شفتها صدفة....

أم بنــدر · 02-08-2007, 04:08 AM

هذه قصيدة وصلتني عبر الايميل وحبيت انك تقرأوها...

شفتها يا سعود صدفه بعد ما غابـت سنيـن
عند قسم المختبـر وسـط مشفـى الجامعـه
جيتها ثم قلت ممكن فـي سؤالـي تسمحيـن
ناظـرت فينـي بدهشـه نظــره متواضـعـه
قالت انتـه تحسبنـي مـن بنـات صايعيـن
تحسبني في زمانـي عـن طريقـي ضايعـه
قلـت انـا مـاراح اطـول كلبوهـا كلمتيـن
وابعــدت عنـي شـويـه ثـم جتنـي راجعــه
قالت اسال واضح انـك مـن رجـال طيبيـن
بس هرجك يالسنافـي كـان وشهـو دافعـه
قلت انا حبيـت وحـده يـوم كنـا صغيريـن
ومن ثمان سنيـن راحـت للمواصـل قاطعـه
عقبهـا ماذقـت نـوم يهتنـيـه النايمـيـن
ساهر في طول ليلـي ليـن شمسـي طالعـه
اذكر انه فيه حبـه فـوق ثغـره مـن يميـن
واذكـر انـه لاجرينـا كـن شعـره تابـعـه
واذكـر انـه عاشـق الــورد والياسمـيـن
وصار قلبي بالـورود اللـي عشقهـا زارعـه

طابعا اسمه بقلبي فيه (سين) وفيـه (عيـن)
وفيه (الف) وفيه (دال) وسـط قلبـي طابعـه

قاطعتنـي بقولهـا سبحـان رب العالمـيـن
كررتهـا مــره .. ومرتـيـن .. ورابـعـه
قلـت وشفيـك وشبـلاك يابنيـه ترجفـيـن
ليـش عينـك يابنيـه مـن كلامـي دامعـه

قالـت الموقـف وقلبـي والمحبـه والحنيـن
كيـف اشوفـك بعـد ماكنـت عنـك قانعـه

قلت انـا بسألـك ان كانـك انتـي تذكريـن
عـن مواثيـق ثمنهـا مـن حياتـي دافعـه

قالـت ظـروف الزمـان ماتطيـع العاشقيـن
بيعوني غصب حبك لـو هـو مانـي بايعـه
انا في دنيـاي حالـي كنهـا حـال السجيـن
حتى لو فكـوا سراحـه فيـه شـي ٍ مانعـه

زوجوني غصب واحـد وحرمونـي حاجتيـن
السعـاده فـي زمانـي والحـيـاه الرائـعـه
والحيـن انـا ام لثلاثـه ريــم وياسمـيـن
والولد اسمه على اسمك والمشاعر جايعه