قصيدة جديده

متى تجي من يم نجـد التباشيـر
تقبل على قلبي تسابـق خطاهـا
دستور يابنت الرجـال المناعيـر
بنت الشيوخ اللي يـذري ذراهـا
طال الفراق ولا بقيلـك معاذيـر
والنفس تعبت ما تحقَـقَ مناهـا
تبرير. نفسي ماتبي منك تبريـر
أدخل علـى الله لا تـزوّد غثاهـا
صبري نفذ والشوق فيني طوابير
والبعد يبعد عن عيونـي كراهـا
انا من امس العصر لا والله عصير
هموم قلبي وسـط قلبـي تباهـا
هاذيك تسكن به وهاذي مساييـر
والأولة تبحـث للأخـرى خفاهـا
القلب ضايق والتهي بالمشاويـر
الضيقة اللـي مـا لقينـا دواهـا
من القهر حسدت حتى العصافيـر
اللي تطير من الفرح في سماهـا
مصيرنا يابنـت محتـاج تقريـر
دام العدود المرويـة جـف ماهـا
وشلون بصبر ماني بسالم الزيـر
ماغير نفسك نفس أدوّر رضاهـا