خفـوقٍ حـل تدميره

أقفيت من عنده ودمعـــي مغـرقٍ عينـي ** أجهل جفاها ولا أدري وش معاذيره

أقفيت و أنــا عشقها بالقلب كـــاويني ** والحب كله لها غنّا و شــدا طيره

من يــوم مـرّوا علـى داري .. مقفيـني ** الدمع فـي دفتري بانت تعــابيره

أبكي .. علـى فرقته وأبكـي علـى سنيني ** وعمرٍ وعشـقٍ عطيتـه ما هو لغيره

وإن كـان قلبـه مـع الأيـام نـاسينـي ** يا صاح عنـدي تساوى شره وخيره

وما أبيه يســأل عن أخباري وأنــا ويني ** أبيه يبصـر خفـوقٍ حـل تدميره

وش غيره من بعد مــا كـــان يغليني ** ما كان غيـري يريـد ولا نبـي غيره

الحال من بعدها يـــا ناشدي .. شيني ** ولا عـاد ينفعني أعــذاره وتبريره

لــو راح في غيبته حـينٍ ورى حـيني ** والله فلا أنساه ولا أنسى ماضي السيره

يبقى بقلبي ولــو هو غــاب عن عيني ** وافي على عهـدنا المـا ضي ولا غيره

ولا لي جــدا يوم راح الكـامل الزيني ** غير اصفق الكــف واتبع خلفه السيره

أخي أسير الحرمان

من جمالها نقلتها لك

لك مني كل الحب والتقدير