حكاية عريس ليلة الدخله !

**ولد الدمام** · 03-05-2004, 02:07 PM

حكاية عريس ليلة الدخله !
السلام عليكم مصردعين ومصردعات تماسيح وضفادع وخنافس

( الخنافس = عفا الله عما سلف )

المهم ماعلينا

من الحين للعالم اللي تحب المواضيع القصيره اقولكم روحو جيبو لي كاسه مويه وبعد ما تجيبوها انزلوا للبقاله واشتروا لي فش فاش

موضوع قصتنا اليوم ليلة زواجي 000 من إخراج زكي قاسم كاجغملي الزنجباري من تنزانيا الشقيقه

في مره من المرارير اللي تمر كل يوم 12 مره

كنت لابس البندانه زي الشغالات فيها صورة عادل امام ولابس ذاك التي شيرت اللي في ظهره دعايه لكفرات كومهو وذاك الشورت الكاروهات اللي يحبه قلبك فيه صورة دب من الجنب كذا وزنوبه الله يكرمكم وجالس اقربع واطقطق بالنت حايص بين اقسام المنتدى وشوي يدق الجوال الا وهو الوالد الله يحفضه ذخر لي وتصير المحادثه التاليه 000

ولد الدمام : الوووووووووووواااااع
الوالد : وينك يالووح الحلاوه
ولد الدمام: في غرابيل <<< على باله يكلم واحد من أخوياه في النت
الوالد : عساك بغربله تغربل اماصيرك فينك
ولد الدمام : في مقهى انترنت
الوالد : انت متى راح تبطل السربته الزايده ارجع البيت الحين ظروري ابيك
ولد الدمام : تيب يابابا <<< مسوي ولد بيوت ومؤدب
الوالد : (( تييييت تييييت تييييت تييييت ))
طبعا فصل التلفون في وجهي كالعاده

ياله ماعلينا

خرجت من المقهى ودقيتها كعابي كالعاده
وصلت البيت ولاقيت ابوي وامي مسويين رباطيه ويناظروني بربع عين كأني قاتل لهم قتيل

الا وفجأه 000

الوالده : ياريان نبي نزوجك
الوالد : عساه يفلح
الوالده : لا وش ناقص وليدي حشاشه يوفي <<< قلك عقلك امه كويتيه خخخخخخخخ
ولد الدمام : قولوا والله

الوالد وبحركه خطافيه استغرقت عشر الثانيه يناولني ببراد الشاهي على راسي ويقول لي كمان : جالسن نمزح معاك يا ورع

بالله وش ذا التحطيم ورع ويبون يزوجوني >>> مقامك اكبر من كذا

تمت السالفه بين الاهل

وبدأت القصه من هنا 000 <<< حاس بشئ ماشي عليه مليون من القارئ الكريم

يوم الخطبه ادخل انا والوالده لغرفه كذا ثلاثه بأربعه كأنها غرفه حارس عماره يبوني اشوف العروسه

شوي وانا جالس ومتشمغ وراز الكوبرا ( الله من الغبار ) على بالي الملك قابوس الثاني تدخل بنت مانقول غير الحمد لله على العافيه ياله هذه حال الدنيا

تدخل علي وهي معها تبسي ( قدر مدري وش يسمونها الناس اللي تنحط فيها كاسات البيبسي ) وعلى التبسي كاسات عصير تانق ابو المنجو والله ذكرتني بأيام المدرسه من قوه الغبار

جيت اباخذ الكاسه الا وطيحت التبسي فوقي <==== حقد بنسبه 99،99%

قلت وانا نفسي اناولها بالكيبورد اللي اكتب بيه على راسها (( قدر الله وماشاء فعل )) <<< مسوي رزيييين للحين

ومسويه استحت البنت وخرجت من الغرفه

الحمد لله على العافيه ونعمة العقل عسى الله ياخذك ولا يردك <<< قلتها بتمتمه

شويه شويه طب ملكت عليها

شويه شويه جا يوم الزواج

وهيهات يوم الزواج

جالس في الصف مع ابوي وابو العروسه
مافيه غير عالم رايحه وعالم جايه واشكال اول مره اشوفها (( طبعا السلاتيح هو ذولي ))

شوي تدق العروسه جوال (( بالله ذا وقته العروسه تدق جوال)) وهي تتسمكر قبل الزفه وش العالم اللي مو متعوده ذي على النعمه <<< يمدحونك ساكت ياقلق

يدور الحوار التالي 000

ولد الدمام : هلا والله
العروسه : بلا هلا وبلا بطيخ وينك
ولد الدمام : جالس العب مونابولي !! بالله وين بكون مرزوع على عين اهلي في الصف
العروسه : وش رأيك اسوي ضلال العيون اصفر ولا رماني ولا فيروزي ؟؟
ولد الدمام : وش ذوق الخدم ذا ؟؟ خليه عشبي احسن
العروسه : تتريق
ولد الدمام: لا بس انا صريح من البدايه <==== يلعن شكلي ياشيخ على الاسلوب الحمش
العروسه : اللي تشوفه ،، طيب وش رأيك شلون اخلي تسريحه شعري ؟؟ نافوره ولا قنازيع ولا حلاقه سيزر ؟؟؟
ولد الدمام: لا خليها قصه الأسد (( الله من الغبار ))
العروسه : كيف شكلها قصه الاسد باين عليها فله <<< ابووووووكي من جهل
ولد الدمام : سلام نشوفك بعدين يالفاغره
العروسه : آآآه آآآآآه تيب <=== مسويه مستحيه حسبي الله بس

شويتين ينادوني بالمايكروفون

ولد الدمام ولد الدمام ياله ياعريس روح طسسسس لحرمتك تراك طولتها وهي قصيره

واطس لقسم الحريم

اول ما ادخل وش العالم اللي شفتها ذي

مافيه غير اناظر بالبنات وانواع السعابيل والفجعه الا وتاخذني امي من سمعي تقول لي الله يفشلك لا تناظر ببنات الناس روح لحرمتك

وانا اقول لها

(( ان الرقم الذي طلبته غير موجود بالخدمة مؤقتاً ))

واروح للعروسه

ناظرت لوجهها 0000

آآآآآه ياله الله يسامحك يا امي على اختيارك

قعدت بجنب العروسه وقلت لها وش ذا الزين وفلقه القمر اللي انا جالس بجنبها

طبعا لا تصدقو لأن اصلاً عليها وجه لا لون ولا خشم ولا ملامح ولا حتى اسنان عدله

عليها اسنان زي الرصيف
وشعر مسويه قصه والله زي الخنافس المقلوبه
ولون زي لون العسل المحروق
وخشم تقول مرزام شماغ
وعيون زي قعر الفناجيل
فيها شبه من الحبيب ذا >>>

والله مو لو تسوي مكياج
ياشيخ لو تصنفر وجهها وتحط بويه معتقه ماراح تصير حلوه

طبعا انا جالس معها بالكوشه وودي انام من الطفش

وفعلا نمت

الا وشويه

قربعععععععععععععععع

<==== ماصار شئ ماصار شئ قدر الله وماشاء فعل

المهم

واخذها وأركبها كرسيدا 80 وكثيره فيها وعلى الشقه

والعالم وراي واصوات بواري كأنه الاتحاد فاز
وانا ضغطي ارتفع مليوووووووون

رحنا للشقه ودخلت مسويه مستحيه

طبعا

وبكل برود

وبكل قهر

وبكل وداعيه

وبكل عنفوانيه

وبكل فخر

وبكل رجوله

وبكل صراحه

يجيني الوالد ولطش فيني وانواع المويه البارده تنصب على وجهي ويقول لي

قوووووووووووووووم للمدرسه ياعديم المسؤوليه

بالله انا عديم المسؤوليه

ياله حكم القوي على الضعيف وش نقول بس

خلاصه الموضوع انه كان حلم ياحظي والله

وطاااااش ماطااااااش فور اووول

احلىىىى شرده

مع تحيات :
ولــــــــــــــــــــد الدمــــــــــام

**عبدالعزيــــز** · 03-05-2004, 02:21 PM

مبررررررررررررررررروك

بالرفا والبنيييييييييييييييين

<<<<<<<< عزووز معك في الاحلاااااااام

ههههههههههههههههه

يسلموووووووووو

وانا كمااااااااان مع الوالده : ياريان نبي نزوجك :)

ههههههههه

______

شكرا :)

**ولد الدمام** · 03-05-2004, 02:30 PM

اشكرك من كل قلبي على ردك بموضوي اخي عبد العزيز

مع تحيات:
ولد الدمام

**القلـق** · 03-06-2004, 11:28 AM

شكل هذا من طاش ماشفتووووووه

ياخي انته رهيب

وعندك خيال واسع

اشرايك نتشارك في مشروع ونسوي افلام من الاحلام ؟؟؟؟

**عاشق الليل** · 03-06-2004, 11:37 AM

.....ههههههههههههههههههههههههه.....

.....موضوع حلو بصراحه وهذا كل اللي اقدر اقول.....

....بس ياخي طولتها وهي قصيره!.....

.....نعست وانا اقرا!! هههههههه.....

.....امزح.....

.....تسلم ولا تحرمنا من جديدك.....

.....تحياتي.....

(*·.¸.....عـــــاشـــــق الـــــلـــــيـــــل.....¸.·*)

**عــراقي راقــي** · 03-06-2004, 11:49 AM

[align=center]هلـــو .. عيني

ردي بالمختصر المفيد

مو ( مو شي )

يعني شي

و

تقبل

قوبلاتي و بوقسياتي

[/align]

حكاية عريس ليلة الدخله !

الهبال الصرقعه الفرفشه