المشاركة الأصلية كتبت بواسطة ضاميه واعليه علييك تكسر الخاطر المقادير : 3 اكواب من الارز (يفضل رز ابوكاس ) او حسب الرغبه بصل , دارسين . ليمون اسود , طماطم , معجون صلصه , بهارات مشكله , صفار اللحم , ملح , زيت ,ماجي لحم خروف (ضليعات ) او دجاج مبرد , الطريقه : نبدأ بعمل الكشنه ,, وهي تحمير البصل والطماطم على الزيت, ثم نملا نصف القدر بالماء المغلي ... ونحط فيه الصلصه .. ومن ثم نضع اللحم ... نترك اللحم يستوي لمده لاتتجاوز الساعه , ومن ثم نأخذ ماء اللحمه في قدر اخر ,, حيث نسكب الرز ,, بشرط يكون الماء مغطي الرز ولا ننسى نقصر على القدر اللي فيه اللحمه ... وكذلك الرز يكون على نار هاديه ... حتى يستوي .. في هذه الاثناء نرش اللحم بمصفر اللحم .. كما نرش الرز بطريقة + زايد بمصفر اللحم ...... بعد ذلك نأتي بكشنة البصل ونضعها فوق الرز ..... وننكبها بصحن .. ونحط اللحيمات فوقها ,, يالله فسر يابو الشباب يارب تضبط معاك وهذي مكافئتي اما المكرونه اعذرني بيني وبينها حرب. هلحين تجيك ام مهند وتفزعلك .

شوف ياسيدي...

قطع بصلة متوسطة الحجم قطع توم 4 فصوص على قولتهم براحتك لو قطعت البصل شرائح ..طولية او عرضيبة براحتك...انقع رز كاستين جبنة كبيرة في موية

الموهم حط زيت في قدر متوسط الحجم كمان زيت يعني نص كاسة شاهي او اكثر شوية وحمر فيه البصل الين يسير اصفر وحط التوم وبعد 5 دقائق يسير اللون ذهبي حط عليه الدجاج ووقلبهم مع بعض الدجاج طبعا مقسوم بالنص او ارباع براحتك برضو....بعد كذا حط عليها بهارات كبيرة حبتين من كل نوع هيل وقرفة وقرنفل وملح ولو كانت ناعمة حط نص ملعقة صغيرة من كل نوع وبعد كذا تكون عندك موية مغلية حطها على الدجاج الين تتغطى الدجاجة يعني تتغطى الدجاجة وفوقها اصبعين الموية زيادة وخليها على نار متوسطة 10 دقايق الدجاج يستوي....بعد كذا ذوق المرقة عشان تعرف الملح كيف كويس ولا لا

شيل الدجاج حطو في صينية مدهونة بشوية زيت وحط فيها الدجاج لو تحب ترش عليه بهارات عادي وحط الدجاج في الفرن تشغل عليه من تحت وبعدين من فوق....الين يتحمر..كذا تمام...

جيب جزرتين وابشرها تمام جيب قدر ثاني حط فيه شوية زيت ربع كاسة شاهي خليه الين يسخن شوية وحط عليه الجزر وقلب وقلب الين يسير لون الزيت اورنج ممكن تحط ملعقة معجون طماطم ومحبة ماجي وبعد كذا الرز صفيه من الموية وحطه على الجزر وقلبهم مع بعض وقلبهم وحط عليه المرقه الى عندك ورشة ملح...المرقة مو كلها الين يتغطى الرز وزيادة اصبعين...وبس على نار متوسطة يعني لاينحرق..

وبالهنا والعافية....

فيه طريقة ثانية سهلة مررررة...حط بصل وتوم وعليهم الدجاج ارباع وقلبهم مع بعض بعد كذا بهارات كبيرة وحبة ماجي وملح وطماطمتين شرائح طولية وملعقتين معجون طماطم وملح وغطي القدر وبعد كذا اضيف موية 3 كاسات كبيرة وخليها على نار هادية...

اعمل رز ابيض عادي زيت وموية ورز وملح..الين يستوي بعد كذا اكبسها على الدجاج وغطي القدر وخليه على نار هادية وبعد كذا حط الملعقة في الرز اذا طلعت الملعقة ناشفة معناتو استوى...جيب صحن واقلب فيه القدر راح يسير عندك رز لونين احمر وابيض وبالعافية



اسلق مكرونة مع غطى زيت ورشة ملح الين تستوي وصفيها من الموية..عشرة دقايق بالكثير...

قطع بصلة شرائح وحمرها والدجاج لو كانت صدور قطعها مربعات وحطها على البصل لو عندك جزر مبشور حطها عليها وملح وبهارات بالنظر يعني نص ملعقة صغيرة وذوقها وحمرها مع بعض راح تستوي... وحط عليها معجون طماطم 3 ملاعق وبعد كذا حط المكرونة عليها وقلبهم مع بعض ولو عندك جبنة سائلة ملعقة منها..وبس ولو فيه كسبرة او بقدونس رشها عليها وبس..