صباح الحب ,,,

يسعد صباح الحب يـا سيـد الحـب
......................يالي ملكت إحساس وأشواق مغليك

يا صافي الخديـن يالطيـب العـذب
......................يا ورد جوري موردٍ بيـن خديـك

حبك رسمته بين الأضلاع والقلـب
......................بدٍ من العالم أنـا اهـواك وابيـك

يا محرك أشجاني على كيفك العـب
......................جتك المشاعر هايمـه دوك لبيـك

تدلـل آمـر سـم لبيـه وأطـلـب
......................ما دونك الا الود والحب وأعطيـك

صدق المشاعر وافيه طول هالدرب
......................ومن صافي الوجدان يالزين يجيك

تسطي على التفكير والشعر يكتـب
......................لجلك حبيبي يوم الالهـام يطريـك

بس الأماني الغاليـه ليـه تسلـب؟
......................أواه يـا ليـلٍ تـزايـد بـلاويـك

ترى بعادك زادني يالغضـي كـرب
......................بس أطلب الله عل هالـود يبقيـك

ساهر حزينٍ وأرتقب رجعة السـرب
......................وحدي أسامر نجم ليلي وأناجيـك

ظميا المشاعر وشوفتك منبع الشرب
......................متى على الله تلمس أيـديً كفيـك

طال الغياب وملت همومنـا الغـرب
......................متى يا عمري تشرق أحلامنا ذيك

لكن لجل كل الوفـا أطلـب الـرب
......................ان تحرم الغفوه على عين ترجيك

خذني مشاعر صادقه تطلب القـرب
......................وخذها قصايد من خفوقي تناديـك

يسعد صباح الحب يـا سيـد الحـب
......................يسعد صباحه لي غدا مغرمٍ فيـك


شمالي,,