الذاهبه.....خالد عبدالرحمن

السلام عليكم ورحمه الله وبركاته

هذي كلمات الذاهبه
للشاعر ..ناصر القحطاني
غناء..خالد عبد الرحمن
وياليت اللي يعرف قصة هذي القصيده يكتبها لنا..

الله اللي راد والعقده قضاها اللي عقدها
لاعلى الدنيا سلام ولالباقي العمر زينه
الفضاء ماكنه الاخيمة طاحت عمدها
والفرح ماكنه الا شيخ انقصت يدينه
والشوارع لفها ثوب الظلام اللي هجدها
والبيوت اطلال من عقب المحبه والسكينه
والشتاء والليل والبرد وسمايصرخ رعدها
والعيون اللي ورى الشبك مذعوره حزينه
طولوا في الكهف الاصحاب وبقت روحي وحدها
كنها في كوكب ثاني خلامن ساكنيه
الوداع اللي بعلم العين يعبر من رمدها
والوداع اللي بلاعلم لقفص صدري غبينه
والعنود اللي جفيت الناس في الدنيا بعدها
مدت الفرقى لغاليها وهي تعطي الثمينه
وينها كيف تركتني ليه ماجت في وعدها
والقمر لاطل خابرها تجي بيني وبينه
رحت انادي واتلمس في مهب الريح يدها
كني احصان بلاصاحب طوى البيداء حنينه
رحت اصيح الصبح وينه والعرب مارد احدها
ماسمعت الاصدى صوتي يقول الصبح وينه
كنهم من يوم ذيك الذاهبه محد وجدها
كل الرجال من الشرهه قلع في الدرب عينه
اثرها ماتت وماتت كل الفرحه في مهدها
والربيع اقفت به اللي كانت التاج جبينه
جاورت عقب الحدائق حفره مقسى لحدها
حفرة ماني مصدق كيف ضمت ياسمينه
للحزن فيني مثل ماللطهاره في جسدها
وش اسوي لافتشت اللي لها وسط الخزينه
زخرفت حلم وبنت له مسكن وسمت ولدها
اه لوغرد ولدها في خميلة والدينه
عاهدتني وظفرت بيمين اقوى من عهدها
والصبي لاخير فيه ان كان مانفذ يمينه
ماتنقى عن رثاها عرق اكتظ بشهدها
ولاتبقى خلف قضبان عذرى سجينه
كيف عند العالم ايام العزى محصى عددها
والا انا طالت شهور والله اعلم كم سنينه
لا الثرى فيها نبات ولا المشي خفف نكدها
ولا السماء فيها طيور ولا البحر يمه سفينه
لا القمر هذا مساه ولا العسى هذا رغدها
ولا الزهر هذا شذاه ولا الذهب هذا رنينه
قالو الشيخ الفلاني مرجع القوم وسندها
قال يبشر بالعوض والعلم جينا ناقلينه
ساق لك بدر البدور اللي نشدها من نشدها
جادل هزت عروش وخيبه ورؤوس ذهينه
قسمها في رسمها في جسمها الا في رشدها
واسمها ان جاء للغضب قومه على الالسن طرينه
اترك الناي وعطيت شيخنا غن لسعدها
وانبسط ياعم وانسى اللي ورى التربه دفينه
قلت ولصدري تناهيت تروع من شهدها
اه واويلاه من يجلب على قلبي ظنينه
خلو اغلى ذاهبه ترعى ربيع اللي فقدها
والعطى راعيه محد صوبه الله لايهينه
لوضمنت الجنه وتفاحة القلب وشهدها
قلت من بكره عسى مجنونها تاقف سنينه
الله اللي راد والعقده قضاها اللي عقدها
لاعلى الدنيا سلام ولا لباقي العمر زينه

وسلامتكم..

اختكم .... نوال