رسائل sms & mms من ارشيفي-1-

من صغري "يوم كنت صف سادس" وانا عندي هواية جمع الرسايل بكل انواعها..

وهادي المجموعة الأولى




ريح أعصابك ترى ظنك بعيد..
تتهم منهو مع طيفك سهر
العوذال ما تجي شي أكيد
كذبهم واضح ع طول العمر
انت وحدك في حشى روحي وحيد
باقي مدام في عمري عمر
لك مكان ثابت وسط الوريد..
لا ضمت يصير لعروقي نهر



اكيد تدري صوتك العذب لاغاب
احس نفسي تنكسر من غيابه
كذا غيابك للحزن يفتح ابواب
غصبن علي البس شقاه وثيابه
حبيت صوتك وان تثيقلت كذاب …
من يعشقك لا غبت يفقد صوابه



ماني قايلك عسى الله يهنيك …
الله يحرمك كل ما كان هناك …
وعسى العمر يا خاين العهد يعميك …
فوق الغرور اللي عن الأرض أعماك …
وعساك ما تفرح وتكثر بلاويك …
وعسى أمك تشق الجيب من عظم بلواك




طالت رحلتي وياك
وعمري ماشتكيت منك
واليوم شخص ثاني خذاك
لأجل يبعدني ويبعدك..
تمنيت أكمل رحلتي بهواك
وتبقى مع اللي يسعدك…
بحفظ أنا في قلبي غلاك
ومهما طال العمر أوعدك..
تكون انت مثل ما أنت
ماينزل بعيني مستواك




غريبه كيف كنا أحباب
وكيف كنا لبعض نشتاق
صار الوقت يزيدنا عذاب
وصرت انا ميت في هواك
غبت عني بلا أي أسباب
قدري ضاع من غلاك
ما عرفت الهوى تمثيل وألعاب
بشوف القمر وعيني تلقاك
وبضوي لك شمعه إذا القمر عنك غاب




ليتني اقدر أسئلك وينام جفني بعد فرقاك…
يامن سكنت القلب من يوم لقياك …
سلمت لك قلبي وروحي بيمناك…
وطعنتها بسيف غدرك بدون أعراك …
دمعي جرى لأمن تذكرت ليلاك…
وشلون ابنسى حبا سكن في الأعماق



خلني اعيش حبي الوحيد
خلني أحبك من بعيد
حتى لوقلبك لغيري تمنحه
حتى لودمعي في عيوني تلمحه
خلك سعيد بدنيتك
وأنا سعيد بشوفتك
بس الرجا كل الرجا
قلب المحب لا تجرحه




أبسألك ليه انتظر
وانا ادرى في حالتي مالي
امل لو انتظر طول العمر
انك تجي وتحس بلهفتي وتمر
ليه انتظر واخفي بعيني عبرتي واختنق
واحاول القى سبب يوم اننا نفترق
ليه الفراق؟ كان يمكن نوصل لاتفاق.. ونتفق
كان تعطيني سبب واحد ولا تخليني احترق



خطاي اني منحت الحب شخص وقابله بنكران..
طمعت احسب طمع قلبي بحبك يكسب ارباحه..
وعرفت انه ما تورثته من ابوي آدم طمع انسان..
خسر ملك جنان وراحته باسباب تفاحه



اعلن رحيلك قدر الامكان …
بس بفراق يكون باسلوب هادي…
ما ودي بفرقى الم ودمع واحزان…
ودي يكون فراقنا بشكل عادي



بقولها وأنا رافع الراس
ماني قابل الإعتذار
تسب وتجرح..وتهين الناس
وتبيني أنسى الي صار



كل ما العين اذرفت دمع يسيل
قلت هاتي دمع ثاني يغسله
مابكى يوم الفراق الا الاصيل
دمعة المخلص تجي مستعجله
لا طرى له صاحبه يوم الرحيل
شق جيبه وعبرته ماتمهله
ان شكى من هم قالوا له ذليل
وان كتم هم جوفه يقتله



والله لخلي عزتك تحت ماطاي
تمشئ وعينك ما تعدا مواطيك
ابيك درس لكل خاين وناسي
وافهمك قدرك وقيمت مباديك
والله لهينك لين تبكي تبي رضأي
ذليل تكسر عين منهو يراعيك



لاتكثر بحكيك تري دربك اشواك
ياحفي الرجلين ثمن كلامك
واذكر زمان اول وايام بلواك
من سنعك للناس وعدل مقامك
لا يفلت لسانك على شخص رباك
انا بنيتك وماانا عاجز اهدمك



لاتنصدم لا قلت انا اليوم ما ابيك
القلب عافك وانتها اليوم دورك
اعميتني بحبك عسي الله يعميك
ورميتني يازين بأعمق بحورك
يالله توكل لا تجيني ولا اجيك
يالله حبيبي قوم رتب امورك



بعد الخيانة انتهت رغبتي فيك
وان كنت تذكرنا ترنا نسيناك
يشهد على الله لاحل طاريك
يروق قلبي لكن اذكر سواياك

افترقنا وانكسر خاطر وخاطر
وانت قلبك ما رحم قلب عليل
في عيوني كم ألم خافي وظاهر
والرضا في بسمة شفاتك دليل
بالسلامة روح يا خاين وغادر
وين ما حبيت وانويت الرحيل
دام قلبك صار عالنسيان قادر
القدر محد يرده مستحيل



برحل وبترك لك بقايا أمانيك،
وغدرك عذاب حال دوني ودونك
وخل الرفيق اللي غدر بي يسليك
واذكر ترا من خان لأجلك يخونك



إش فايدة نبكي على شي قد راح
وإحنا قتلنا الحب من دون رحمة
المشكلة جيتك وبي حب يجتاح
جيتك طفل محتاج من الوقت ضمه
جيتك وله وأشواق والشوق فضاح
رد الصدى ياصاحبي صاحبك راح
ومن يومها كل الفرح صار صدمة



كنت محلم بغيرك
كنت مرضى بديلك
وكل ماتبعداجيلك
واليوم لاماني اسيرك
كنت مالك محبتي
كنت اهلي وعزوتي
كنت تحلي دنيتي
بس البعداصبح رغبتي
خلاص ابعدوانسى
لاتجبرني عليك اقسى
حياتي بعدك احلى
ارجوك ابعد وانسى



في حبك الثاني عسى الله يهنيك
حنا مع الأيام ندله وننساك
كنت الرجا واليوم خاب الرجا فيك
ارخصت ماضينا وغيرت مبداك



أي محبه وأي عشره وأي حنان
وأي شوق اللي انت تتكلم عليه
يعني واثق ان باقي لك مكان
وان قلبي يرد لو ترتجيه
وين شوقك يوم آنا احتجته زمان
وين حبك يوم آنا ميت عليه
رح للي لأجله بعت حبي زمان
بس لا تنسى تسلملي عليه



عند الكرامه ابيعك وانت خابرني
ماعمر احد راح من كيفه وناديته
ان كان قصدك هجر روح واهجرني
خلي لا صد عني ما ترجيته



سو الي براسك ولا تذكر اسباب
لا صرت بايعني توكل على الله
مابيني وبينك مشاريه وعتاب
شف دربن جيت منه تدله
ماراح تغلبني لو الحب غلاب
من حضرتك عشان قلبي تذله
رح واعتبرني واحد ذنب وتاب
ماني بثوب تلبسه وتمله



يمكن تطول غربتي سنين وسنين
وفيها عيوني ما يطولك نظرها
لكن تأكد لو تضيع العناوين
تكشف لك الدنيا وخافي قدرها
إنك عزيز ومنزلك داخل العين
بين الرموش وبين صافي هدبها


تحسب إني بجي عندك حبيبي وأنحني لرضاك
ورب الكون ذا بعدك ولا يمكن أسويها
أنا طبعي عزيز النفس مهما دارت الأفلاك
بمشي نفسي بكيفي أبد ما أحد يمشيها
محبة ما أبي منك محبة لو تجي برضاك
أبهجرها وبهجر كل شخص لي يطريها


اذا طلع لك قلب و عرفت تشتاق
تعال دورني ودور مكاني
وان كان باقي بمنامه ولا فاق
خله الين يفوق من جرح ثاني
ابشرك ماعاد يوجعني فراق
واقسا وجع فيني يزول بثواني
وخل الحياة تروح والعمر أرزاق
يمكن مع الأيام يضحك زماني



فوق الجروح إلي بقلبي من سنين
يكفي دخيل الله لاتجرحوني
مادامكم مانتم لجرحي مداوين
انسوا وجودي بينكم واتركوني
وش من عذابي والعنا مستفيدين
وش مصلحتكم يوم تبكي عيوني


أنا عزيز النفس وما انخلق من يذلني
لا تفتكر حبك بيخلي راسي ينحني
الدنيا كبيرة وفيها ملايين تحبني
يعني وش فيها لو خسرتك علمني
كذا ولاّ كذا الحياة بتمشي



أنا الذي من شوف الاحباب محروم
والله يكافي شر زلات الاقدام
قبل امس مع ربعي سواليف وعلوم
واليوم طاويني هواجيس واوهام
اضحك ضحى قبل امس وابكي ضحى اليوم
يا سرع دورات الليالي والأيام


حرام تحرمني من الصوت والشوف
وحرام تذبحني بزهرة شبابي
وحرام تقطف وردة الحب بسيوف
وحرام تهجرني وتطير صوابي
لا تبتعد عني ترى القلب مخطوف
مابقى الا الجسم داخل ثيابي


قالوا ترى مالك امل في قربها لو يوم
ابعد وجنب دربها هذا هو المقسوم
قلت اتركوني واسكتو خلو العتب واللوم
قدني غرقت في في بحرها وصرت بحبها ملزوم


إذا نادت الدنيا ف يوم تبي تفرقنا
طلبتك رفيقي بربك لا تطاوعها


أبشرك ماعاد يوجعني فراق
وأقسى وجع فيني يزول بثواني
عودت قلبي إذا حمل هم أوضاق
أرمي وما أسأل عن الي رماني
عودت نفسي للمتاهات ماأنساق
ولا يسيل دمع عيني وأعاني
خل الحياة تروح والعمر أرزاق
لابد يوم يضحك لي زماني


فمان الله يا عمري حفظك الله من الزلات
تحمّل بس في نفسك ونفسي لا توصيني
وأمانه لا نويت إنك تروح فخلها بسكات
تراك إنت الوحيد اللي إلا مـن راح ينهيني


قلبي ملكته بقبضة ايديك
والفكر شارد فيك مجنونك
كل العرب تنشدني اشفيك
حالك نحل وذبلت جفونك
قلت المرض والشر يكفيك
كذبت خوفي يعرفونك
وخايف عليك من نفسي بالشين أطريك"
من عقب ماجفتني عيونك


لوينشرى وقت السعادةبالأثمان
كان اهتنوابالحب كل المحابيب
خلك جميل تلقى دنياك تزدان
وتحلى لك الأيام بالبشر والطيب
والنفس عودها على درب الإيمان
تلقى السعادة فدروبك ولا تخيب


منهو حبيبي زعلك
من لي مكدر خاطرك
لول معي شخصك بشوش
منهو علي غيرك؟
وين ياحبيبي ضحكتك؟
وبن ابتسامتك ورقتك؟
باين ع وجهك حزن
ماهو طبيعي منظرك
احكي وقول قصتك
منهو ياحبيبي كدرك؟!


دخيل عينك حبيبي لا تجافيني
ارفق بحالي وروحي لا تخليها
وإن ماحصل منك لو نظره تكفيني
أضمها في عروقي شوق وأرويها



في غيبتك جا مكانك واحد ثاني
والحب ماينوخذ ياهيه بالقوه
إن كان قصدك عبث ودك تحداني
فأبشر بقلب على الصدات ياقوه



نصيحه من قلبي :حط اللي يحبك بعيونك
ترى ما تلقى من يضمك
لو ضاق صدرك وَ زادت همومك
عباره حطها في بالك النار بالماء
تنطفي وَ الشوق بالإهمال ينتهي


تدري إنك في حياتي كل شي
وأن قلبي رغم بعدك ما نساك
وأنك أنت شمس ليلي وَظل عمري وَالحنين
وَفرحة أيامي وَذكرياتي وَالسنين
تدري أنت في حياتي من تكون
أنت "..قلبي وَ قلب قلبي وَ الجنون


وش قيمة الحب كان القلب ما شالك
وأرسى على قمة أعماقي منازيلك
أنا وَ روحي وَ عذب الشعر جينا لك
وَ القلب نبضه معك وَ يقول كلي لك
وَ الشعر مرسالي المخلص وَ مرسالك
وَ القلب مهما قست الأيام وافي لك


يهمني أمرك وَأحبك وَأداريك
وَأسعد بشوفك ياسعادةجروحي
لك بالحناياموقع مافي أمل يخليك
لوقلت أبسكت خافقي لك يبوحي
حبك مطوقني ولافيه تشكيك
قليل فحقك لوأهديك روحي


مثل النسيم العذب تجرح بقايا سكوني
تسرق ضحكتي وسط الأصحاب
أحاكي أصحابي وهم يسمعوني
وقلبي معك وكنهم عندي أغراب
وعنك يحاول بعضهم يسألوني
متى؟وكيف؟ووين؟ أصبحتوا أحباب


،كثر ما أحبك،.،كثر ما أخاف
تغيرك السنين ونفترق..//
ايه خاف يزور دنيانا الجفاف
وتيبس غصون الأماني والورق
انت مثلي؟؟..)) والا "أنا وحدي أخاف"
والا عندك عادي إننا نبعد ونفترق؟


دريت إنك هوا عمري لو أن الروح محزونة
عذابي والحنين وكل هوجاسي
وصرت أكتب لجل حبك رسالة شوق مشجونة
رسالة والعتب فيها حبي يابعد ناسي
وقلت أنسى عساي أنسى عذاب القلب وطعونه
حلفت أنسى لقيت إني أفكر بك وأنا ناسي


يوم قآلوا في حيآتك من يكون !!!؟
قلت : العفو , هو حيآتي كلهآ
صدقوني مثل روحي والعيون ...
مسكنه عيني ينام بظلهآ
ولو يبيع الروح وانآ والله زبون
أعزهآ وأهين مين يذلهآ ,,


الله يذكر ذيك الأيام بالخير..
وشلون راحت من دفا العمر بدري..
راحت وخلتني ألوم المقادير..
راحت وخلت فرحة العمر تسري..
ياليتها راحت وأنا توي صغير.
.أشوي ولا جرح كبر وسط صدري..


سرقت العمر مني وغديت بعبرتي مخنوق
تمنيت الوصال اللي عليه النفس"تواقه"
لك الله..كيف صرت السارق 'ويفخر' بك المسروق
أمانه! شفت لك مسروق يتباها بسراقه.!!


خذني على يمناك وعمري أبيعه
حتى ع نفسي أبديك وأشريك
وان غبت عنك مابقلبي قطيعه
وأشتاق لك بالحيل وبالحيل أغليك
كلي على بعضي أوامر سريعة
لوتطلب عيوني تنازلت وأعطيك


__________
روزاليا