جنرال لو سمحت مساعدة....

أم بنــدر · 02-17-2007, 04:28 AM

السلااااااااااااام عليكم....:)

عندي سؤال او مشكلة....دحين عندي في اللاب توب برنامج نورتن سيكورتي الاصفر تعرفوا؟؟؟

المهم طبعا بعد ماتنزل البرنامج لازم تعمل ابديت من النت اوكي...

عملت ابديت يجلس يحمل الاشياء المهم ياسيدي كل مااعملو ابديت يحمل ولمن يقرب

ينتهي يقولي انو فيه خطأ لماذا؟؟؟؟؟

**@الصدر&الجريح@** · 02-17-2007, 09:49 AM

احذفي النورتن كله من جهازك وحطي كاسبر انتي فايروس وربي رهيب
واذا تبغي النورتن اكيد قوي طبعا ومعروف اعتقد عندك خطأ في السكرتي سنتر او البرنامج عامة
الله اعلم حبينا نرمي كم معلومه عل وعسى تنفعك :)
بارك الله فيكم وفي إنتظار مبدعنا جنرال

أم بنــدر · 02-18-2007, 01:16 AM

هلا ابو علي تعرف لمن تشتري جهاز جديد وانت في المحل تقولو اعملي كذا وكذا ويعملك عكس الي تبغاه

نفسك تروح وتديه كم بوكس على وجهه وترجع انا من اشد المحاربين للنورتن قلت له ياآدمي ماابغى نورتن قلي اوكي راح انزلك كاسبر او مكافي اول مافتحت اشوف نورتن قدامي ايش اسوي؟؟؟؟

مشي حالك بس راح احذفو ان شاء الله وانزلnod32 كان اسمو كذا خطير لايفوتك احسن منهم كلهم....

مشكووووور على تواجدك الجميل....وفقك الله وسامحني شوية معصبة:)

**الجنرال فايروس** · 02-18-2007, 01:30 AM

حياكي ام بندر
وحياك @الصدر&الجريح@

ولبيــــــــــه

شوفي يا ستي هانم
عشان تعرفي بس
اولا النورتن انتي فايروس اول وافضل برنامج حمايه على الاطلاق من ناحيه الفيروسات
وعيوبه
كبير في حجمه
وثقيل بعض الشيء
والعله اللي الناس ما يحبوها فيه الابديت

اما برنامج نورتن سيكورتي
والله وبكل صراحه ما جربته
بس انا اول ما اشوفه على جهاز اي بني ادم من الاقارب او الاصحاب اشيله واحط النورتن انتي فايروس

وبالنسبه للمعلوه اللي قالها اخوي وحبيبي @الصدر&الجريح@
انك تشيليه وتحمليه مره تانيه فهي احسن فكره
وعشان تعرفي السبب هو لمن نزل الاصدار اللي عندك اكيد مليون في الميه
جاته رساله خطا وفيها خيار يقول تخطي هالمشكله
وعشان كدا سار عندك مشكله في الاب ديت (هذا في حاله انك من مستخدمين الدي اس ال)

لكن لو كنت من مستخدمين الدايل اب فهذه المشكله عاديه جدا
وكل اللي عليكي تسويه انك تسوي اب ديت وما تسوي شي تاني يعني بالعربي سيبيه الين انتهي ولا تصفحي في النت
واذا برضو صارت المشكله نفسها فمعنته لازم ينشال ويرجع يتنصب من جديد
وان شالله اني احط في المنتدى النورتن انتي فايروس 2007 كامل مكمل ان شالله
وتقبلو تحياتي انتم الاتنين
اخوكم الجنرال

**@الصدر&الجريح@** · 02-18-2007, 01:55 AM

تأبر البي جنجن ;)
نفسي ياخي نسوي دورة صيانة وانا مستعد بالصور افتح جهازي واطبقها خطوه خطوه
ولا غنى مساعدتكم
بلى محلات بلا خرطي وربي ماراحت فلوسنا غير عند الهنود والسودانه
لكن يجيب الله مطر ونسويها بالقريب العاجل بإذنه تعالى ,,,
عصبي كيف ماودك ام بندوري مش مشكلة نحن بالخدمة اساسا ملح الحياة العصبية :o

**الجنرال فايروس** · 02-18-2007, 02:05 AM

والله كلامك صحيح
يا خي المحلات تستخ بالناس هذه الايام
في كل شيء ياخي حتى في العصيرات تقلك هذا عصير عرايسي وهذا مدري ايه
ياخي كلها فبركه بس
تدري
صار لي موقف معليش راح اكتبه هنا
في يوم من الايام وقبل لا توجد خدمة الدي اس ال
طنت في راسي اسوي خدمة الستلايت (بس مو عن طريق الاوربت او الشو تايم او الاي ار تي)

المهم في مكه وانا من سكان مكه
مافي غير محلين اللي تسوي الخدمه هذه
عشان الاعدادات وعشان الاشتراك بالفيزا
المهم تصدق المحل الاول قلي انه راح يسويلي كل شيء بدون كرت الستلايت (لاني مشتريه اصلا)
بـ700 ريال مع الاشتراك ومن غير الدش (الستلايت) ووزنه
يعني بس اعدادات واشتراك والبرامج الخاصه

اما المحل التاني فقلي 500 <=== والله انه (فرحان بوجهه قال بـ500)

تعرف راسلت الشركه عن طريق النت
تعرف كلفني كم
300 ريال فقط
الاشتراك
الاعدادات اعطتني هيا الشركه على البريد بس بالانجلش (وتعبت عشان افك الشفره)
الستلايت مع الوزن على القمر المطلوب
وصلى الله على محمد

أم بنــدر · 02-18-2007, 02:08 AM

هلا بالجنرال والله يعني انا مو اول مرة اعمل هذي الاشياء دائما انزل البرامج لكل الي في البيت اعملهم ابديت

عادي بس انو الجهاز جديد ولازم هو يركب كل شي....:) مومشكلة الي يقهر مايلتزم بأي شي طلبتو منو ليه ماادري

المهم انا صراحة على اشتراك ارامكو مو بطّال كويس وسويت ابديت عادي سيبتو براحتو بس مايكمل....

طيب تنصحني دحين انزل نورتن ولا مكافي ولا كاسبر...ولا نود 32

بانتظار رأيك