محمد ابن فطيس ... ضيقة عصير

البـدر · 03-26-2007, 09:52 PM

اقتباس:

المشاركة الأصلية كتبت بواسطة قشله بنت لؤي

تهببببببببببببببل .... صح لسان بن فطيس ... وسلمت يمينك يالبدر ... القصيدة خطيرررررره ... وانا ودي فقصيدته الاخيره ...اذا ماعليك امر ..
:p

الضيقه اللـي دايمـاً تالـي عصيـر

وش حيلتـي واردّهــا لا تجيـنـي

لاطال ظل العود حزة عشـى الطيـر

كنها على سجـن الحديـد تحدينـي

يضيق صدري كل ما جـت واسيـر

ولا يخفـف سـوج رجلـي حنينـي

لاحولنـا مشـراف ولا اقـدر اطيـر

يالله قسـمـة خـيـر لا تبتليـنـي

وعقارب الساعه توقف عن السيـر

ولاكن في الدوحه سواتـي حزينـي

والعبره اللي تاصل الحلـق وتحيـر

ياقربها لـو قيـل لـي ( ياعوينـي)

امل شـوف النـاس وردّ ومصاديـر

واللي يقول اشفيـك كنْـه يهجينـي

يعني على ماقيل من بـاب تصويـر

( لحد ٍ ابي قربه ولا احـد ٍ يبينـي)

اروح ادوّر( خط) ما بـه( دواويـر)

وادوّر الـلـي هـادهـا تهديـنـي

واخذ مع الهاجـوس سجـه وتفكيـر

واراجع اللـي فـات بينـي وبينـي

واحسّـب ذنوبـي وادوّر لتكفـيـر

وعسـاي ماقصـرت فـي والدينـي

وعساي ماقارنت مـن ينفـخ الكيـر

واللي يحمل المسـك جعلـه قرينـي

ويطري علي يوم الحشر واطلب مجير

ما اعطى كتابي في شقيقـة يمينـي

ويطري على صدقان كثـر الدنانيـر

اللـي تعادينـي الـى كثـر ديـنـي

وراع الهروج اللي سوات المناشيـر

اصـد عنـه وادري انـه يعنيـنـي

الله حسيبه يـوم عـرض القواريـر

والله حسبي مـن صـواب ٍ مكينـي

والى طرالـي واحـد ٍ كانـه صغيـر

امـا اصغـر بيوميـن ولا سنينـي

دريت وش قومـي وعينـت تفسيـر

للضيقه اللـي مـن زمـن تعترينـي

حبه بصدري سالفة سـر فـي بيـر

وكـن الفـواد يقـول هـذا زبينـي

اشفق على علم ٍ يجي منه من غيـر

مايسمع اللي سولفـوا بـه ونينـي

العام اجيهم مـن حسـاب المساييـر

واليوم حـال عـداي وينـه ووينـي

ياكثرهم غيـره ولكـن خبـر خيـر

ماغير شوفه فـي الوجـود يهنينـي

رايـي كـذا ياعاشقيـن الغنـاديـر

ماله على وجـه البسيطـه وزينـي

خطاي تعليق الامـل فـي المدابيـر

إليـن راح وشفـت حقـري بعينـي

صبر جميـل وخابـر انهـا مقاديـر

والله على تخفيـف حزنـي عوينـي

ذي حالتي لين اتغبا الشمس واصيـر

معطى صراحي عقب ما انا سجينـي

والى امتلا جوف الشجر بالعصافيـر

طلبـت مـن رب العبـاد يهديـنـي

يعتقني المذن عقب ضيقـة عصيـر

اللي على سجـن الفـراق تحدينـي

دمتم بود

أم بنــدر · 03-26-2007, 10:14 PM

راااااااااااااااائعة جدا ....مشكوووور والله يالبدر على نقلك المميز.....

يستاهل المليون ابن فطيس ...

وفقك الله ونحن بانتظار جديدك دائما....:)

اسـ الجروح ــير · 03-27-2007, 04:49 PM

قصيده بمليووووون وشاعر الملايين

تسلم ياذيبان على النقل والابداع

تشكرااات على النقل

تحياااتي :

أأســ الجرووح ــير

قشله بنت لؤي · 03-27-2007, 07:03 PM

مشكوووووووووووووور يالبدر ماقصرررت... وبيض الله وجهك .... تسلم وانا اختك ... وعز الله ان ابن فطيس يستااااهل ...صح لسانه وسلمت يمينك ..

تشاوووووووووو

الحلم البعيد · 03-28-2007, 07:49 PM

صح لسان ابن فطيس

شاعر مبدع وكلمة مبدع قليلة عليه

مشكور اخوي البدر على النقل

لاعدمناك

تحياتي
الحلم البعيد

البـدر · 03-30-2007, 03:37 AM

ام بندر

اسير

ملعقه

الحلم البعيد

ربي يسلمك على مروركم الكريم

شوووووووووووووكرررررررررررررررررن

**ضاميه** · 11-22-2008, 12:55 AM

م

اقتباس:

المشاركة الأصلية كتبت بواسطة البـدر

ام بندر

اسير

ملعقه

الحلم البعيد

ربي يسلمك على مروركم الكريم

شوووووووووووووكرررررررررررررررررن

**ضاميه** · 11-22-2008, 01:00 AM

قصيده تستحق الاصغاء وشاعر يستحق الاعجاب واختيار يستحق كل الشكر

**ROOMYO** · 11-22-2008, 01:24 AM

يسلمووووووو خيو البدر يعطيك الف عافيه على هذي القصيده

**ضاميه** · 11-22-2008, 07:06 PM

طبعا انا عضوه جديده على المنتدى او بالاصح على النت فاعذروني على التخبيص اللي حصل سعيده جدا بتواجدي بينكم

محمد ابن فطيس ... ضيقة عصير

شعروشعراء