بعد شهرين .. من وفاة إبني .. إتصل علي دكتور ؟؟؟ ( للنقاش )

**@الصدر&الجريح@** · 08-01-2006, 07:06 AM

[IMG]http://helpali.com/wp-*******/themes/ny/images/nyny2.png[/IMG]

السلام عليكم

وصلني هذا الرابط

http://www.mstaml.com/club/club.php?I=24162

من الأخ العزيز ياسر الغامدي و هي قصة أو بالأصح مأساة أخرى من مآسي وزارة الصحة و عدم قدرتها على التعامل مع الحالات المرضية بشكل فاعل. اترككم مع القصة و القصيدة كما هي من الرابط:

يقول الشاعر عقاب الربع الشمري … بعد شهرين .. من وفاة إبني .. إتصل علي دكتور من مستشفى كبير ليدعو إبني لأنه جاه الدور بالمواعيد ….
وهذا ماقاله الشاعر : عقاب .. الربع …

ألو مرحب..هلاوالله تفضل معك انا ‏اهلين

‏أخوي ابغى ولي امر يوسف عقاب انا الدكتور

‏تنهدت ودريت انه مولم طعنة ‏السكين

‏وانا من دون سكينه ياكم سكين بي مكسور

‏نعم آمر يادكتور وتلفض لي : (بعد يومين)

‏تجي معك الطفل يوسف ولاتفوّت عليه ‏الدور

‏سكت ‏وقلت ‏يادكْتْوْر ‏انا ‏ويني ‏ويوسف وين

‏ يادكتور وينكم ‏عنّه ‏وانااصرخ لي ‏ثلااااث ‏ شهور

‏ تجاهلتوه ‏ياابن ‏…….. ‏طنشتوه يالوسخين

‏ علشانه ‏شمالي ‏أوعلشانه مو ولد هاموووووور؟

‏ حبيبي ماات يادكتور قدامي قبل ‏شهرين

‏ قبل شهرين كفنته انا فـ ( يديني ‏) يادكتور

‏ زهق من ‏(مجزرة رفحاء) وغذايه وخبث ‏ ايدين

‏ وتعب من( اجهزة عرعر) ومستشفى كل ابوه قصور

‏ نخاكم بس يبي منكم سرير ينام فيه ‏ شوين

‏ وكسرتوا خاطرالطفل وغدا من خبثكم ‏مخطور

‏ تكاثرتوا على يوسف ‏( هوا الله ) ليه ‏ ياشينين

‏كأنه من كثرغبنه بكم واااادع وهو ‏ مقهور

‏ حرام إنتم بشر واذا بشر فانتم من الضالين

‏ بلا رحمه بلا دم وضميرٍ فاسدٍ ‏مقبور

‏ يابيخك حيل بايخ يااستشاري المسخره والبين

‏ فـ برودة دم تبغاه يحضر؟ من وين؟ من ‏هالقبور

‏ قبل مده وقفت وشافوا وقوفي هالغالين

رجعت ولا معي يوسف وعّمر هالحزن بصدور

‏ رجعت لبيتنا ضايق حزين ولا دمعت لي عين ‏

لأني لو بكيت امه تموووت وجيتها مسرور

‏ واقول اليوم لاتبكين غيره نُرزق بعشرين

‏ويُملا البيت يا ( أم يوسف ) وانا في داخلي ‏مذعور

‏الى هالحين ماسكرّت؟؟ علامك ؟ وش تبي هالحين

‏عطاك العمر يادْكْتُوُرْ ولا قصّرت به مشكوووور

‏يابايخ … ضف وجهك ولا ابغى تتصل بعدين

‏حبيبي مات من شهرين فماااااااان الله يادكتوووووور

انتهى النقل

محمد علي
-------

لاحول ولاقوة الا بالله العلي العظيم فعلا ً الى متى سوف نستمر بهذه الحاله والتخلف في المستشفيات

صحيح ان حكومتنا ماقصرت ولا ننكر هذا الشيء ولكن للأسف الفساد الإداري طغى على الجميع

خصوصا مرض الــ ( واسطة )

لو عندك احد في مشفى حكومي يحطك درجة VIP ولو ماتعرف احد اقعد الين يجيك الفرج

الله يعين بس

اعتذر لو كان الموضوع مكرر