 |
 |
|
تحدث مع الإداره مباشرة عبر الماسنجر عند وجود اقتراح شكوى استفسار مشاكل تواجهك في حالة كانت الصورة خضراء اللون اضغط واتبع الخطوات
|
|
|
|
|||||
| ||||||
|
|||||||
| الأرشيف أرشيف مواضيع المنتدى القديمة |
 |
|
|
LinkBack | أدوات الموضوع | انواع عرض الموضوع |
12-21-2002, 06:14 PM
|
رقم المشاركة : [1] |
|
مسحور محبوبتي المبدع
 |
قصه في السوق راشد...وشوق
استعداداً لعيد الفطر المبارك .. غالباً ما يخرج الناس الى الاسواق لشراء مستلزمات العيد وحلويات و … الخ .
بعد صلاة التراويح اتصل عبدالله بصديقه راشد عبدالله : ألو ... رشود وينك ... ليكون طلعت مع الشباب راشد : لا .. انا في مركز نيوهورايزن عبدالله : أخبرك اجازه .. وبعدين اليوم عطله يعني ما في دوام إلا للإدارة بس . راشد : لا أنا جاي آخذ منهم عناوين بعض المواقع اللي ممكن تفيدني عبدالله : من قدك يبه ... من أول ما طلعت من صفنا ورحت صف ثاني وانت صايد الاجازات ... احنا اللي ما كلين حصى .. المهم خلنا من المركز ووجع الراس .. وين الاقيك عشان ابيك تروح معاي السوق . راشد : ايوووووووووووووووه .. انا بعد لي خاطر اروح السوق .. عشان بي أغراض وايد للحين ما شريتها .. وأغراض البيت بعد .. ألاقيك بعد ربع ساعه عند دوار اللاند مارك . لما وصل راشد الى الدوار وقف سيارته خلف سيارة عبدالله .. اتصل عبدالله براشد . عبدالله : راشد وينك تأخرت ياخي راشد : انطر معاليك تطلع من السياره عبدالله : اشلون اطلع من السيارة وانت للحين ما وصلت راشد : ما تشوف وراك . عبدالله : هااااااااااااااااااااااي انت ؟!!! راشد : ايووووووووووووووووه ينزل عبدالله وينزل راشد ويسلمان على بعضهما عبدالله : مبروووك ..... متى اشتريت السياره ؟ راشد : اشتريتها أول امس لانه كان خاطري بجي اكس من زمان وبعد لان السيارة الأولى تكنسلت بالحادث اللي صار لي عبدالله : يعطيك خيرها ويكفيك شرها راشد : تسلم يابوعابد .... يله خلنا نروح قبل الزحمه ... توكلنا على الله داخل السيارة وفي الطريق الى السوق .. يخرج عبدالله شريط لخالد عبدالرحمن . راشد : عبدالله من صجك .. تونا مصلين التراويح وبعدين رمضان عبدالله : رشووود تكفا ودي اسمع هالشريط لان لي معاه ذكريات وبعدين اخبرك تحب تسمع لخالد .. وتعزف اغانيه بعد . راشد : أمري لله .. يالله شغل بس لا تطول الى الصوت عبدالله : راشد مو كأن السيارة اللي قدام سيارة وليد ؟ راشد : ايييييييييييييييييييي هاي وليدووووه .. لما نقرب من الدوار راح العوزه . قبل الدوار بـ 100 متر تقريبا يتجاوز راشد وليد ويقف بسيارته أمام سيارة وليد امام سيارة وليد .. كل السيارات تمشي عدا سيارة راشد وليد : بيييييييييييييييييييييييييييييييييب ... يابو الشباب حرك راشد يتجاهل وليد وبعد ما طلع روح وليد ... يفتح راشد الخط ويأتي وليد مسرعاً ليرى من هذا الشخص ... طبعاً راشد متلثم بالغتره . وليد : اشفيك انت موب صاحي مسكر الطريق ... ليكون سكران يفك راشد اللثام عبدالله وراشد : ههههههههههههههههههههههههههه وليد : والله كان قلبي ناقزني انه انت ... بس ما عرفت السيارة .. لانه محد يسوي هالحركات غيرك يارشود عبدالله : وليد وقف موترك في المواقف اللي قدام الدوار وتعال معانا يركب وليد مع راشد وعبدالله راشد : ها وليد وش كان فطوركم اليوم .. انا اخبر عمتي أم وليد طباخه درجه أولى وليد : فطورنا كله كان من كتاب أبلة نظيره ... شموط وعشر ولحوح وشاي ملبن . عبدالله : شنو هاذول راشد . راشد : هذول الله يسلمك متفجرات . تذكر يوم تعشينا عند وليد ذاك اليوم الاكل اللي كليناه كان عشر .. ليش ما عندكم في السعوديه هالاكلات ؟ عبدالله : عندنا بس بأسماء ثانيه .. ما راح اقول عشان ما تضحكون وعند الوصول الى سوق واقف .. نزل الجميع من السيارة عبدالله : قبل أي شي خلونا نروح الشيشه وليد : أي والله هاي المقهى اللي يسوي شاي كرك على كيف كيفك راشد : مو وقته ياشباب عبدالله : إلا هذا أحسن وقت دخل الجميع المقهى وجلسوا في الخارج حيث كان الجو في قمة الروعه عبدالله : ياصديق .. جيب 3 شاي كرك و2 شيشه تفاح بحريني راشد : ليش اثنين شيشه ؟ عبدالله : وليد ما يشيش يعني شيشه لي وشيشه لك راشد : انا خلاص ما قمت اشيش عبدالله : ليش؟ راشد : انا وعدت شخص عزيز علي اني ما راح اقرب الشيشه عبدالله : هييييييييييييييييييييي ..... مشكلة اللي يحب وليد : زين شباب خلونا نروح المحلات اللي احذا الصيدلية عندهم غتر وأزره عجيبه راشد : شباب انا باروح القسم الثاني عشان ابي اشتري أغراض للبيت يعني حق الميلس .. خبرك هالعيد التجمع عندنا . عبدالله : خلاص اوكيه اتصل لما تخلص راشد : على خير انشاء الله راشد يتجول في السوق من محل الى محل .. فجأة يرى طفلة تبكي وقد احمرت خدودها من البكاء . راشد : اشفيج حبيبتي .. ليش تصيحين وبعدين وين بابا وماما؟ الطفله : ماد ري ضيعتهم .. واااااااااااااااا اهئ اهئ اهئ راشد : وش اسمك حبيبتي ؟ الطفله : شوق راشد : خلاص ياشوق يله ندور على بابا وماما مع بعض .. بس خلينا ندش هالمحل .. رفيق بكم هالقطعه ؟ الهندي : بابا هادا واجد مزبوط عشان انته انا يقول 50 ريال هادا واجد قوي مافي كسر بابا انا مافي زياده تضرب شوق الطاوله بقدمها الصغيرة..... فتهتز وتقع القطعه على الارض فتتكسر راشد : هاي اللي تقول عنه واجد مزبوط مافي كسر الهندي : بابا هادا ممكن مافي ياباني .. انا في نامونا تاني راشد : بلا نامونا بلا طين .. ما نبي شي خلاص .. والله انك شديده ياشوق يخرجان من المحل ويحمل راشد شوق على كتفه شوق ... تقبل تبوس راشد على خده بوسه كله تفال .. يلتفت راشد لشوق ويبتسم لها .. تنزل دمعتين على خدودها راشد : اشفيج تبكين؟ شوق : انا كنت تعبانه وايد من المشي .. ريولي يعوروني وانت الحين شلتني راشد : خلاص حبيبتي انتي الحين معاي وانشاء الله راح نلاقي بابا وماما شوق : انت شنو اسمك ؟ راشد : انا اسمي راشد شوق : شنو اسم ابوك راشد: اسم ابوي عبدالله شوق : زين هاي الهندي ليش راسه ما فيه شعر ؟ راشد : هو لما كان صغير البقرة لحست راسه شوق : هههههههههههههههههههههههه فرح راشد بضحكتها بعد أن كان وجهها مرسوم عليه ملامح الحزن شوق : رشود هاي ليش سموه سوق واقف راشد لانه ياه شد عظلي وما قدر يقعد شوق : هههههههههههههههههههه وبعد البحث الطويل عن أهل شوق .. يدخل راشد ومعه شوق الى محل حلويات ويشتري لها بعض الحلوى .. وعند خروجه من المحل يرى وليد في الناحية الأخرى وليد : رشوووووووووووووووووودي راشد : وليد فضحتني .. رشودي هاي في الانترنت وليد : يله راشد برب انا وعبدالله في استار بكس لما تخلص دق علينا ... وداعه راشد : تيت مع ويهك . راشد وشوق يواصلان البحث .. فجأة ترى شوق اختها خلود شوق : راشد .. اختي خلود .. اختي خلود تذهب شوق مسرعه الى اختها خلود وراشد واقف مكانه لم يتحرك خلود : وين رحتي هاه .. صار لي ساعه ادور عليج .. بعدين اتفاهم معاج شوق تسرع الى راشد وتلتف بثوبه راشد بعصبيه : هي صغيره مالها ذنب .. اللوم عليكم انتو اللي هادينها بروحها خلود : لا .... أصلا انا كنت في المحل اشتري .. يقاطعها راشد كنتي تشترين مكياج وعطور وسوالف حريم . شوق : ايوه راشد اضربها راشد : ههههههههههههههههههههه خلود تضع غشوه على وجهها ضحكتها لا تسمع .. فجأة .. تنفجر بالضحك راشد : يااخت خلود ممكن اطلب منك طلب خلود : تفضل راشد : لا تضربين شوق ولا تخلين احد من اهلك يضربها خلود : انشاء الله ماطلبت شي .. وتسلم تعبناك معانا راشد : العفو .. .. يله شوق بااااااااااااااااااااااااااااااي شوق تنظر في راشد ولا ترد راشد : اقولج باي ... ردي علي شوق ساكته لا ترد راشد : أي خلاص من لقى احبابه نسي اصحابه.. يله مع السلامه يبتعد راشد عنهم .. فجأة شوق : رااااااااااااااااااااااااااااااااااااااااااااااااا اشد يلتفت راشد فيسقط منه الجوال ولم يبالي .. ويرى شوق تركض باتجاهه .. فيسرع راشد باتجاهها .. ترتمي شوق بين ذراعيه وعيناها تذرفان الدمع وخدودها محمره ومبلله بالدموع.. تضع وجهها على صدره .. وهي تئن وتبكي .. خلود لم تصدق ما رأت الى اللقاء في الجزء الثاني،،، :D |
|
|
|
|
    
|
|
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| مذكرات مراهق كويتي ... ( مرررعبة ) | زمان الصمت | قصص وروايات | 28 | 04-08-2007 06:51 PM |
| تجزئة الأسهم ... شرح وتعريف.. | كتكوت مكتكت | منتدى عام | 5 | 04-21-2006 01:39 AM |
| هذا ما حصل في السوق وهذا ما سيحصل...منقول من مصدر مسئول | ست الحسن | منتدى عام | 3 | 03-18-2006 10:35 PM |
| الان لاحبتي الفنان القدير (راشد الماجد) | $@$سهام الحب$@$ | منتدى عام | 14 | 01-01-2006 02:02 AM |
| &&& قصة ...:::][مــــوعــــد مــع الـــســـــعـــادة][:: من القصص الطويلة رووعه &&& | alshayeb2000 | قصص وروايات | 70 | 02-19-2005 07:31 PM |
العرض العادي
