بسم الله

ارجو من الجميع ان يتبع معي

كان يا مكان في قديم ......... لحضه شوي بعدل جلستي عشان اقدر ان طلق في القصه

ايوه وين وصلنا هي بالله لاحد ياكل ككاوات عالكيبور بليز يعني ارجوكم

ايوه كان يا مكان

ارجو عدم المقاطعه .... صح ذكرت شي قبل مانبدأ في القصه

لازم الانسان يستشعر نفسه في اي قصه عشان تحقق القصة اهدافها مو يقعد مدلخ ساعه يشبك

وساعه يفصل تقل جوال موبايلي .. فاهمين علي

يله خل نكمل

القصه جميله جدا وراح تعجبكم صدقوني

نبدا من اول

مره فيه وحه اسمها ام زكي .... يااااااااااااااااالله حرف الدال في الكيبور مايشتغل معي مادري وش بلاه

مع ان الكيبور جديد ماله الا سنه يمكنه فيه بقايا اكل مومشكله بحاول اعمل قراءه سريعه للموضوع

للقصه بعد ما اكتبها

تعرفون ليش

لان بعض مواضوع الاعضاءيشخطها ( وش شيخطها ذي عبر زين يابو الشباب)بسرعه في المنتدى

تقل ددسن مرهم له مكينة مرسدس ههههههههههه

حلوه ويصير ددسن مرسدس مومهم هذا موضوع ممكن مناقشته بعدين حنا نبي نتحدث في قصتنا

الشيقه أقه

او يتناوله بعض الاخوة الاعضاء بشيئ من التفصيل والتعليل والتحليل وال.... ( اضف المقادير التي

تريدها حسب الرغبه)

المهم ماطولها عليكم وش كنا نقول ايوه ام زكي هذي ام زكي كانت .. لاحضه على فكره ترا زكي ليس

من الاسماء العربيه صح والله مو متاكد

بس انه من الاسماء التي انا احبها اسم زين زكي حتى تحس انه يبعث على الرجوله مو مثل اسامي

هالايام

ريناد وش ريناد شركة منضفات رناد لا ومن الرخيص بعد

سعادة الاخت رناد فالتتفضل مشكوره .. عاد تقوم وحده عجوز تطق بعصاتها ومحدودبه ياخيييييييييييه

والواحد يتخيل بتقوم وحده كاشخه بلابس انيق وجوتيها وردي( وش مناسبة الجوتي الوردي مادري جاء

عارضا)

الا حنا وش كنا نقول

امممممممه ذكرت سالفت ام زكي

افففف انا تعبت اليوم خل نكمل قصتها بكره وش رايكم دق الجرس

شوفوها بالمرفق