خدمة من الجوال تقدر تشحن جوالك العام بكرت سوااذا إنفصل@

أم بنــدر · 10-26-2006, 03:02 AM

السلااااااااااام عليكم...

اولا هذي الخدمة لا تسئلون عنها عند 902 او مكاتب الاشتراكات لأن ما عندهم خبر فقط اسئلوا من رتبته مدير فما فوق في شركة الاتصالات

- هذه الخدمة تسمى شحن الجوال العام " الفاتورة " بكرت شحن من سوا .

- يعني لو انفصل جوالك العام بسبب الحد الائتماني "استقبال " ، او انفصل بسبب عدم السداد " استقبال وارسال " او حتى لو ما انفصل ، تقدر تاخذ كرت شحن سوا " 10 ريال او 50 ريال او 100 ريال " وتكلم بجوالك العام .

- والطريقة سهلة تتصل على 1500 وتشحن جوالك مثل "سوا " واذا جيت تتصل على رقم لازم تضغط قبل الرقم نجمة ثم ثمانية ثم الرقم المطلوب مثلا :

8055XXXXXXX*

- وايضا حتى لو ماكان عندك "صفر دولي " عادي اشحن جوالك واتصل دولي مثلا :

80096655XXXXXXX*

وهذي تفيد الناس الي مايحبون يضيفون الصفر الدولي

- وميزة هالخدمة ايضا ان الارقام الي تتصل عليها ماتبين في الفاتورة نهائيا ولا يجيك تقرير بها .

- وايضا تقدر تشحن جوالك باي وقت حتى لو منفصل ارسال واستقبال ، اهم شي ما يكون الجوال ملغي نهائيا.

- وايضا حتى لو جوالك موب مفصول ومكالماتك وصلت 200 ريال مثلا وتبغى الفاتورة بس تصدر بهالمبلغ عادي اشحن جوالك بكرت "شحن سوا " وقبل اي رقم تتصل عليه اضغط على" 8* " حتى ينخصم من الشحن ولا ينحسب على الفاتورة .

- هالخدمة بتفك الناس الي ينفصل جوالهم في اوقات حرجه ويمكن تسدد ويقولون لك 902 بعد 24 ساعة يشتغل بسبب نظامهم "الدايخ " وانت مضطر تكلم فعادي اشحن وكلم .

- وايضا تقدر تحط جوالك حد ائتماني منخفض 300 ريال ، ولو انفصل تشحنها وتكلم .

- وايضا بعض الناس فواتيرهم مثلا توصل 1800 او 1000 وينفصل بسبب الحد الائتماني او بسبب الفاتورة قبل "العيد " باسبوع " فعادي يشحن ب100 او 200 ويكلم فيها .

ترى مجربينها:)

ست الحسن · 11-21-2006, 06:27 PM

مشكورة حبيبتي ام بندر

انا سمعتها من اخوي بس ماجربتها

زين ريحونا من الدوخة

يعطيك العافية

تحياتي

**لحن البراري** · 11-26-2006, 09:01 AM

يؤ يؤ ماعندي رقم والا كان جربت !

أم بنــدر · 01-04-2007, 03:15 AM

حياكم الله جميعااااا

صراحة لاول مرة في حياتي يتفصل جوالي وكنت مساافرة وابغى اتصل على اهلي فأضطريت

اشحن بسوا عشان اقول لابويا سددلي جوالي لو سمحت :)

كانت تجربة جديدة في حياتي :)

وخدمة رااائعة منهم وتفيد وقت الازمااات

كل الشكر لكم على المرور الحلو وفقكم الله

*@ Naif @* · 01-19-2007, 01:24 PM

الله يعطيك الف عافية
تحياتي لك
وبنتظار ابدعاتك القادمة

أم بنــدر · 01-19-2007, 03:14 PM

حياك الله اخي نااايف:)

منور المتصفح ياخويا...اسعدني تواجدك الرااائع...

وفقك الله

خدمة من الجوال تقدر تشحن جوالك العام بكرت سوااذا إنفصل@

برامج جوال والاتصالات