من ورى السواق فوق البنتلي

مرت اللـي كنهـا بـدر التمـام
من ورا السواق فـوق (البنتلـي)
فاخرة .. والظن من راس السنام
مترفة فـي ضـف بيـت معتلـي
يـوم وقفنـا وجمعنـا الـزحـام
بالعنـا دارت مرايتـهـا عـلـي
وشدت الصـدر بنفَسهـا للامـام
والزجاج أرختـه.. أمـر تفتلـي
وحركت من غيهـا راس البهـام
وأشرت بالهمس .. عين البنت لي
وناظرتني .. نظرة ساقـت هيـام
كنها تقول : بـأشري بعت لـي ؟
ما نهاها الخوف عن فـك اللثـام
دمت لي يا مبتسمهـا دمـت لـي
بارق .. تقول مسلـول الحسـام
ومنعش .. في كـل ذوق ممتلـي
باغية مرام .. يا بعـد المـرام !
يا هواها .. كف .. لو لمّحت لـي
ويا لاشارة وقفـي ستيـن عـام
وضمنا يالدرب لو سمحـت لـي
وانـت ياسـوّاق عاليـة المقـام
اشهد ان عمتك صابـت مقتلـي
همي المـوت وهـواك الابتسـام
الخلي مـا هـوب مثـل المبتلـي


( منقوول )
لكم مني مع التحيه :
اســــ الجروح ـــــير