انا مقـــدر ..

مسكـ الورد · 10-26-2008, 09:25 PM

انا مقدر اكون أصدق من إحساسي ومن أشواقي ..
تبي تعرف كبر شوقي ..شوف عيوني وتكفيك ..
إذا مايكفي اني اصرخ بإسمك داخل اعماقي ..
وأشوف العمر بك وحدك .. فرحي صار ملك إيديك ..

تراني ماعرفت القى لحبك حل أو معنى ..
تخيّل كثر ما أحبك .. انا صاحي وأحلم فيك

تعال وناظر بقلبي .. علّك فيني تلاقي ..
جواب لكل أسألتك .. غرام يسرّك ويرضيك
انا يومي عشقتك قلت .. ياشمسي وإشراقي
ترى من يومها ماغاب نور ٍ أشرق بطاريك ..

انت بقلبي الدايم .. وانت ببالي الباقي
لك الله كيف ماتدري ..أبيع الكون لك وأجيك
لقيت بحبك الراحه .. بعد ماكنت انا الشاقي
صرت بعمري القصه .. ولا مر يوم إلا أحكيك

**دللللع** · 11-01-2008, 05:48 PM

رومـــــــــــــــــــــــيو

لكلماتك رنين رائع

يفوق وصفي له

أستمتع بكتاباتك

فأنت مبدع.... لاتقبل للنقاش... لأن شهادتي فيك مجروحه

مسكـ الورد · 11-03-2008, 03:28 PM

صراحه ما ادري وش اقول لكن انتي جابرة الخواطر ...

تسلمي عيوني ...

أم بنــدر · 11-03-2008, 11:01 PM

كلمات راائعة ورقيقة كرقة شخصك الكريم...

اجبرتني على قراءتها اكثر من مرررة..

يعطيك العاافية يااارب وننتظر الجديد دائماً

مسكـ الورد · 11-06-2008, 11:03 AM

شاكر لك اختي الغاليه ..
انتي غمرتينا بلطفك ..
مرورك اسعدني ..
الله يخليك لنا اختي ام بندر ..

الكتكوت المتوحش · 11-17-2008, 01:45 AM

تراني ماعرفت القى لحبك حل أو معنى ..
تخيّل كثر ما أحبك .. انا صاحي وأحلم فيك

اخوي الغالي روميو
دمت مبدع في ردك وفي مواضيعك وفي كتاباتك
ودمت قلم رائع ومميز

مسكـ الورد · 11-18-2008, 02:28 AM

تسلم حبيبي على المرور ..

الله يعطيك العافيه ....

شاكر لك مرورك واطراك

اخاف اشوف حالي عليكم ...