عالم الشبكات يبداء من هنا من محبوبتي

بسم الله الرحمن الرحيم

ميزة موضوعي عن باقي المواضيع الي تتكلم عن الشبكات ( احم احم ) ;) انو سهل وبسيط جدا لدرجة انو لو جا واحد ومايعرف عن الشبكات شي يقدر يستفيد من الموضوع
راح اتكلم في هذا الموضوع عن وصل جهازين عن طريق الشبكة إمكن الموضوع معروف لدى الكثير بس مافي مانع إني اكتبه عشان الي ماعندو خلفية عن الشبكات يستفيد ....

قبل ماتكلم عن وصل جهازين عن طريق الشبكة في بعض المعلومات المهمة لازم الواحد يعرفها:-

عشان أوصل بين جهازين عن طريق الشبكة لازم أعطي كل جهاز عنوان IP .وفيه شروط معينة لازم تتوفر في عنوان IP

عنوان IP يتكون من 4 خانات نرمز ليها بيـ w.x.y.z وللـ IP عدة فئات لكن المستخدمة في الشبكات 3 فئات هي :-

الفئة A : تبداء من 1 إلى 126
الفئة B : تبداء من 128 إلى 191
الفئة C : تبداء من 192 إلى 223 ( استحملو شوية راح تعرفو فايدة المعلومة هذي )

إلي يحدد نوع فئة الـIP هي الخانة الأولي :-
مثلا لوعندنا الـ IP التالي: 10.140.120.17 يصنف من الفئة A عشان الخانة الأولى بداءت بي 10 وهكذا مع البقية


والشرط الضروري عشان جهازين يقدرو يتصلو لازم يكون جزء الشبكة في الجهاز الأول هو نفس جزء الشبكة في الجهاز الثاني ويختلفو في جزء الجهاز ( راح أشرحلكم النقطة هذي )

الفئة A : الخانة الأولي تسمى جزء الشبكة والثلاث الخانات الباقية تسمى جزء الجهاز W.x.y.z

الفئة B : الخاناتين الأولي والثانية تسمى جزء الشبكة والخاناتين الثالثة والرابعة تسمى جزء الجهاز W.X.y.z

الفئة C : الخانات الأولى والثانية والثالثة تسمى جزء الشبكة والخانة الرابعة تسمى جزء الجهاز W.X.Y.z

راح احط أمثلة عشان يوضح أكثر وأكثر

1- عندنا جهازين الجهاز الأول عنوان الـ IP 115.120.111.66
الجهاز الثاني عنوان الـ IP 115.140.30.70

في هذي الحالة الجهازين من الفئة A و راح يتصل الجهازين لأنو انطبقت عليهم الشروط اتشابهت الخانة الأولي إلي إسمها جزء الشبكة واختلفت الثلاث الخانات الباقية ِإِلي إسمها جزء الجهاز ..

2- عندنا جهازين الجهاز الأول عنوان الـ IP 111.120.30.40
الجهاز الثاني عنوان الـ IP 111.120.30.40

في هذي الحالة الجهازين من الفئة A لكن ماراح يتصلو مع انو جزء الشبكة متشابه الي هيا الخانة الأولي , لأن طبعا جزء الجهاز إلي هوا الثلاث الخانات الباقية نفس العنوان وهذا طبعا راح يسوي تعارض وماراح يتصلو ابدا ..فالبتالي لازم جزء الجهاز يكون مختلف


3- عندنا جهازين الجهاز الأول عنوان الـ IP 180.120.55.40
الجهاز الثاني عنوان الـ IP 195.120.30.99

في هذي الحالة الجهاز الأول من الفئة B وجزء الشبكة هي الخانتين الأولى والثانية والجهاز الثاني من الفئةC وجزء الشبكة هي الثلاث الخانات الأولي وعلى حسب الشروط ماراح يتصل الجهازين لأنو جزء الشبكة أختلف في هذي الحالة

لكن يمكننا أن ننشئ إتصال بين جهازين لديهم جزء شبكة مختلف وذلك عن طريق جهاز يسمى ROUTER وهذا موضوع ثاني إذا فيه عمر وعافية راح أتكلم عنو ..

عشان نسوي شبكة بين جهازين لازم يكون فيه كرت شبكة في كل جهاز – ولازم يكون فيه كيبل شبكة خاص بين جهازين فقط – لانو الكيبل الي بين جهازين فقط يفرق عن الكيبل الي بين عدة اجهزة ( راح اتكلم بعدين عن طريقة اتصال اكثر من جهاز عن طريق الشبكة )..


بعد ماعملنا الخطوات السابقة راح اشرح لكم كيف ننشئ ملف مشاركة وكيف أدخل على ملفات المشاركة في الجهاز الثاني للمعلومية المشاركة ماتصير إلا على المجلدات عشان كدا إذا حبينا نسوي مشاركة لملف معين ننشئ مجلد ونحط فيه الملف وبعدين نسوي مشاركة للمجلد ...



في بعض الأحيان ماتقدر تدخل على مجلد المشاركة لوجود مشاكل في شبكة الإتصال .. إذا حاولت إنك تدخل على مجلد المشاركة في جهاز ما ورفض .. أتأكد إنو في إتصال بين جهازك وبين الجهاز الثاني وذلك عن طريق شاشة موجهة الأوامر تكتب الأمر Ping ( يستخدم هذا الأمر لفحص الإتصال )مسافة بعدين تحط IP الجهاز إلي تبغا تتصل معاه

إذا أعطاك Replay أربعة أسطر معناه الإتصال موجود والمشكلةفي عدم مقدرتك انك تدخل مجلد المشاركة في الجهاز الثاني ماقدر احدد بالضبط ممكن تكون ماعندك صلاحيات للدخول على المجلد أو تكون فيه المشكلة في إعدادات Firewall مانقدر نعدد الأسباب


معنى الرسالة إنو مافي إتصال بين جهازك وبين والجهاز الثاني والمشكلة ممكن تكون انو الجهاز الثاني مغلق أو كيبل الشبكة فيه مشكلة او مفصول او كرت الشبكة فيه مشكلة يحتاج إلي إعادة تعريف كل ماعليك إنك تفحص أجزاء الشبكة من الكيبل والكرت وشوف شروط IP عشان تقدر توصل لحل المشكلة