شلة خربطات ومعلومات لحلاوتكم 1

**لزيزا** · 06-06-2009, 02:08 AM

السلام عليكم ورحمة الله وبركاته

اول شي مساكم صباحكم ورد يا حلوويييين

اخباركم و اخبار العيله الكريمه << بتقلبها شات و حيطردوها برا

المهم الموضوع يا سوكرات انه اكيد احنا البنات حالتنا صعبه

كل شوي ندور احسن كريم و احسن مرهم و احسن دكتور جلديه و الخرابيط دي كلها من جد حذث ولا حرج ولا عمركم حتنتهو :(

فالمهم قررت اقولكم كل تجرباااتي الخاصه عن الاشياء اللي فعلا الكل وحده تدور عليها << اوخص ياشيخه طلعتي كريمه P:

المهم احم احم نبدأ

[[ أقنعه للوجه ]]

يعني بدال تروحو تدفعو مبالغ و قدرها لماسكات حالتها صعبه و ما تدري تشتغل او لا او ان نفعت يوم تتركيها يرجع كل شي و كأنك يا زيد ما غزيت

فالقناع الأول بس دا استخدميه وانتي فعلا معاكي وقت من جد حتلاحظي جلدك مرره انظف

ما تحتاجي الا :

1 ملعقه كركم جسم << ياويلو اللي يحط كركم طبيخ بإذن الله بيصير اصفر و هوليدوود بتجيبها تمثل دور الوحوش

1 ملعقه فازلين << من جد ترى لا تخافو محيصير لصقه

2 او 3 ملاعق زيت زيتون << دا عشان يفك لزوجة الفازلين ان حسيتي انه لسه مره ملصق زي الفازلين ضيفي الملعقه ال3 اما غير كدا ماله داعي

وبس خلووه على وجوهكم الحلوه اقل شي ساعه و اكثر شي 4 ساعات و نصيحه لمن تحطوه مره لا تقربوا من منطقة العيون عشان لا يسيح على عيونكم

القناع التاني ومرره حينفع اللي وجهها فيه حبوب

تجيب 6 حبات اسبرين كبار العادي لا تجيبو ابو ليمون<< ايوا لا تصير عيونكم كدا ترى من جد اتكلم لانه فيه ماده تعالج الاتهابات بس اللي عندها حساسيه منه يا ويلها تجربه ساعتها من جد يبغالها كف

و 4 ملاعق مويه

و شوية عسل << بس الشي دا مو لازم بس انه زي منتو عارفين العسل مضاد للإلتهابات

المهم تدوبوا الاسبرين في المويه بيصير كأنه محلول لزج و تحطوا عليه العسل و ان ما تبغو مو لازم

و تتركيه على الوجه والرقبه واي منطقه فيها حبوب لمدة ربع ساعه

دا القناع لا تستخدميه اكثر من مرتين الاسبوع عشان البشره لا تتعود عليه و بعدين يصير ماله فايده

للعندها علامات يعني باقيه حبوب تحط عليها فيتامين e بس قولوا للصيدلي انكم تبغوه سائل مو حبوب وتحطه على العلامه قبل تنام عشان يقعد مده طويله و الصبح تغسل

ولمن تجو خارجين الشمس حطو عليه واقي الشمس عشان المنطقه

لا تغمق زياده و بكدا يوم تتعالج المنطقه طبقة الميلانين تكون محميه

القناع الثالث و مره جيد لكل انواع البشرات بالذات للبشره الدهنيه بالأخص وللعندهم حساسيات واكيد اغلبكم عارفينه

1 ملعقه نشا

2 ملعقه موية ورد

وبس خلوه ينشف و بعدين اغسلوه

ملاحظات مهمه:

1. للبنات اللي يطبخوا قبل تطبخي افركي ليمون على وجهك وبكدا وجهك ما يتعب مع حرارة الطبيخ.

2. لمن تغسلوا وجهكم دائما اغسلوه بمويه بارده لانه بشرة الوجه جدا حساسه

3. لا تستخدموا صوابين معطره عن نفسي افضل صابون الغار او صابون الكبريت ( اول ما تستخدميه بتحسي بحراره بوجهك دا شي طبيعي لانه قوي اللي بشرتها حساسه لا تستخدمه و يفضل يستخدموه اللي بشرتهم دهنيه او فيها حبوب او صابون الكركم (لون الصابونه حمرا و ريحتها حلوه)

4. غسلو وجهكم مرتين في اليوم اول ما تصحي و قبل تنامي و دائمأ امسحيه بشي ناعم وبعدين حطي على قطن موية ورد وامسحيبها وجهك وبالأخص بعد الماسكات.

5. لكل البنات اللي يستخدموا الخل ... ترى نصيحه بطلوا لانه بعد مده بشرتكم بتتعب و تسمر لانه الخل
ماده حمضيه قويه وزي ما قلنا الوجه بشرته جدا حساسه.

6. لمن تستحمي بالصابونه اللي مو معطره وبليفه بس مو الخشنه تكون ناعمه او من الداخل عادة تكون انعم و يصير افركي وجهك بحركه دائريه و من تحت لفوق

[[ العطور ]]

اكيد كل وحده بحكم انها بنت تبغى ريحتها ولا احلى ودائما تكون منعشه

فدي نصائح جدا عمليه و مره مفيده

1. دائما اشتري مجموعه كامله الاساسيات ( شاور جيل - صابون - مزيل ريحه - البتر كريم - بودي سبري - و اللب بالم lip palm) و اكيد كل وحده و ايش تحب ريحه و ماركه بس عن نفسي جدا افضل بودي شوب

2 . بعد الاستحمام دائما احرصي انك تستخدمي الكريم و البودي سبري و جسمك يكون مندي يعني ما تكوني مبلوله وما تكوني ناشفه عشان تمسك الريحه فجلدك.

3 . بنسبه لعطوراتك مرره اكيد شي مزعج انه يبغالك كل شويه ترشي عطر فالحل يا حلوين انكم اول ما تشتروا العطر لا تفتحوه مره الشي دا مهم انكم ما ترشو منه او حتى تفكوا الغطى و دخليه
الفريزر لمدة 3 ايام و بعدين حطيه في مكان ظلمه مرررره و ما تدخله اي نوع اضاءه و لمدة 3 ايام و بعدين خلاص استخدميه من جد ريحته بتصير اقوى و يقعد << المشكله لو كنتي عجوليه و مافيكي تستني

4 . اكيد شعرك احلى مافيه ريحته وشي طبيعي ما تقدري ترشي العطر عليه لانه يضعف الشعره و تبيض فياحلوين رشوا العطر على الفرشه واحسن شي الفرشه اللي تكون مبطنه عشان يمسك ريحة العطر واستنوا 3 ثواني قبل تمشطوا و غير كدا لمن تخرجي من الاستحمام وشعرك شوي مبلول حطي شوي من العطر في يدك و افركي يدينك في بعض بس لا تخلي العطر ينشف وامسحي يدينك على شعرك واهم شي اكيد لا تحطي في مقدمة الشعر ركزي على اطراف الشعر.

5 . لمن ترشي العطر ركزي على المناطق الحرايه بجسمك يعني تحت الأذن مو الرقبه لانه على الرقبه لا قدر الله ممكن يسبب سرطان ، عند المفاصل واهمها اللي بين الذراع والساعد و مفصل الكف ، و باطن الكف

[[ خلاص الباقي ان شاء الله الحصه الجايه <<< مدرسه على قولة غروك ههههههه:D ]]

كتكوت مكتكت · 06-06-2009, 07:01 PM

يسلموووووو لزيزا خانوو على هيك معلوومات

ممكن تستفيد منها نواااعم محبوبتي

لا حرمنى من جديدك ياعسل

واصلي ولا تتكاسلي

وفي انتظار درسك القادم

مع حبي الكتكوتي

أم بنــدر · 06-06-2009, 10:40 PM

حياك الله غاليتي...

صراحة موضوع مرررررة مهم وراائع...

ابدعتي فيه...

بالنسبة لي احب ماسك الزبادي مرررة كويس ومرتاحة عليه الحمدلله..

بس عجبتني فكرة الي تحب الطبيخ صراحة دائماً بأطبخ واحس وجهي يتأثر من حرارة الفرن خاصة..

يعطيك العاافية ياعسل..وخمس نجمات لعيونك...

ننتظر جديدك..

ضئ القمر · 06-06-2009, 10:50 PM

الف الف شكر أختي
ما قصرتي

ننتظر جديدك
تحياااتي