تكفا ترى تكفا تهزّ الرجاجيـل بيت مشهور من أكثر القصائد التي نتناقلها

@الصدر&الجريح@ · 02-18-2007, 01:26 AM

تكفا ترى تكفا تهزّ الرجاجيـل
لولا صروف الوقت ماقلت تكفا

بيت مشهور من أكثر القصائد التي كثر اللغط حولها ..

وهي للشاعر: محمد الدحيمي الشهري المعروف بــ (أخو تكفى (..

.اليك القصيدة بمحتوى البيت السابق.

اما لطمنا العيل والا الطم العيل / مادام شب النار مندوب الاطفا

من ذاق حر القايله يعشق الليل / ومن شب ضوه ليلة البرد يدفـا

امسيت في جيلٍ ولاهوب ذالجيل / واصبحت والا ديرتي شبه منفـا

واللي حما بيته بطيـرن ابابيـل / ماجيت ادور كل من صد وقفا

ولاجيت ابشحذ يانما دلّه وهيل / جيتك وجرح الظلم غاديه يشف

جيتك بكلمه كنها صعقة الويل / ان قلت تكفا لاتهـاون بتكفـا

تكفا تراها كلمةٍ تقطم الحيـل / لابالله الا تنسف الحيـل نسفـا

تكفا ترا تكفا لها هدرة السيـل / في صدر حرٍ ينتف الطيب نتفـا

تكفا ترا تكفا لها تسّرج الخيـل / ان كان لك في مجمع الخيل عسفا

تكفا تراني من قرومٍ مشاكيـل / حماية الساقه بسيـفٍ وشلفـا

تكفا وتكفا ماتسـاق لمهابيـل / تكفا تخلّي القرم لاشٍ وهطفـا

تكفا ترى تكفا تهزّ الرجاجيـل / لولا صروف الوقت ماقلت تكفا

قشله بنت لؤي · 03-01-2007, 08:10 PM

صح لساااااااااااااااااااان الدحيمي وسلمت يمينك ... مشكورررررررر ولاهنت ..قصيده رائعه

قشله &

@الصدر&الجريح@ · 03-03-2007, 09:46 AM

شكرا على المرور بدري وخيتي القصيدة خمجت ;)
يعطيكم العافية جميع,,,

أم بنــدر · 03-05-2007, 07:58 AM

يعطيك العااافية ياابو علي:)

بس صراحة مافهمت ايش هذا:

اما لطمنا العيل والا الطم العيل / مادام شب النار مندوب الاطفا

:)

@الصدر&الجريح@ · 03-05-2007, 09:13 AM

هههههههههههههههههه الله يسعدك ام بندر قولي امين
خلي مشرفة القسم تشرحلك اهي الشاعره ;)
الشطر الثاني مفهوم الأول بصراحة مب فاهمه نوعا ً ما
اهم عيال يعني ولا شي يتبع للإبل الله اعلم لست
بشاعر وانما متذوق للحرف لا اكثر
تشكرات على مرورك.

أم بنــدر · 03-06-2007, 11:31 AM

:) ابو علوش الله يسعد الجميع يااارب:)

كويس انت فهمت الشطر الثاني...والله لسا انا مافتحت الخط :)

@الصدر&الجريح@ · 03-06-2007, 04:14 PM

مادام شب النار مندوب الاطفا
خط مين وفتحتي مين؟؟؟
يعني المقصد ان البيت مفهوم يعني الدفاع المدني شب الحريقه ههههههههههههههههه
اقول لا ندقق ام بندوري خلاص :o

أم بنــدر · 03-07-2007, 01:19 AM

بالله من جدك؟؟مو مندوب الاطفاء على قولتو يطفي النار كيف صار يولع النار؟؟؟اما عجب!!

قشله بنت لؤي · 03-07-2007, 01:34 AM

اولا : بدري من عمرك الصدر ... وشكرااا على تلقيبي بالشاعره ..وما انا الا متذوقه مثلك ... وادري اني مقصره في قسمي الشي الكثيررر ..بس وش نسوي .. الله مير يفرجها ..

المهم ..اعتقد ان البيت واضح ام بندر .... العيل ...معناها العايل ..يعني الي يعول عليك ويتعدى عليك .. والشاعر يقصد بها البيت ... اما عنك ولا عندنااا ..دام الي شب النار وشبها بينا الي المفروض يطفيها ... هذا اعتقادي والله اعلم .. واذا كنت غلطانه صححولي ..

كعمووووم قصيده جميله ...من شاعر رائع ...
قشله

@الصدر&الجريح@ · 03-07-2007, 09:25 AM

صحححححححححححححح قسم بالله انك رهيبه انا ماقلتلك انك شاعره وتقولي لأ متذوقه
الف شكر لك بعدين يا قشله لا متأخره ولا شي وخيتي كلن له ظروفه يسعدك ربي
ها ام بندوري انبسطتي خلاص الحمدلله ... بطلنا ننزل قصايد بكره تحشرنا ام بندر هههههههههه ;)
يسعدكم ربي جميع سلام

تكفا ترى تكفا تهزّ الرجاجيـل بيت مشهور من أكثر القصائد التي نتناقلها

شعروشعراء