الآن بالصوت ( قصيدة فتاة خميس مشيط ) جداً مؤثرة ...

**الــغـــامـــدي** · 05-16-2006, 12:32 PM

سجينة خميس مشيط التي تقضي عامها

السادس خلف القبضان الحديدة بين الجدران

التي تبكي لبكاءها وتئن لأنينها, تكتب أبياتها

بدموعها, وترسل حسرات المرارة لكل سامع,

هموم وكُرب لا يتحملها أعتى الرجال, كيف

بامرأةٍ ضعيفة زلت فتحملت عاقبة زلتها سنين

من عمرها وشبابها الذي ذهب هباءٍ في سجنها

البئيس, أعظم الألم حين تندم فلا ينفع الندم

وتتحسر فلا تنفع الحسرة, وما زال في الأمل

أمل.

اللهم اعتق رقبتها يا سميع يا مجيب.

ألايـا الله ياعالم..بمـا أجـهـرت وأخفـيـت.

.ألا يــــا الله تفرجهاعليَه..يامـسـويـهـا

أناظرللزمـن نظـرة يتيـم مالقـالـه بـيـت ..

أناظـركـل هاالعالم..عيـونـي ماتكفـيـهـا

ألملم فرحتي بيدي..وأنا مـن فرحتـي شديـت ..

ونفسي يوم مـات الفرح..حزنـي جاءيعزيهـا

هموم ضيقت صدري..كثيرة يـوم أنـا عديـت ..

لقيـت احــزن بأولها..وأوسطها..وتاليـهـا

حـزن مايفارقني..معـي لانمت..أوسجـيـت .

. كئيـب مايبـي غيرالسهر..والنفـس يشقيهـا

دعيـت الله يصبرني..وأناممـاجـرى ملـيـت ..

ونفسي ياإلـه الكون..نفسـي مـن يراعيهـا

وش اللي صاربالدنيا..وش اللي في دنيتي سويت .

. جاوب ياالحزن أرجوك..جاوب قلـي وش فيهـا

رجـع صوتـي يرددني..يـرددكـل ماألقـيـت ..

جاوب ياالحزن أرجوك..جاوب قلـي وش فيهـا

ألاياليت..ألاياليت..ألايـالـيـت..ألايـالـيـت ..

"ولاة الأمـر" تاصلهـم قصيـدة يـوم أرويهـا

تمنيـت السعـادة تعود..وأنـاوالله ماظنـيـت .

. سنينـي الماضيـة ترجعبعيـدة عـن موانيهـا

تفتـت خافقـي والله..مثلمـا للصخـر تفتيـت ..

دوافيرالصدرشبت..ولـكـن مــن يطفيـهـا

إلهي صمت من أجلك..إلهـي لـك بعدصليـت ..

إلهـي يـاإلـه الكون..عيـونـي لاتبكيـهـا

أنا منساق لـك ركـب الذنـوب وهاأناحسيـت ..

دخيلـك ياإلـه الكون..عيـونـي لاتبكيـهـا

( ست سنين ) بي مرت وأنا والهـم والتنهيـت ..

ثناعشرعيد..أنا وحدي سجينـة دون أهاليهـا

وأمي في نهار العيد..تناديني في وسـط البيـت ..

وترجـع وتذكرني..دمـوع العيـن تهميـهـا

نعمت أول سنيني في جناب الفهد وافي الصيـت ..

مليك العُرب والإسـلام وبـلادي اللـي أفديهـا

وعشت اللين والشـدة ولوقاسيـت ماقاسيـت ..

تهون وتهون مادامـت حياتـي عايشـة فيهـا

وأنالازلت طمعا فـي سنيـن وعمرغيرأزريـت ..

عسى لـي فـي ذرا عبـدالله أيامـا أقضيهـا

وولي العهـد سلطـان الكـرم والخيرإذاناديـت ..

يلبي للضعاف اللـي سهـوم الوقـت ترميهـا

ألا ياأهل العفوتكفـون لا حيـه ولانـي ميـت ..

ألا ياأهل الكـرم والجـود فكـوا قيـد أياديهـا

أبي درع الحيـاة ولـو نفيتونـي ورا تكريـت ..

يكفينـي سنيـن سودفـي سجنـي مخاويهـا

ألا يـاالله ياعالم..بماأجـهـرت وماأخفـيـت ..

ألا يالله تفرجـهـا عـلـيَـه يامسـويـهـا.

للإستماع إضغط هنا

ملاحظة بعد الضغط على الرابط يجب الإنتظار

قليلاً بعد ظهور صفحة بيضاء لأنه حينها يقوم

بالتحميل .

**عســــوووله** · 05-16-2006, 03:30 PM

الله يفرج عنهــا و يهون عليها مصيبتها ..

... آميـــــــن يارب ...

بالفعل قصيدة مؤثرة و مبكيـــــــــــــــــه جدا ..

حـــرام عليهم والله ..

جزاك الله خير على نقل هالقصيده المؤثره جدددددا ..

ست الحسن · 05-16-2006, 11:10 PM

الله يهون عليها

ويفك قيدها

كلام مؤثر جدا

شكرا للنقل

تحياتي

**@الصدر&الجريح@** · 05-17-2006, 09:17 AM

الله يفك سجنها ويصبرها

انا سمعت انه تم القصاص ..؟

فعلا الإنسان لابد ان يتأكد من الخبر

اللي اعرفه انها دافعت عن نفسها .؟ شلون الشرع الى الآن ما انهى القضية .؟

هذا دفاع عن النفس

شكرا ابو تاله على موضوعك

**أم بنــدر** · 05-17-2006, 03:37 PM

مؤثرة جدا...

وفقك الله