصلوون

ماني بشايب لكن الـراس شايـب
شايب من الي شفت ولي يسوون

أعطيتهم عمري وروحي وهايـب
وأشوفهم مع مر الايـام يقسـون

ناديتهـم يانـاس مانـي بطايـب
ردوا علي يانااس تكفون تكفـون

حثوا على الدرب الطويل الركايب
ولا التفت واحد من الـي يقفـون

لكن عرفنا في الاخيـر السبايـب
عطيتهم من فـووق مايستحقـون

الكفو يبقـى والزلايـب زلايـب
يالله عساهم من حيااتـي يولـون

أختار الشاعر
محمد جار الله السهلي

مع آرق التحايا

**ضاميه** · 07-03-2009, 01:04 PM

كــــــــــــــــلي ضمـــــــــــــــا

بـيــنــي وبــيـــن الـشــقــا ســـــلام رديّـــــه
........... يـفـتـل جـروحــي وانـــا انقـضـهـا بـمـوالـي
عـيّـدبــي الــهــم واثــــر الــدمـــع عـيــديّــه
........... ولانــــي بــذاخـــره دام عـيــونــي عـيــالــي
يـــا عـيــن هـلّــي دمـوعــك كـــل عـصـريّـه
........... وان لمتـك فيـوم قولـي : ( مـالـك ومـالـي )
مـحـتــاج طــــاروق لــــه مـعـنــى وقـافـيّــه
........... واستـبـشـري خـيــر ! والـشـعـر يتـهـيّـالـي
الـقــدح مــــن فــكــري وفــالــراس جـنـيّــه
........... وان حضّـرت بـي كتبـت العـالـي .. العـالـي
مــا شلتـهـا عـرضـه ! ولا هــي هجينـيّـه !
........... غـنّـيـتـهـا مـــــدري الـــطـــاروق غــنّــالــي
بـــس الــوكــاد إنــهــا : قــصّــه غـرامـيّــه
........... ابـطـالـهــا هـــمـــي وغـــمـــي وغــربــالــي
وان قـالــوا الـنــاس : ذا طـبــع الـهـواويّـه
........... قلـت : اسـتـوى عـنـدي التـريـاق والحـالـي
الـعـشــق بــلــوى ونـفـســي فــيــه مـبـلـيّـه
........... خـلـونـي اكـتــب وافـضـفــض لا تـفـضـالـي
الـمـسـألـه أكــبــر مــــن احــــلام ورديّـــــه
........... الـحــزن لا مـــن لـفــا جـيـتـه عـلــى فـالــي
حـزنـي واعـرفـه واعــرف ابـسـط مـواريّـه
........... ولانـي لحالـي كثـيـر الـلـي عــرف حـالـي !
يـــا وجـــد حـالــي وجـــود الـلــي هـقـاويّـه
........... خـانـتـه بـاغـلـى رفـيــق ولا لــقــى والــــي
ويـاوجــد حـالــي وجــــود الــلــي بـنـاخـيّـه
........... عـن عسـر حالـه وضيقـه دالــه وسـالـي !!
فــــي غـيـبــة الــلــي تــمـــادى بـالانـانـيّــه
........... وخـلانــي بـوجــه حـزنــي واقـــف لـحـالــي
يــا مـوّســع الـضـيـق لامـــن مـــر طـاريّــه
........... كـن الوسيعـه تضيـق ان مـر فــي بـالـي !!
ويــن انـــت ؟ يـالـلـي غـيـابـك مـثــر ٍ فـيّــه
........... غايب !! واحسك معي !! واشوفك قبالي !!

طـيـفــك لــيــا مــــر حــاجــه لا إراديّـــــه !
........... اتـبـع سـرابـه واجـيــه اسـابــق ظـلالــي ..
يـالـلـي مـــن حـروفــك تـغــار الرومنـسـيّـه
........... والله قـبــل لا افــقــدك فــاقــدك جــوّالــي !!

في ( بحّتك ) شي ؟! يشبه حـزن مرثيّـه !!
........... ومن غاب صوتك وانـا اللـي صـدق يرثالـي
وعـيــونــك الــســـود إعــجـــاز وخـيـالــيّــه
........... نــادر شبـهـهـا مـثــل مـــا تـنــدر خـصـالـي
ونـظـرتـك تــهــدم كـيـانــي بــكــل عـفـويّــه
........... سلـهـم وشــف كـيـف يـبـدى فــي ّ زلـزالـي
وعــودك لـيــا مـــال يـــا الـمـتـرف بحـنـيّـه
........... قـمــت اتـعــزوى واطـــوّح لـجـلـه عـقـالــي
وقـلـبــي عــلــى ظـمّـتــك يـسـابــق يــديّـــه
........... ويـردنــي طـيــب ابـــوي ومـرجـلـة خـالــي
تــكــفــون يــالــلــي تــمــرونــه عــلانــيّـــه
........... قولـوا لـه : المـوت لامــن غــاب يبـرالـي !
وقولـوا لـه : ان غيبـتـه مــا هـيـب عـاديّـه
........... وخـلـوه يـرجــع يـشــوف بعـيـنـه احـوالــي
وقـولـوا لــه : انــه ذبحـنـي لعـنـبـوا حـيّــه
........... مـا يرحـم الشـوق غـالـي ينتـظـر غـالـي !!
وقـولـوا لـــه : ان صـــد والـصــده نهـائـيّـه
........... اشـوالـي آصــد !! لا والله وش اشـولـي !!
حـيــل الله اقـــوى عـسـاهـا روحـــه بـجـيّـه
........... وعـســاه مـــا يـبـطـي ويـرجــع ويـسـعـالـي
وقـولـوا لــه : الله حسيـبـه كــان لــه نـيّــه
........... مـا عـاد يـرجـع لــي وقـولـوا لــه التـالـي :

حـرام كـلّـي ( ضمـا ) وايـديـه ( وسمـيّـه )
........... وحرام ( مالـي أمـل ) مدامـه ( آمالـي ) !!

ومطلوب قصيدة للشاعر :

طـــــــــــــــــــلال الرشيد

**دللللع** · 07-06-2009, 11:39 PM

ماقلت أحــــبك ولا قد قلت ما أحبـــــك
أحـــــــب مالي عــــيوني وانت تسواها

لو تــــدري شكثر تعني لي تعرف انـــك
آخر أمــل في حياتــــــي وأول مناهـــا

ياكثــــر أحــــس ان بك مني وبي منك
روحٍ قسمـــــــها على شخصين مولاها

لا تقول شتحــــب فيني أعشقـك كلك
من ليل شعرك لشمسك لآخر أقصاها

سميتني نصفك الثــــاني ويا شحـــك
انا بسميـــــــــك كلي وانت معناهــــا

تعبـــــت أوديك له ياقلــــــــــب ويردك
لا خــــــذا حلومي ولا خلاني أنساها

كـــــــل الحمام استراح وناح في ظلك
والــــورد الأصفر سقته الروح من ماها

ليتك بعمـــــري ثلاث أشخاص ما ملّك
واحد معي دوم وواحد روحــي يملاها

والثالث بجفن عيني لافقد حســـــــك
أو غمض الجفن جاني فيك يتبــــاهى

مو بس أحبـــــــك أنا والله من حبــــك
أحــب حتى ثـــرى الأرض اللي تاطاها

أختار الشاعر .. الامير //بدر بن عبد المحسن

يعطيك العافيه غروك وغيروك فكره جميله :)

ضئ القمر · 07-07-2009, 11:43 AM

((اغفر لي الزله ))

أبيك في كلمةٍ لو هي خطا تغفـر لي الزله
وردتك ظاميٍ وان عز وصـلك بااقطع حبالي

أحبك ذا ترى أول كلامي .. وآخره كله
ولكن وش يضر اليـوم لو تدري عن احوالي

وخذ ما جـاز لك من هالحكـي واللي تبي خلـه
انا لا قلت ما في خاطري والله ما بالي

ظلال العاشق جروحه ومن ما يتبعه ظله
أمانة يا شعاع الشمس لا تغضب من ظلالي

وتقـدر تطـوي الدرب البعيد وتقـدر تفـّله
ولكن صعب تمنع في الهـوى صبري وترحالي

وتقـدر تغمد السيـف الرهيف وتقـدر تسلّه
ولكن عـند خلاّق البرية علم الأجالي

متى عمرك سمعت بعاشق قد مات من غلّه
هذاك الحاسد وراعي الهوى تتلفه الأمالي

حبيبي من يعـزك في الهوى ما تقدر تذله
ترى قربك يزيدك بالغلا وان عفتني غالي

مطلوب قصيدهـ

للشاعر سعد علوش

*ملك القلوب* · 07-16-2009, 03:16 AM

يعطيك العافيه ..

**ضاميه** · 07-31-2009, 08:16 AM

رسوب الأغبياء

أن كنت أنا أخطي شي طبيعي لان أنا مانـي نبـي
محدن عصمه الله من الاخطـاء .. كـون الانبيـا

فعلا أنا أخطي بس ضـوّي ماتشـب الاّ iiأحطبـي
أطمح ولولا الليل .. محدن شـاف فايـدة الضيـا

أمشي ولو أموت وأنا أمشـي .. ولاكـن ماحبـي
ولا أعشق الصوره . ولا الكربون . ولا أعشق غيا

كل ماتعثّر ؟ قلت في نفسـي وأنـا أمـس iiشنبـي
ياكـم علـى الدنيـا فقيـر .. ويحسدونـه iiأثريـا

أبغا أتوحّد وأنت أخذ مزهبـك وأتـرك iiمزهبـي
كنّا أخويا ومن بعـد مازلّليـت ؟ ماحـن iiبخويـا

أبعصم رجيلـي عـن دروب السخافـه iiياصبـي
لانّي حياوي والدروب السود .. مافيهـا .. iiحيـا

تعـال وادعنـي وداع الارض للـحـر iiالابــي
أنا بعللّـي .. وأن دعيتـك ؟ فالعفـو ... iiللأنقيـا

ماني منادي بسمك . اللّـي .. ماتسمـوااه iiأجنبـي
فن قلتلك .. يا ؟ .. أعرف أنّي حاشمك لاقلت ii..يا

يـا؟؟.. والله وبـالله وبعـد الله وبـي iiوبسبـبـي
صارت شياطين الحروف المستهيمـه ..؟ . iiأتقيـا

فن شفتني متعب هجوسي في رسم راس iiالضبـي؟
ماهو علاشان أكسب أعجابات .. ريمان .. iiوهيـا

لالا . أنـا مخلـوق مبـدع . مايحـب iiومايبـي
ألاّ يقول ؟ أن الاذكيا؟ سبّـة . رسـوب iiالاغبيـا

من الذكاء؟ أنّـك تسـويّ نفسـك أحيانـن iiغبـي
بس الغباء؟ أنّك تذيكالـك .. علـى نـاس iiأذكيـا

والقصيدة المطلوبه لشاعر الثقلين

ناصر الفراعنه