أحبه .. وأزعله .. وأرضيه




سكب لي اروع إحساسه وعطاني مقبـض الدلـه
وأنا أقهويه من كيفي مزاج (ن) يطـرب أوزانـه

مادام الدرب من يمه غـلا وإحسـاس مـا أملـه
ما ألوم النفس يوم إنـه تقهـوى ضحـك حجانـه

عليه إحساس يملكني وكل إحسـاس صـاف لـه
أحبه .. وأزعله .. وأرضيه ..وأداعب ثورة إجنانه

أجي له بالرضا كلـي ويجـي لـي بالرضـا كلـه
ونصد من الزعل ساعـة ونـرد أرواح شفقانـه

أورّده النهـر عطشـان وأرده ريـق مـا بـلـه
وإلى منه صرخ (( ياكيد )) أجيه عروق رويانـه

أعصب به وإلى منه نوى فـي حضرتـي الزلـه
ملكته بالعيون اللـي .. تصفـي شاشـة ألوانـه

ينرفزنـي ومـن غيضـي أحـط بجوفـه الملّـه
وإلـى منـه شكـى حـرّه أضـم النـار لعيانـه

يناجيني ( تحبينـي ) وأقـول لـه : لا حشـى لله
يعاتبنـي الغـلا وينـه ... وأرد بجهـل عنوانـه

وإلى منه غسل إيده أقول : فلاااااااان بـي علـه
عـلام الـروح لعيونـك ببحـر الحـب غرقانـه

أقدر وأعترف باللي مـن الأشـواق حاصـل لـه
ولا ني جاهلة بحسـاس سكـن أعمـاق وجدانـه

ولو يلمس معاليـق الضمايـر كـان صاحـن لـه
ذبحنـــــي حبكـم يــافـلان الا لا رحــم جــدانـه

ولكنـي ابـا اتغلـى .. تغلـي بالـــهـوى مـلـه
وأكيـد بحـب لعيـــونـه وأنـا بالكـيـد فنــــانـه






اعجبتني فنقلتها لكم