|
وبخير اذكرني
مليت يالجوال .. هالوضع صامت
من يوم غاب اللي يزورك ويطريك
ماطيق قربك.. اكرهك..وانت ساكت
لاشاشت"ن"تضوي ..ولا صوت يحييك
ياللي رحلت..وهالعمر صار باهت
ماظل عرق"ن"في خفوقي مايبكيك
تجيني وترحل وهالجرح ثابت
جرحي عميق ولاتطوله اياديك
ياقلب عذبني كلام الشوامت
كلن يقول بداخلك هم ينهيك
ياقلب خبري بك صبور"ن" وكابت
اقسى الليالي مرتك مادروا فيك
ياقلب من صده بعد تو ماذقت
وفر عذابك والليالي توريك
ودام انت عايش داخلي مابعد مت
ارجوك عاوني على فراق غاليك
هو قال: انسوني..وروح وانا فت
فوتة كسير"ن"ضيعنه امانيك
مايدري انه يوم روح ..انا بت
اكابد اللوعات هذي بعد ذيك
جعل الهنا يااغلى البشر مايفاوت
دنياك وربي من حلا الحظ يعطيك
وياعل ماتفرح بك عيون شامت
وتعيش في دنياك عيشة مماليك
وبخير اذكرني اذا قيل لك :مت
اشوف حبك ساقني للتهاليك
اما انت يالجوال خليك صامت
مابي افز لغير صوته ولا ارجيك
لكل من ... مر هنا
ود .... وجنائن ياسمين
|