ســــلام

صراحه استغرب الحمله الشنيعه والرهيبه على طاش ما طاش من قبل البعض .. وما يخفف عني ان هذا البعض اراه فعلا قليل .. بيقول البعض القليل هذا ليه يخفف عنك ؟؟؟؟ يخفف عني لاسباب كثييييره

يخفف عني لاني ارى من يريدون المجتمع السعودي بدون رأي ورأي اخر قله .....

مااحد ينكر ان ناصر القصبي والسدحان طرحو مشاكل داخل المجتمع السعودي بطريقه كوميديه بغض النظر كانت مضحكه ولا ان البعض ماكان له نفس يضحك فأعتبرها غير مضحكه.. وكان طرح جرئ جدا جدا .. لم يتجرأ احد قبلهم على طرحه

وبعدين وشو تصوير الرجال يلبسون ملابس النسااء ياخي انظر للمغزى لا تنظر نظره سطحيه.. ( مع احترامي لشخصك ) طبعا شئ مستحيل ان هالشئ يصير واللي يناظرون عارفين هالشئ حتى الامريكي واليهودي لو يشوفها بيضحك وبيعرف وش القصد ؟؟!؟؟؟ وماراح يقولون والله السعوديين يلبسون ملابس النساء يوم الزواج

ومن ناحية قولك :
" اللتي اتخذت جميع الشخصيات خصوصا الدينية منها ومازلت في استهزاء دائم لنا "
هل تنكر وجود مثل هذه الشخصيات داخل المجتمع السعودي ؟؟ هل تنكر وجود اشخاص يربون اللحى لاغراض دنيويه ؟؟ هل تنكر وجود اللحى في وجوه كل منهم في الفئه الضاله ؟؟؟؟ هل تنكر ان الهيئه لها اخطاء يجب تصحيحها وهل تنكر ان الهيئه الكثير من موظفيها هم من اصحاب السوابق ؟؟؟
طيب ليه تنكر حق السدحان والقصيبي كممثلان سعوديان من نقل هذا الشئ بطريقتهم الكوميديه الى كل مواطن والى كل مسئول ؟؟؟
بتقول الناس والامه الاسلاميه يشوفونه .خلهم يشوفون .. وين الاشكاليه في انهم يعرفون!! يعني اذا عرفو بيقولون والله كل سعودي من نفس الطينه بيقولون كل مطوع من نفس الطينه ؟؟ اكيد لالالا وستين لالالا.. لأنه وباختصار شديد كل شعب فيه الشين والزين وفيه الخيب والطيب ؟ والسعوديه والسعوديين فيها الشين والزين مثلها مثل غيرها
قبل ماتطالب طاش ماطاش بالتوقف طالب الكثير من السعوديين ( السياااح ) اللي يسافرون للدول العربيه والدوليه بالتوقف وان تسحب جوازتهم لانه عكسو صوره سيئه عن الشباب السعودي .. ( وجابو في طاش حلقه عن هالمشكله ) .. طالب بوقف الرشوات في الدوائر الحكوميه ( البلديه وطقتها ) والرقابه عليها ( وجابو حلقه عنها طاش ) طالب بحل مشكلة الفساد الاداري ( وجابو حلقه عنها طاش ) ... ليه تحاول تضييق نطاق طاش في انها بس همها الاول والاخير المطاوعه ؟؟


تعقيبا على كلامك : " لعنة الله عليكم نعم اقولها في هذا الشهر الفضيل بكل قلب ٍ قوي ولا بارك الله في مسلسل تافه مثلكم " اقول : استغفر الله العلي العظيم لا تنسى انهم مسلمين .......
" الا لعنة الله على الظالمين "

اقتباسا :
" همكم وشغلكم الشاغل كيف نضحك المشاهد العربي بصفه خاصه والغربي بصفه عامه ؟؟؟ "
اقولك ترى صنع الضحكه فن والابتسامه اجر .. اما من ناحية المشاهد الغربي ؟!!!!!! مااذكر اني شوفت طاش مترجم ؟!!!

اما من ناحية اذا كان طاش مسئ لنا كالسعوديين اما لا ؟؟ لانك اتهمت طاش بالاساءه للسعوديين امام باقي المجتمعات ؟؟
اقولك : لو كان طاش مسئ لنا مااظن انك انت او حتى انا ..اكثر فهما ووعيا وحرصا على وطننا ممن سمحو لهذا المسلسل بأن يصور في ارض سعوديه و يذاع في قناه سعوديه ولا تنسى انه مايذاع الا براقبة من وزارة الاعلام التابعه لمجلس الوزراء السعودي الذي يأمر فيه ولاة الامر ولو رأو بمثل مارأيت انت لمنع المسلسل بتاتا .. حفظ الله لنا ولاة امرنا ...


ختاما اقولك
طاش له الان اربعة عشر عاما وهو يعرض وهذا اكبر دليل نجاح وايردات طاش تعزز هذا الدليل وطاش احد المسلسلات الاكثر جرأه وحريه في طرح المواضيع رغم القيود التي عليهم وحذف بعض الحلقات..



اتمنى ان تتقبل وجهة نظري برحابة صدر وسعة بال

تحياااااااااتي :

أأســــــ الجرووح ـــــــير