والله وحبوبتي صارت التنكلوجيا عندها شي خورافي واقسام تغيرت وناس للحين موجودين وناس راحو بسم الله عليهم

حتى الابتسامات صارت اكبر ماشاء الله ,,

اليوم منيب جايب نومينيه او لومينيه :d وماراح اجيب طاري كتكوت او ولد الخبر او حساس يعني للحين تونا ماسوينا سترتشنق لعضلات المخ تخبرون الواحد في كثير من الاحيان يجي له مغص براسه يوم يشوف الدنيا متغيره عليه للأحسن طبعا

وصار فيه ملاحضات كثير ايام كتابة الموضوع وقوانين المد والجز للكتابه وهندسه في شلون تحط الفاصله عشان محرك البحث يعني كلام كبير كبير :D


عموما موب موضوعنا هذا :d


اليوم جاي اقولكم عن كم سالفه صغيره هل اليومين منتشره بطريقه عجيبه وربي

يقولي واحد من الشباب (واعرفوا انها كذبه من الحين ) يعني مثل ابو عبدالله كتكوت يوم يقولي في واحد قالي على الشي هذا يعني الدعوه رايحه بس ماعلينا

ان شرب المويه يجيب قولون وشرب الببسي يجيب العقم واكل الخضار هذا يعني جرم لانه يسبب دودة في المعده واكل اللحوم هذا يجيب نقرص ولا عمرك تفكر تاكل الاسماك تراها متلوثه بالبترول .. ولاعمرك تجيب طاري انك تاكل من مطاعم الفاست فود لانها اسرائليه وفاتحه عندنا بالسعوديه والرز ترى اعصار تسونامي سبب له تلوث

ويوم تفكر فيها شوي .. تشوف ان كل شي صار مضر اجل وش ناكل ولجل عيون القوانين ابقول اشرب بحر (مع انه ملوث)


ويجيك ثاني يوم تقول خلاص الدنيا الحين صارت احسن :d تقرأ في الايميل ان الادوية اللي انت تاخذ فيها من عرفت الدنيا تجيب السرطان وتجيب العقم فوقتها انت تروح تكشف عن السرطان اما العقم شف لك حل بصراحه ما افتيك الحين انا


وتروح هل الموضه وترجع لنا موضه العن .. وتحس ان اللي كاتبها محشش اصيل اقرأ هل الدعاء خمسين مره وبيجيك رزق عظيم ! ابو الشباب حط نفسه في خانة ماسك ارزاق العالم ولا يجيك حديث طويل الكل يعرف انه مكذوب عن النبي ويقولك الشيطان جا للنبي وقاله ان الله ارسلني لك والعالم تصدق وتقول وترسل والرسول يقول من كذب علي كذبه فاليتبوء مقعده من النار



والعالم للحين عقولها في الرز واللحم والكبسات اللي تتسوى في البيت اللي نقول ملوثه طبعا