{عيلة عبدالعزيز(بوخالد)}


تتكون من بوخالد وام خالد
خالد ولد حلووو جذاب طيب حبوب احلى شئ فيه غميزاته واااضحه حتى وهو يتكلم عادي خشمه طويل وعيونه وساااع لونها عسلي مايل ع الاخضر ابيض بياض حلوو شعره اسووود ناعم كثير وفيه لمعه صاحب فيصل الروح بالروح عمره25
بندر حلووو شعره اسووود ناعم وفيه لمعه كمان حااقد على فيصل ولد عمه لون عينه عسلي خشمه حلوو احلى لافيه فمه مرسووم رسم وحواجبه مرره حلوه عصبي احيانا
البنــــــــــــات
سارا بنت حلوه حبوبه {طيبه احيانا}جريئه فلاويه ومربوشه مرره في الطلعات اي شئ عندها ايزي دمها خفيف تحب الحش بالناس بشعرها اسووود قااااحم طويلل حيل فيه لمعه وكثير زي اخوها خالد في عيونها وسااع عسلي مايل ع الاخضر و غميزاتها مرره واضحه رموووشها كثيفه وتشبه اخوها بندر في حواجبها وفمها وبيضاااء وتشبه ريم لمن تعطيك جنبها وصديقة شيماء بنت عمها الروح بالروح ماتبين زعلها من رضاها كذبها من صدقها معصبه والا لا حزينه والالا جسمها ملفوف شياااكه ع الاخرجذابه عمرها 19سنه
ريم بنت حلووه طيوووبه على قد نيتها حبوبه ماهي جريئه مثل اختها مربوووشه اهون من اختها شعرها طويل مرره ناااعم اسود قاااحم فيه لمعه وكثيير(الشعر الاسود واللمعه والكثره وراثه من جدتهم ام ابوهم ) جدا حساسه عكس سارا عيونها نعسانه تشبه خالد في خشمه عينها لونها عسلي زي بندر وشياااكه وصديقة شهد الروح بالروح


{عيلة راشد( بوفيصل) }
عنده ولد واحد يدرس في امريكاواخر سنه له اللي هو فيصل شعره مرره ناعم واسود وكثيييرعيونه وسيعه لونها اسود فيها لمعه خصوصا اذا عصب او تألم او رحم احد مررره حلو لون بشرته ابيض فمه حلوو خشمه زي خالد طويل جسمه مررره حلو ويحب الشياكه كل شيء فيه حلو
عنده اختين اللي هم شيماء وشهد شيماء بنت مرررره حلوة وتشبها في ربشتها بنت عمها سارابس انها اهون من سارا بكثير وهي صديقة سارا الروح بالروح وطيوبه وحبوبة وناعمة وتحب الشياكة عمرها 19 اما اختها شهد فهي الاخرى مره حلوة وهاديه وخجولة زي ريم يعني ماجمع الا وفق عمرها 17 قد ريم


يالله نبدا


~..~..~..~..~..~..~..~..~..~..~..~..~..~..~..~


كانت عايلة بو فيصل ترتب للعشا علشان قدوم فيصل من امريكا
ام فيصل : يمه شيماء حطي العشا علشان فيصل بعد شوي جاي
شيما:ابشري يمه على ذا الخشم وتقوم وتنادي شهد ويروحون للمطبخ علشان يزهبون العشاء
في ذي اللحظة الباب يدق ويدش ابو فيصل وفيصل وعلى طول راح يجري ويحضن امه ويسلم عليها


وامه تبكي :كيفك ياولدي وش مسوي
فيصل :يمه وش دعوة ذي الدموع اللي مالها داعي
وتجي شيماء وشهد ويسلمون على اخوهم بحرقة وهم يبكون ابو فيصل :ياجماعة صلوا على النبي
الكل: عليه الصلاة والسلام
قاموا البنات وجابوا العشا وكلوا وسوالف مع اخوهم
قام فيصل : يالله تصبحون على خير
شيماء : وين ماشبعنا منك الى الان
فيصل: انا تعبان وابي النوم وانتم فاضين
ام فيصل :يالله يابنات خلوا اخوكم يرتاح يالله يمه روح ارقد
وطلع فيصل والبنات وناموا


{ واليوم الثاني الكل نزل للفطور


ابو فيصل :بكره جهزوا نفسكم علشان عندنا عشاء في المزرعة بمناسبة قدوم فيصل
شيماء شهد بصوت واحد : ياااااااااااااهو والله وناسة
وناظروا في بعض وجلسو يضحكون
فيصل :الحمدلله والشكر من جد اهل العقول في راحة
شيماء : من زين عقلك بس خلي اقوم اكلم سوير
وراحت للصالة تكلم سارا وجاء فيصل وجلس يتفرج على التلفزيون
شيماء :الو
سارا: هلا والله بشوشواخبارك
شيماء :تمام عندي لك خبر بيطيرك من الفرحة
سارا بفضول:وشووووو
شيماء:اليووووووووم هااااااااااااه
سارا :اييييييييه
شيماء نبييييييييي هاااااااااااااااااااه
سارا وارتفع ضغطها : ياثقل دمك بسرعة تكلمي
شيماء:نروووح وهي تصارخ المزرعة
سارا بفرحة :قولللي والله
شيماء والله علشان اخوي فيصل جاء من السفر
سارا: ياهووووو اوكي باااااي خلي اروح اجهز حالي قد باااااااااااي
شيماء :الحين انا المتصلة وتقولين لي بااااااي
سارا : عن االهذرة الزايدة ترا مو فاضية لك باااااااي
وتجهزوا البنات والكل فرحان بقدوم فيصل


شهد: يبه يبه
بو فيصل :سمي
شهد :سم الله عدوك بس اسمع ماتصلت على بيت عمتي هند علشان يجون المزرعه
بوفيصل:الا اتصلت على تركي ويقولون ان شالله بعد العشاء وهم بالمزرعه
شهد :العنود بتجي
شيماء :يبه يبه بيت عمي بوعادل بيجي
بوفيصل:تراكم طفشتوني الا الا بيجي تبون شئ ثاني
شيماء:سلامتك


{بيت بوخالد}
خالد قاعد يتفرج على التلفزيون
سارا :خالد
خالد :نعم
سارا:الله يخليك وديني سيتي ماكس
خالد يطالع بنص عين : اقلبي وجهك
سارانقهرت بس كتمت:خلوودي حبيبي قوووم
خالد:سارا عطيني مقفاك
سارا ماياست: خلووود حبيبي انت اموووواه قوووم (سارا تكلم نفسها :هذا من شايف نفسه طيب ياخلوود ان ماوريتك ماكون سووير هين شغلك عندي )
خالد يسوي معصب :سااااااااارا روحي اقلبي
سارا تبي تقهره:على اي قناة
خالد بدا يعصب :تستخفين دمك
سارا :ايه
خالد:من قال لك ان دمك خفيف
سارا:انا
خالد:اصلا دمك ثقيل مادري على مين طالع
سارا تناظره بنص عين :على اخوووي الحبيب خلوووووود
عم السكوت قليل
سارا :خلوووودي
مارد دخلت ريم تحاول في خالد مع سارا بعد ماطلعت من عند بندر اللي رفض رفضا باتا
ريم طفشت وعصبت :ياهووووووه اي اخوان انتو الله يعين حريمك عليكم مادري ايش بتسوون فيهم
سارا نقزت جنب ريم :لالا لاتخافين ياخبله اصلا حريمهم بمشونهم زي الالف لايمين ولا يسااار تغمز لخالد :صح خلووود
خالد:ياخف دمك
سارا : اخف دمك هاااه بتوديني
خالد :لااااا
سارا :لاوي ان شالله يلوي رقبتك
خالد : من اليوم تتمصلحين ذحين انقلبت الايه
سارا:هذاك قلتها من اول وانت وجه مصلحه الا قول وجه بلووووى اييييييهب
{بيت بوفيصل}
شيماء قاعده بالصاله وجنبها فيصل
شيماء: بدق على سارا اشوف تروح السوووق معي
فيصل:من بيوديكم
شيماء:من غيره اخوي حبيبي فيصل
فيصل:تعرفين حالة تعرفها
شيماء :لا
فيصل :هيا اقلبي وجهك
شيماء :ابي اقلبه موشغلك....فيصل مد جوالي
فيصل:هااك
شيماءخذت الجوال بسرعه دقت
سارا :الووو
شيماء هلا سارا
سارا :هلا والله بقلبي وروحي هلا بشيوووم بنت العم
شيماء ماسكه السماعه تطالع بالرقم وفيصل يناظرها مستغرب
شيماء :هذي سارا بنت عمي بوخالد
سارا بستهزاء :لا الهنوف بنت بوعادل
شيماء :عن المسخره غريبه ايش ذي الترحيب
سارا بضحكة مصلحه:ههه الله يغربل بليسك
شيماء :الله يغربلك انتي
سارا قلبت:الله يغربلك انتي وابليسك
شيماء:هههه لسانك يبي له قص
سارا :المهم انا بروح سيتي ماكس بتروحين معي
شيماء:طيب ايش رايك نروح بعده المملكه (شيماء اندمجت مع سارا ونست فيصل)
سارا:طيب مين يوديناااا
شيما: انا كلمت فيصل وهو قال بيودينا
سارا :غريبه كيف وافق
شيماء :قلت بروح انا وانتي مع السواق قال لا انا وديكم
فيصل يطالع في شيماء مبقق عيونه
سارا:ياحظك عندك اخو صاحي
شيماء:يالله باااااااي بعد المغرب علشان بكرا مامدينا بنروح المزرعه
سارا:بنمر على مركز نشتري منه بسكوتات وشبسات ومكسرات وحلويات وبنمر على محل افلام نشتري كم فلم
شيماء:هييي انتي اللي يشوفك يقول بنقعد اسبوعين كلها كم يوم
سارا :لاوالله ادري بس انها كم يوم لازم نبسط عمرنا
شيماء:ايه والله وانتي الصادقه يالله بااااي
سارا : الناس تقول مع اللامه
شيماء:مع السلامه ارتحتي
سارا:ايه تشاووووو
بسرعه سكرت الخط
شيماااء :تفووو عليك يالنذله
فيصل :بتروحون السووق
شيماء:ايه
فيصل:مع من
شيماء توهقت:معك
فيصل : وانا قلت لاا ليش ماعندها اخوات
شيماء:بندر وخالد ماحد راضي يوصلهم
فيصل:انا بروح مع الشباب وين تروحين انتي وياها
شيماء:معك
فيصل:لاااا انتي مهبوله اقول بطلع مع الشباب بالمعنى الاصح العيال اصحابي فهمتي
شيماء :طيب ايش اقول للبنت
فيصل:هذي مشكلتك اصرفي بنفسك
شيماء :فيصل طلبتك بس هذي المره يافيصل فديتك انت تو جاي مسرع طلع لك اصحاب
فيصل:قولي ماشالله ذولي اصحابي من زمان من قبل لا اسافر
شيماء:ابووك يالوفا يالله فصولي اماانه بس ذي المره امااانه
فيصل:ايش اقول للشباب
شيماء:قول والله ماني فاظي اليوم برووح مع اهلي مشوار صغيرون
فيصل :متى بتخلصون
شيماء :مادري على حسب
فيصل :من بروح معكي
شيماء:انا وسارا وريم وشهد والهنوف (نعرفكم بالهنوف بنت طيبه حبوبه ناعمه كشخه زي بنات عمها شعرها محمرطويل ناعم عيونها نعسانه لونها بني خجوله هاديه على قد نياتها عمرها 18)
فيصل:الله حشى مانتو رايحين سوق
شيماء:قول مشالله
فيصل:مشالله على ايش على كثركم
شيماء:حلفتك تقوول ماشالله
فيصل من غير نفس:ماشالله
شيماء:انا بروح ادق على سارا


فيصل بنفسه(انا ايش يقدرني عليهم خمسه على واحد)
دق جوال فيصل
فيصل شال الجوال :الوو
خالد:السلام عليكم
فيصل:هلاهلا وعليكم السلام خالد لي عندك طلب صغيرون
خالد:امر
فيصل :مايمر عليك عدو ودي تروح معي بودي البنات السوق
خالد:البنات من
فيصل:خواتي وخواتك وبنت عمي بوعادل
خالد:الله ذولي كلهم ليش
فيصل :ليش ماتروح تسألهم
خالد:اوكي اوكي فشله نروح كلنا ولدين على خمس بنات صح
فيصل:صح
خالد:ايش رايك نوزعهم
فيصل :الله فكره
خالد :يالله مع السلامه
فيصل:مع السلامه


{بيت بوخالد}
سارا وريم عند ابوهم
سارا :يبه تكفىىى والله ماتكفي
ريم:صح يبه طلبناك
سارا:يبه تكفىى تهز رجاجيل
ابوهم:اهب عليكم من بنات 500 ماتكفي
سارا :يبه والله ماتكفي والله والله ايش تبي اكثر من كذا
ريم:يبه الف بس 500لي و500لسارا
سارا:يبه السوق غالي وسيتي مررره غالي وانت تدري
ابوهم :اللي ادري فيه ان الف عليكم حرام
سارا:يبببه انا سارا مستخسر علي 500
ريم :يبه احنا نبي شبسات وبسكوتات وعصيرات ووووالخ
سارا :صح و500 على ثنتين ماتكفي
ام خالد:البنات صادقين يابو خالد
بوخالد:هاكم هااكم ماحد مفلسني غيركم يهبووو
ريم:مابيها
سارا :ولاانا
بوخالد :احسن هاتوها
سارا:لا ايش نردهم لك
ريم :تعطينا بعدين تردها لا يبه مايصير
بوخالد:مو انتو اللي قلتوا ماتبونها
سارا:هههههه لالا يبه احنا نمزح بس انشوف ايش تكون بخيل والا كريم
ريم تنغز سارا:هههههه هيا هيا سارا بسرعه شيماء لها ساعه تنطرنا بالسياره


طلعوا واخذوا عبيهم وطلعوا ركبوا السياره
شهد:كان ماجيتوا
سارا :مالي حيله كله من ابوي مابغى يعطينا (سارا تصلح بالجلال حقها )
........:ليش
سارا مانتبهت للصوت علشنها تصلح جلالها
سارا:علشان قبل قبل امس معطينا 400
فيصل بنفسه:زي خبالة اخوها
شيماء:يامطولها من سالفه
سارا:بنات انا متضايقه زيحوا لي اشوي تناظر شيماء وشهد:ليش وحده منكم ماركبت قدام حطت يدها على المقعد اللي قدمها الا تصقع براس .....
سارا تناظر قدام الا عينها بعين خالد
سارا :بسم الله الرحمن الرحيم انت ايش جابك
خالد:جابتني رجووولي
سارا :من اليوم وراك وراك وانت لا لا وذحين تجي
خالد:جابني فيصل
سارا تناظر فيصل :ماجمع الا وفق
الكل الا خالدوفيصل:هههههههههههههههههاي
ريم:حلوووه ياسارا
سارا بغرور:ادري
قعدوا البنات سوالف سوالف
خالد :بنات
البنات ماحد رد منمدجين مع الهرج
خالد:علا صوته شوي:بنات
سارا :نعم
خالد:نعامه ترفسك في بطنك
سارا حمقت
خالد:الله مكثر هروجكم يالبنات بالعين راديوا
سارا:لا وليه ياسيد خالد منت براضي علينا نتكلم والا ايش
خالد:لا ماني راضي
سارا :من تكون عشان ترضى علينا والا ماترضى
خالد:يهبي هرجك هذا كثره
سارا محمقه :قول ماشالله (صوتها مافيه شئ يبين زعلها )
فيصل :اول مانوصل مجموعه منكم مع خالد ومجموعه معي
سارا:ليش حنا وين رايحين
فيصل:بنروح السوق
سارا:امانه معلومه قديمه
فيصل ناظرها نظره سارا طالعت فيه بنظره اقوى
فيصل نزل عينه بنفسه يقول:اهب ماقوى نظرتها
وصلوا وتوزعوا
(سارا وشيماء وشهد مع فيصل ـــ وريم والهنوف مع خالد)
سارا وشهد اول مادخلوا طاروا على محل على محل العطوور (سارا وشهد يحبون العطور حب ماهوب طبيعي ويرشونها عليهم رش وهذي عاده فيهم)
فيصل يناظرهم وهم عند محل العطور :بسم الله هذولا وش فيهم (فيصل كان يتوقع انهم رايحين عشان الولد اللي كان عند المحل قاعد يرقم مايدري عن عادتهم)
شيماء شكت بفيصل وبتوقعه لان عينه على الولد اللي واقف
شيماء:هذي عادتهم يحبون العطور من يوم يومهم
فيصل :اهااااااااا
يناظر سارا واقفه الولد جاء ووقف حنبها لانه يبي يرقمها سارا شافته وعطته جنبها
الولد مسك يدها سارا ناظرته طرااااااااااخ

الولد مسك يدها سارا ناظرته طرااااااااااخ
لفت شيماء وفيصل جلسوا يناظرون مو بمصدقين سارا تضرب ولد
سارا :ياقليل الحياء ان شالله تزيد تعيدها قلة ادب ترضاه على اختك هاااه لا اكيد ماترضاها
الولد جاء يبغى يتكلم الا الكف على وجهه
فيصل :ياقليل (فيصل شاف الرقم وهو يمده اخذ الرقم منيده )
فيصل:هذا الرقم راح اوصله للهيئه وووووالخ
الولد:اسف والله كنت احسبها اختي
فيصل:اختك ماتعرف رقمك يعني
الولد:هذا جديد
فيصل انا ماشوف معك احد
الولد ارتبك :هااااااه اختي (تلفت يمين يسار ماشاف احد)
الولد:العذر والسموحه ماكنت اقصد والله

شيماء على طول اخذت سارا وبعدوا عن المكان وفيصل قعد تهزيئ بالولد اللين ماقال امين
شهد اللي كانت جوا ماطلعت الا بعد ايش
شهد :ايش فيه ايش صاير وينه فيصل
سارا:كان هديتيني عليه الكلب
شيماء :حلوووه ايش تبينهم يقولون بنت تضرب ولد
شهد:ايش السالفه
شيماء قالت لها الخارطه بالتفصيل
سارا:بعد يقول ماكنت اقصد ياخوي لو ماشاف فيصل كان ماقال كذا
شهد:ليش هو ايش يرجع
سارا:مخلفته وناسيته انا
شهد:بصراحه حلوووة كيف ضربتيه
سارا:بالشنطه
شهد:كيف مثلي
سارا:طيب(قامت سارا وضربت شهد بالشنطه
شهد:آآييي آآيي مهبوله انتي
سارا:مو انتي اللي قلتي مثلي
شهد:ايه بس موعلي على شيماء
شيماء :ياحليلك كني بخليها
جاء فيصل وهو معصب
فيصل:يالله امشو
شيماء:على وين
فيصل بصوت عالي:على البيت يعني على وين
شهد:مابعد قضينا شئ
فيصل:اقوول امشي انتي وياها بالطيب احسن لكم
سارا بنفسها:يمه وهو معصب بس برضو جذااب
راحت سارا مع خالد هي وريم راحوا السوبرماركت
شيماء وشهد جلسوا يتحيلون بفيصل للين قال طيب ووداهم السوبر ماركت
الهنوف راحت بيتها قد قضت حاجياتها ورجعت البيت
البنات ماخلوا شئ الا اخذوه
رجعوا البيت ورقدوا
جاء الصباح
ام خالد تدش غرفة البنات
ام خالد:سارا يالله قومي الساعه 8:00
سارا:يمه انا مارقدت زين
ام خالد:الله راقده الساعه 11وتقولين مارقدت زين
سارا:يمه الله يخليك قومي ريووم بعدين انا
ام خالد:ريووم يمه قومي
ريم:يمه انا ابي النوووم قومي العيال قبلنا تكفين يمه
ام خالد:اف منكم جراب نووم
راحت غرفة خالد
ام خالد:خالد يمه قوووم
خالد:الساعه كم
ام خالد:10ونص
نقز خالد:كمم
وبسرعه راح الحمام
راحت لبندر وقومته
رجعت للبنات
ام خالد بسرعه دخلت على البنات
ام خالد بصوت عالي :بنات قوموا قوموا الساعه 12 لابارك الله فيكم قوموا الناس راحت المزرعه وانتوا اللين ذحين راقدين
سارا وريم نقزوا:نعم
ام خالد:قوموا قوموا
سارا:انا روح للحمام ريوم طلعي لي ثياب بسرعه
ريم :لاوالله انا اللي ابي اروح وانتي طلعي لي ثياب
سارا:اقلبي وجهك
بسرعه راحت سارا الحمام
ريم: طيب ياسارا والله ماطلع لك شئ اوريك يالنذله
طلعت سارا من الحمام وعليها روبها
سارا:طيب ياريم ان ماوريتك
سارا:لقت ريم مطلعه لها ثياب
سارا :مالت خليني ادور لي ثياب
راحت طلعت لها بنطلون برمودا جنز لونها فاتح وعليها ربطه على الخصر لونها وردي وبيج وبلوزة وردي ربع كم وعليها كلام بالانجليزي ياللون البيج وظيقه طلعت لها شنطه بيج اطرافها بالوردي وهاديه حطتها على جنب
بعد نص ساعه نزلت سارا وريم يفطرون
سارا وريم:صباح الخير
الكل:/صباح النور
بوخالد:الساعه تدرون كم
خالد:10ونص
بوخالد:هذا وقت فيه ناس تفطر
سارا:لا طبعا
بوخالد:ليه ان شالله
سارا:لان اليوم ربوع
بوخالد:ولان اليوم مارحتي المدرسة لاانتي ولا ريوموه
سارا:يبه يوم واحد مايذبح
ريم:علشان اذا رحنا هناك نكون نشيطين ونروح بدري مو بعد صلاة العشاء
ام خالد:يالله كلوا خذاكم الحكي
سارا بصوت عالي:خلود الله يلعن شيطانك كليت سندوتشي يهب
خالد:ماقلت لكم تكلموا
سارا:والله والله انك تجيب لي بف لالا تجيب لي بيبسي وهمبرجر
خالد:اقلبي وجهك
سارا:والله لتجيب لي
خالد بمسخره :طيب طيب
سارا:احد ضربك على يدك قال لك ياخالد تعال كل حقي
بوخالد:خلاص خالد تروح تجيب لها هاللحين وحنا رايحين
خالد:تامر يبه
بوخالد:يالله بنات قوموا لبسوا يابنات
سارا وريم:انزين يبه
طلعوا البنات وبدلوا ولبسوا عبيهم ونزلوا
{بيت بوفيصل}
فيصل:يالله يابنات انزلوا كل ذا لبس
شهد:بلاك ماجربت حياة البنات يافيصلوووه
فيصل:بلاك ماجربتي حياة العيال ياشهدووه
شهد:ييييييه منك حنا اخس منكم يبغى لنا كشخه ورزه وميك اب وشعر لازم يستوي موزيكم ثوب وعمامه مشي حالك
فيصل:وطولت لسان صح
شهد:صح
شيماء نازله:يالله مشينا الوقت راح
فيصل:توك
شيماء:امشي امشي بس
فيصل:يالله يبه يمه حتى العواده يتأخرون
شيماء وشهد:هههههههههههههآآآآي
شيماء:ماينزل بوفيصل الا بكم كلمه
الكل :هههههههههههههههههه
بوفيصل:ايش قلة الادب
شيماء:وي وي وي شوف شوف امي خدودها حمره
فيصل بارتباك:شوف شوف ابوي سوود
بسرعه طلع مع الباب لان ابوه معصب من تأخيرهم
لحقوه البنات
بوفيصل:يالله حبيبتي امشي
ام فيصل بخجل:ان شالله
فيصل:امووت انا على اللي يتغزلون يمه انتي كبرتي على الخجل
بوفيصل:بسم الله انت من وين طلعت
فيصل:من بطن امي يالله يالله انتو بسياره واحنا بسياره علشان تاخذون راحتكم بالغزل
بوفيصل:احسن
فيصل:يبه حرام عليك احرجت امي
ام فيصل:فيصل خلاص روح احنا نلحقكم
فيصل:ههآي قديمه يام فيصل انا ايش دراني ياخذكم الكلام ووو ماكمل قعد يضحك
بوفيصل:ياولد استحي يالله مشينا
فيصل:ههههههههههههآآآي
راحوا كلهم طبعا اول من وصل عايلة بوخالد لانهم من زمان حركوا
دخلوا عيله بوفيصل
سارا واقفه عند الباب
سارا:عمي بوفيصل
بوفيصل:هلا يبه كيفك
سارا:اول شئ السلام (وقربت من عمها وسلمت عليه وحبته على راسه )
سارا:هاللحين تقدر تسأل عن الاحوال
بوفيصل:هههههههههه كيفك
سارا:انا واقفه قدامك مثل الحصان تمام لفت على فيصل
سارا:كيفك ياولد عمي وقلبها يدق كل ماشافت فيصل ماتدري ليه
فيصل:الحمدلله
سارا:هيا بنات بسرررعه
شهد:على وين
سارا:على جهنم يعني على وين ريم فوق بنطلع لها
شيماء:يالله بس ها نبي ننتظر الهنوف والعنود
سارا:بعد انا ابيهم يالله
تو بيتحركون الا ريم: هاه زين ماطلعتوا
سارا:ايه والله انه زين
ريم:ييييييييه ابوك يالنذاله
شهد:اسمع صوت سيارات
ريم:اكيد عمي بوعادل وعمتي هند
شوي كذا الا تدخل العمه هند وعمهم بوعادل وعادل ودانه معهم
نعرفكم بالعمه هند(طيوبه وحلوه وتحب الخرجات زوجها متوفي من خمس سنوات وعندها بنت اللي هي العنود وولد اسمه تركي العنود حلوه تحب الخرجات وتحب امها واخوها حييييل كشخه ع الاخر شعرها ناعم وقاصة قصة الفراوله وعيونها نعسانه وبيضاء وفمها صغير وخدودها مليانه وجسمها مرررررررره خطير ناعمه وهاديه تركي\حلووو وشخصية جدا قويه وقت الجد جد وقت المزح مزح حتى لو احد سبه يدخل من هنا ويخرج من هنا ويزعل لشئ وحيد للي يسب ابوه )
سارا تموت على عمتها هند راحت زي الطير عليها
سارا:هلا والله بعمتي هلا بنوري وهلا بدنيتي شلونك شخبارك
العمه :وي سارا يمه خليني القط نفسي
سارا:انزين كان رديت وقلتي بخير
فيصل واقف يطالع سارا ويقول في نفسه (الله من الرجه الزايده سلمت عليها ولا كن احد واقف انزين انا شعلي منها خلها تولي )
سلم على عمته
سلم على عمه بوعادل وسلم على عادل ومشعل
عايله بوعادل تتكون من ولدين وبنت عادل عمره 28 ومتزوج من بنت خالته دانه وحلو وخلوق ومتفهم ويشتغل في الشرطه (نعرف دانه زوجة عادل مره حلوة وطيوبة والكل يحبها ومتفهمة مره )
مشعل ( اللي هو اخو عادل ولد خلوق وطيوب وحلو ومحبوب من الكل بس فيه شوي عصبية عمرة 23)
الهنوف اختهم ( وبنت حلوة وحبوبة ومملوحة وكل الصفات الحلوة فيها وتموت في بنات عمهاعمرها 20)
المهم سارا حست بنظرات فيصل بس تجاهلته
فيصل استغرب من نفسه واستاذن وطلع
والبنات طلعوا برا في الحديقة وسوالف ولعب وفرفشة وناسة
العنود:بنات شو رايكم نلعب كورة
البنات : يالله ماعندنا مانع
سارا:احنا فريق النصر وانتم اختاروا اممممممم الاتحاد
ريم :وعععععععععع شو الاتحاد لا نبي الاهلي
االهنوف يالله : انا من الحين فريقي النصروكل وحده تختار
سارا : القائدة
وتقسموا البنات ولعبوا طبعا فريق سارا غلب فريق العنود
وجاء وقت العشاء وراحوا البنات للعشاء
بعد العشاء
سارا: بنات يالله طفش نبي نسبح
تناقزوا البنات يااااهووووووو
شيماء :بس لازم نقول للعيال
سارا :لا الحين يقولون لا احنا نبي نسبح
شهد : وانت الصادقة خلينا نسبح من غير مايدرون نحطهم امام الامرالواقع
وكل وحدة لبست
وطششششششششش في المسبح
وضحك ووناسة
الا صوت من بارا يالله فيصل يالله انا سابقكم على المسبح
طلعوا البنات جري قبل لا يجي واخر وحده طلعت هي سار
الا توها طالعة من باب المسبح الا عيونها في عيون فيصل
فيصل مانزل عيونه يقول الله يارب شو ذا الجمال
سارا كمان انتبهت لنفسها
وعصبت :هي انت وش فيه
فيصل انحرج وبعد عن طريقها
وسارا راحت وهي مره خجلانه وعلى طول طلعت غرفتها وبدلت ملابسها
وقعدت تفكر في فيصل وكيف خلى كل جسمها يرجف وجلست تصيح
ياربي انا وش فيني كل ماشفته احس بشعور غريب
وجلست تصيح لحد مارقدت

عند الشباب جلس فيصل لوحده يفكر انا ليش سمحت لنفسي اني اطالع فيها
ولا اشيل عيني عنها لكن هي مره حلوه وتنهد وقال اعوذ بالله من الشيطان استغفر الله
الحين وش تبي تقول عني وجلس يفكر لحد ماتعب ورقد

في اليوم الثاني قامت سارا بدري وراسها يبي ينفجر وتوضت وصلت
وراحت وشربت شاهي مع البنات قالت يمكن من الشاهي ولا خف الا بعد شو
وجاء وقت الغدا وتغدوا ودق خالد على سارا
خالد: الو هلا سارا اخبارك
سارا بصوت تعبان :تمام كيفك انت
خالد بقلق :تمام سارا وش فيه صوتك
سارا تبتسم : لا مافيني شيء بس توني صاحية كيف تبي صوت يكون
خالد:ههههههههههه ماعليه بس كنت ابي شاحنك
سارا:وين شاحنك
خالد :الاخ فيصل ماجاب شاحنه واخذ شاحني
سارا: اوكي الحين امده لك عند الباب
وقفلت من عند خالد وقامت واخذت الشاحن علشان توديه
خالد واخذت شيلتها ومشت والا هي تصدم بواحد خافت سارا ورفعت راسها الا هو فيصل
وتو فيصل يبي يتكل الا دخل عليهم واحد بصوت عالي
........ : ســـــــارا
~..~..~..~..~..~..~..~..~..~..~..~..~..~..~
الجزء الثالث
وناظرت سارا في بندر
بندر مسك فيصل من كتوفه وعطاه كف
فيصل انصدم باللي صار قام رد الكف لبندر
الا سارا تصيح : لا يابندر لا
في ذي اللحظة دخل خالد
وش فيه وفرق بينهم
وبندر والشرر يتطاير من عينه :والله لاوريك يافيصل الكلب
فيصل بصوت عالي : والله ماكلب غيرك وحقير لكن والله ان الحشيمة لعمي مو لك يالحقير
سارا لسه جالسة تصيح
وراحت مع الدرج تجري ودخلت غرفتها وجلست تصيح

الشباب على صوت الهواش جو
مشعل: خير وش فيه

تركي : ياجماعة صلوا على لنبي
الكل : عليه الصلاة والسلام
خالد : مافي الا الخير ان شالله
خالد لف على بندر وبصوت حاد :انت فاهم غلط
بندر : وشلون غلط وانا شفتهم مع بعض تعال فهمني
خالد : انا قلت لها تجيب الشاحن
وفيصل بعصبية : وانا كنت داش ابي اكلم اختي
وبندر حس بغلطه بس ماحب يبين : هين يصير خير
ورجع الغرفة
عادل : يالله حصل خير
تركي ينغز فيصل : احلى ياحركات
فيصل : تركي ترا مو ناقصك انت الثاني
تركي : حلوه الكشمة بس لاتعيدها
غصب عنه فيصل ضحك
خالد: فيصل امسحها بوجهي
فيصل : لاتقول كذا ياخالد بعدين احنا اهل
خالد : بس
فيصل : لا بس ولا شيء انسى الموضوع
وجلسوا ضحك وسوالف ونسوا الموضوع ولا كان شيء صار
اما سارا فجلست تبكي الين مانامت
ريم : بنات وين سارا
شهد : مدري من يوم ماطلعت لخالد ماردت
العنود: لايكون طلعت معاه من دون لا تقول لنا
الهنوف : اما انتي عليك تخيلات مستحيل سارا تعملها
شيماء : انا ابي اروح ادورها
وقامت شيماء وطلعت من عند البنات
وصدمت بخالد طالع من المطبخ وناظرته
وجلس اهو يتامل جمالها
اشوي الا ارخى راسه : معليش يا
شيماء : شيماء وحصل خير
الا هي دخلت الطبخ
الا نادها خالد: شيماء
شيماء مستغربة : هلا
خالد : شيماء شفتي سارا
شيماء : لا توني قلت ابي اروح ادورها
خالد : ارجوك هديها
شيماء بخوف: ليه وش فيها
خالد: اطلعي لها وانتي تعرفين
وراح خالد وشيماء على طول طلعت عند سارا ودقت الباب ودخلت
لقت سارا تبكي بمنظر يقطع القلب وراحت وحضنتها
شيماء :سارا وش فيه
سارا : ..........
شيماء وعلى وشك تصيح : سارا واللي يسلمك وش فيه
سارا: ليش انا يصير معي كذا
شيماء : سارا ايش السالفة
سارا : تخيلي ياشيماء اخوي يشك فيني ومع مين مع ولد عمي
وزاد صياح سارا وبكت معاها شيماء
شيماء : اخوك مين
سارا بصوت باكي : بندر يشك فيني انا انا وفيصل
شيماء شهقت : لــــــــيه
وحكت لها سارا السالفة
وجلست تصيح لما هدت ونزلت عند البنات
شهد : الله هذا كله تودين الشاحن لاخوك
ريم : وانتي هذا كله تدورين عليها
شيماء : لا اسرار وماتصلح لكم كنا نقولها وخلصنا منها وجينا
الهنوف : الله كل ذا اسرار
العنود: وشي ذي الاسرار ياكوندليزا رايس
سارا : والله شين وقوات عين وانتم وش دخلكم اسرار بيني وبين بنت عمي
وحضنت شيماء وضحك وناسة وجاء وقت العشاء
وتعشوا وسهروا البنات
ريم بنات طفش نبي نطلع
شيماء : جد والله انا ابي اروح اكلم فيصل
: العنود : كفو والله فيك الخير
واتصلت على جوال فيصل
فيصل : هلا شيماء
شيماء : هلا فيصل كنت ابي اطلب طلب ممكن
فيصل : امري
شيماء نبيك تتطلعنا
فيصل : هذا الوقت
:شيماء : ليه بدري الساعة توها وحده
فيصل : اوكي يالله لاتتاخروترا انا برا
شيماء بفرح : اوكي ياحلى اخو بذي الدنيا بااي
فيصل يضحك على خبال اخته
خالد: على شو تضحك
فيصل : ابد البنات يبون يطلعون تتطلع معانا
خالد فرحان لانه يبي يشوف شيماء : يالله وش ورانا
والبنات بالقوة لما وافقت سارا انها تطلع معاهم
وطلعوا البنات
ركبت سارا وهي متفشلة ورا فيصل على طول
اما شيماء كانت فرحانه لان خالد يبي يروح ماتدري ليش هالفرح والاهتمام
وفيصل هو اللي يسوق وكل شوي يطالع سارا بالمرايا
ورفعت سارا عينها وطاحت في عين فيصل
ونزلت عينها على طول
وفيصل ابتسم
وكل شوي تطيح عين فيصل بعين سارا
وسارا مره منحرجة من فيصل ونظراته لها
وضحك وناسة وفرفشة وجلسوا يلفلفون بالسياره
ريم : يالله خلاص هيا انا ابي ارقد
الهنوف : صدق تعبنا نبي النوم
ورجعوا البيت وناموا ماعدا سارا اللي جلست تفكر بفيصل
واعترفت انها بدت تحبه وجلست تفكر لما نامت
وفيصل نفس الشيء
يفكر في سارا وجمالها واعترف انها حبها وانه مايقدر يعيش من دونها

منقول

مشكوررره الف شكر القصه انتهت ولا باقي الظاهر باقي لها تكمله

الف شكر لك