 |
 |
|
|
|
||||
| |||||
|
|||||||
| الهبال الصرقعه الفرفشه يهتم بالفكاهه والضحك والفرفشه وكل من لديه شي يضحك ويوسع الصدر |
 |
|
|
LinkBack | أدوات الموضوع | انواع عرض الموضوع |
02-28-2006, 06:47 PM
|
رقم المشاركة : [1] |
|
محبوب مبدع
 |
رسالة قديمة جداً جداً وتحداكم تعرفون معناها كاملاً
انا متوقع انه مافي احد رايح يعرف معناها غير أهل القصيم
أختي الغالية أم دحيم السلام عليكم ورحمة الله وبركاته ... وبعد خطكم الشريف ووصل وفرحنا بوه... وكثر الله خيركم على المقطع والغدفه اللي كزيتي لي وأبشرك إن أخبارنا تسرك ...البقرة اضنت .. والبيض فقش والدجاجة الرقشا راجنه..وابشرك دحيم العلي اعرس .. ونوير مخطوبه..وعويش فطمناه من الرضا ع .. وسوير رقعناه من السقاط .. وصويلح شرى له دنانه وسليم ختم المصحف .. وعزيز الصالح اشوا من الطنان وسند ولد مضيوي بدا يحبي ..والحمد لله طاب الجحام اللي بعينه .. مثل ما قلتي حطينا عليه تبنه ..وحصيصه طابت قطوفه اللي براسه ..ومنير مشطناه بورد ه .. وأم سو يلم طلعت من الماجب وتممنا لسويلم .. والنعال الزنوبه اللي تخبرين عندناهكالسنه رقعناهن.. ومقطع الروزخبناوه..والدوشق غيرنا قطاعته.. والسفره الكبيره علقناه بالقبه..وحطينا بيت للردا والمصحف حق عمي.. والسراج زينا فتيلته ..والزبيل مليناوه حتات من نخلنا .. وشرينا سحاره ولقيناه منكسره ..وابقولك إني مع حمولتي غاديه حوسه.. الطايه تخر والمثعب منشق.. القاتوله منقلعه..وباب الروشن منكسر والموقد مسني والبريق منقشع..والله يهديك ياخييتي يأم دحيم.. البزار اللي كزيتي شوي الكركم بوه.. والمسمنه تقل رماد مابه ليمون.. والفتيت مسري.. والكليجا تقل عظامه.. وإذا بغيتو تكزون شئ كزو شئ يبل الريق ويواجه عند الحموله.. معك علم إن حمولتنا ناس نقاده وخالتي شراهه وعمتنا حقنه مايجوزله شئ مثل رقاص الساعه..وحريم عمومتنا صرت أنا هرجتهن وجذاعينهن شيبان كبري يترددون على هالجصه قضوا على التميرات الله يهديهم ..وأنا ماودي أطول عليك الحكي ..عسى ما يخلين منك.. ولا من جناين قلبك وسلميلي على نفسك خاصه وعلى من يعز عليك .. واختص بالسلام الرقاوي وحصوص..وقوليهم والله ماخلان اقصر عنوتي واشو فكم إلا إني تعيبانه ومقصره ولاصقه على ظهيري وضليعاتي.. ومارخه كتوفي ورجيلاتي بفقس ..ومعك علم هالريح تعودن من حين لحين يالله حسن الخاتمه والعمل الصالح وسلمي وأنتي سالمه. أختك أم كريم |
|
|
|
|
    
|
|
03-01-2006, 02:06 PM
|
رقم المشاركة : [2] |
|
كبير مراقبين محبوبتي العامه
|
مشاركة: رسالة قديمة جداً جداً وتحداكم تعرفون معناها كاملاً
هذي شفرة سرية لا رسالة تعجيزية
خخخخخخخخخخخخخخخخخخخخخخ نرسل نسخة لقطاع07 ان شاء الله يترجموها خخخخخخخخخخخخخخخخخخخخخخ يسلموو ياباشا |
|
|
|
|
|
|
|
03-04-2006, 08:49 AM
|
رقم المشاركة : [3] |
|
محبوب فعال
|
مشاركة: رسالة قديمة جداً جداً وتحداكم تعرفون معناها كاملاً
الموضوع سهل وأنا فاهم كل كلمه :)
هذا مشكلتكم يا 07 ماعندكم تعدد لغات <<<<<<< وخر عنه ياابو لغات انت :) طال عمرك هذي رساله مكتوبه بلهجةالقصيم وفي أقرب وقت اتجم لك |
|
|
|
|
|
|
|
03-04-2006, 10:31 AM
|
رقم المشاركة : [4] |
|
محبوب مبدع
|
مشاركة: رسالة قديمة جداً جداً وتحداكم تعرفون معناها كاملاً
كتكوت مكتكت
مشكور اخوي على على مرورك الكريم وتقبل تحياتي |
|
|
|
|
|
|
|
03-04-2006, 10:44 AM
|
رقم المشاركة : [5] |
|
محبوب مبدع
|
مشاركة: رسالة قديمة جداً جداً وتحداكم تعرفون معناها كاملاً
المحترف
مشكور اخوي على مرورك الكريم وفعلاً انا ذكرت انها خاصه باهل القصيم وتقبل تحياتي |
|
|
|
|
|
|
|
03-06-2006, 10:39 AM
|
رقم المشاركة : [6] |
|
مشاركة: رسالة قديمة جداً جداً وتحداكم تعرفون معناها كاملاً
اخوي فــــ النوف ــــارس ..
شوف انا من الامارات بس حاولت وانشاءالله اقدر اترجم.. لأن الرساله يطول شرحها.. ام كريم راسله رساله لأم دحيم...تقول فيها اخبار العائله الكريمه كلها من كبيرها لرضيعها.. رسالتكم وصلت وفرحنا فيها..وتشكرها على الاغراض اللي وصلتها وان الاخبار راح تسرها.. البقره ولدة..والبيض فقص..وولدها دحيم تزوج..وتبشرها بحال نوره وعايشه وساره وصالح وسليم اللي ختم المصحف..وعزيز بخير من الطنان اللى بإذنه..وسند بدا يمشي ع اربع..والجحام عينه شفت..وحصه راسها شفى..والزنوبه رجعهوها..وكيس العيش خبته..والمرتبه جددوها..فيه كلام هنا مو لازم افسره مفهوم..والسحاره صندوق اشتروا وطلع مكسور حقت الثياب والاغراض..وهي مع حمولتها اهل زوجها محتاسه معهم..وتعبانه مع اغراض المطبخ القديمه..والبهارات اللى ارسلته ام دحيم الكركم قليل فيه..والاغراض الباقيه مو عاجباها..وتقول لو حبيتوا ترسلوا شئ ارسلوا شئ يبل الريق..ويجملها امام اهل زوجها..وخاصه اهل زوجها ناس ينقدون ويشرهون..وعمتها حقنه مايعجبه شئ..وزوجات اعمامها يتكلمون عنها..وكبارهم الشيبان صاروا يترددون على التمر حقتها لين خلص..وبالاخير تسلم وتخص بالسلام..وانها تعبانه وفاركه نفسها بفكس..وانها تعودت على هالتعب ويالله بحسن الخاتمه...........لنهايه. كيف بس؟؟؟؟؟؟؟ تحياتي لك.. رحالــــــــــــــه... |
|
|
|
|
|
|
|
03-06-2006, 12:02 PM
|
رقم المشاركة : [7] |
|
محبوب مبدع
|
مشاركة: رسالة قديمة جداً جداً وتحداكم تعرفون معناها كاملاً
رحاله
مشكورة اختي على مرورك الكريم وترجمتك فعلاً صحيحه وصدقيني اكيد انه لك احد في القصيم بس انه في بعض الكلمات ما ذكرتيها بس صدق عجبتيني ههههههههههههههههههههههههههههههههههههههههههه وتقبلي تحياتي |
|
|
|
|
|
|
|
03-06-2006, 12:55 PM
|
رقم المشاركة : [8] |
|
|
مشاركة: رسالة قديمة جداً جداً وتحداكم تعرفون معناها كاملاً
لا والله مااعرف احد من السعوديه نفسها الا القليل..
والكلمات اللى تركتها بعضها مفهومه وبعضها ماعرفت وش معنى الكلمه.. واحس بعض الكلمات زينا وداخله بتراثنا حتى واستغربت انها عندكم.. زي كلمة السحاره..والبزار ..ربي يسلمك تحياتي لك.. |
|
|
|
|
|
|
|
03-06-2006, 03:35 PM
|
رقم المشاركة : [9] |
|
محبوب مبدع
|
مشاركة: رسالة قديمة جداً جداً وتحداكم تعرفون معناها كاملاً
يا سبحان الصدف
من جد في كلمات فعلاً من نفس التراث وهذا اكبر دليل على ترابط الدم العربي بيننا وتقبلي تحياتي |
|
|
|
|
|
|
|
03-07-2006, 08:16 AM
|
رقم المشاركة : [10] |
|
عضــ vipــو
|
مشاركة: رسالة قديمة جداً جداً وتحداكم تعرفون معناها كاملاً
حسيت لساني نعوج , وماكملت صراحه , اول سطرين ويكفي خخخخخخخخخخخ
رحاله سهلت الموضوع , يسلموووو قلبو هههههه :) |
|
|
|
|
|
|
|
| أدوات الموضوع | |
| انواع عرض الموضوع | |
|
|
العرض العادي
