حظي منيل بنيله !!

اميره مزيونه · 04-01-2007, 05:00 AM

الجرح والفرقا وميلات الأقدار

..................... صاروا رفاقه ضد قلبي يا ويله

باسباب واحد صاير اليوم غدار

........................ باع الصداقه بين يومن وليله

وشلون طاوع فعلته يترك الدار ؟

................... والدار (قلبي) مايبي احدن بديله

والله لو اني منك انا بآخذ الثار ؟

.................... والله لاخلي القلب يشفي غليله

مير البلا عقلي يهوجس بالأفكار

......................... يقول كيف الخل يهجر خليله

المشكل ان الجرح مايقبل اعذار

...................... و المشكله .. حظي منيل بنيله ;)

القلب يهوى القرب والعين تحتار

................... والروح وقت العشق تصبح هبيله

ماتدري ان الهجر ينقص بالأعمار

........................ تعال واصلني وتكسب جميله

ماني من اللي همهم لعب بالنار

.................... مادام وادي العشق يهدر بسيله

والله اني اعشقك سر و جهار ..

...................... عشق واحد .. بس يكفي قبيله

دمــ ــعــ ــه · 04-01-2007, 08:21 AM

اميره حبك يكفي قبيله بس لا اجل ما تعرفين تحبين

تحياتي لك يا أموره

ابيات جميله بصراحه

وصح لسانك

قشله بنت لؤي · 04-01-2007, 10:53 PM

وشلون طاوع فعلته يترك الدار ؟

................... والدار (قلبي) مايبي احدن بديله

صح لسااااااااااان شاعرهاااا وسلمت يمينتس يالغلا ولاهنتي ...

الكصيده جميييله وتوسع الصدر ...... في انتظار جديدك لاعدمناك ...

في امان الكـــــــــريم ..

اميره مزيونه · 04-03-2007, 01:50 AM

يسلمووو حبايبي على مروركم الكريم وتقبلوا تحياتي اختكم اميره مزيونه

MooDi MooN · 04-04-2007, 01:23 AM

يعطيك العافية ...
قصيدة حلوة

حظي منيل بنيله !!

شعروشعراء